إعـــــــلان

**نااانو** **نااانو** · 05-08-2014, 02:15 PM

الله يامنمونتى
روعه ومعجونة بحب
جمال وومطبوخ على نار هادئة
مشروب بمذاق مميز
لن يتذوقه غير من يمر بمقهاكى الرائعه
اقول ايه ولا ايه ولا ايه
كلماتك لدومى تحفة يستحقها واكتر
ربنا يحميه ويحفظه
ابو اجمل ابتسامة
صور جميلة له تمس القلب
وكلماتك المبعثرة واختيارك لاغنية جميلة
كله كله رائع
والاروع هنودة الحلوة
اجمل كيميائية عرفناها
اظرف ردود قابلناها
ضحكتها الحلوة التى لا تفارقها
فى انتظار ضيفتك وضيفتنا الجميلة

**هالة** **هالة** · 05-08-2014, 03:17 PM

قالوا اعز الولد
ولد الولد
سكر وشهد
زين والله
خفة دم فاق الحد
ربنا يحميه ويبارك فيه
وتفرحي ان شاء الله به
ادومة باشا السكرة
منور قهوتنا العامرة
القهوة النهاردة فيها من الشجن كثير
احبه راحوا وفاتوا مكانهم فاضي
وبلد فيها من التعب حواديت كثير
لكن حتفضل قهوتنا
دايما فيها لمتنا
تهون علينا غربة القلوب
في انتظار هنودة الحلوة
تسعدنا بصحبتها الهنية
وحنفضل دايما نستنوا
باب قهوتك يفتح ويجمعنا
تسلمي حبيبة قلبي
وتدوم قهوتك مجمعة الاحبة

**نورسين** **نورسين** · 05-08-2014, 07:42 PM

ما شاء الله قهوه عامره باهلها و ناسها الطيبين
كلها موده ومحبه تسبق رحيق فقراتها العابقه بالثقافه والرقى
اكيد لى عوده ان شاء الله
يسلموا الله يحفظك ويبارك فى عمرك

1

**Mrvatbishr** **Mrvatbishr** · 05-09-2014, 04:08 PM

وحشتونى يا جماعه
كان عندى مشكله فى الباسورد والحمد لله
المهم ألتقى بالصحبه الطيبه
والقهوه ذات المذاق الرايق
والجميل العسوله حفيد الاستاذه منمن
وفى انتظار الزهره الجديده هنوده
لتنضم لبستان المحبه
وتحيه خاصه لكل الأصدقاء دمت فى رعايه الله

**SaMaR_ BakR** **SaMaR_ BakR** · 05-09-2014, 06:53 PM

منمونه حبيبتى
اكتر مضيافه فى ألهندسة الصناعية
قهوتها تسحر الكل
ويشتاق لها رواد ألهندسة الصناعية
عشتى حبيبتى
ودام لنا لمتنا حول قهوتك اللذيذة

حبيبي ادومه منور الدنيا بضحكته السكر
ربنا يبارك ويخلي
وتعيشي وتشوفى ولاده

فى انتظار هنودة حبيبتنا
ولقاء أكيد رائع

**هند** **هند** · 05-10-2014, 05:23 PM

اشكرك حبيبتى منى على المقدمه الجميله جدا
كتير علىّ الكلام الحلو ده

وسعيده جدا انى ضيفه القهوه فى نفس الليله
اللى ادومه حبيبى ضيف فيها هو كمان
ودى هديه خاصه للعسل ابو سنّتين ارنوب

1

هنودة حبيبتى عرفينا بنفسك؟

انا كيميائيه كمبيوتريه فنيه منوفيه
هههههههههه

س2 هل الموهبه وحدها تكفى لوجود فنان بالفطرة؟

اعتقد ان فيه فنانين فى مجالات مختلفه
اعتمدوا على موهبتهم الفطريه
ونجحوا بشكل كبير
لكن بالتأكيد الدراسه هامه لصقل الموهبه
وكذلك الاطلاع على تجارب الاخرين
وعلى كل جديد فى مجال الفن
والدراسه هامه حتى لغير الموهوبين
ولا اقصد الدراسه الاكاديميه
بل الدروس العمليه وخبرات الفنانين
و فى مبدعات ألهندسة الصناعية اكبر مثال
فالعديد من محبى منتدانا
بدأو شغفهم بالفن تعلموه خطوه خطوه منكم ومعكم
ومع الغالى ملك رحمه الله
وانا منهم ربما املك حس فنى ولكنى لا املك موهبه فنيه
ومع ذلك تعلمت الكثير جدا منكم
وارتفع مستواى الفنى بشكل كبير
لكنه لايزال لا يرقى للعرض فى منتدانا الحبيب هههههههه
لان المنتدى مستواه عالى جدا
ورغم كده ناويه اتحفكم بصورة باقه من اعمالى
وكان الله فى عونكم هههههههه

1

س3 ممكن تعملى معادلة بسيطه فى معملك
للوصول الى توليفه جميلة لانسان فنان متحضر؟

موهبه + دراسه -------> فنان
فنان + اخلاق + ثقافه --------> فنان متميز متحضر

س4 جهل + مال =

قد يكون الانسان جاهل لكن ممكن يكون عقله متفتح رغم جهله
فيستعين بمن هم اعلم منه ويستشيرهم فى اموره
و ايضا اذا كان يتحلى بأخلاق طيبه
لا يكون وجود المال معه مشكله
اما المال فى يد الجاهل سيئ الخلق الذى يكابر ولا يعترف بجهله
ويفتى فى كل شئ
يكون كارثه
اللهم احفظنا

س5 اختارى شخصية من شخصيات منتدانا وابعثى لها رسالة؟

ابعث رساله لكل اهل المنتدى
اولا احبكم جميعا
وثانيا اعذرونى ان رأيتم منى تقصيرا او تأخيرا فى الردود
فوقتى لا يسمح لى بالكثير
والنور احيانا لا يسمح لى حتى بالقليل هههههههه

س6 ما هى خطتك لو اصبحتى وزير التعليم
فى حكومه الرئيس القادم ؟

شوفى يا منمن بكتب لك الوقت وقد تقمصت الدور
و حاطه رجل على رجل
خطتى ان احصل على سياره مرسيدس
ميخدوهاش منى لما اطلع من الوزاره هههههههه

لو بقيت وزيره للتعليم
استعين بخبراء من انجح الدول فى التعليم
واحاول اطبق افكارهم على المدارس الحكوميه
لتصبح بمستوى المدارس الخاصه وافضل
ده طبعا محتاج لتطوير الكتاب المدرسى والمدرسه والمدرسين
(حاجه بسيطه خالص هههههههه)
يهمنى ربط مناهج المواد المختلفه بمواد نشاط حقيقيه فنيه وتكنولوجيه

يعنى ممكن مثلا السنه اللى الطالب هيدرس فيها مثلا الجهاز الهضمى
يكون جزء فى منهج الرسم عنده فى نفس السنه
انه يرسم اى جزء من الجهاز الهضمى و او يعمله من الصلصال مثلا
كمان ممكن يكون النشيد فى حصة الموسيقى
عن الجهاز الهضمى كمان حصص الكمبيوتر
يكون فيها العاب تشرح الجهاز الهضمى بشكل تفاعلى لطيف
يحبه الاطفال ونفس الكلام بالنسبه لمواد الرياضيات والدراسات
فإذا خرج الطالب من مرحلة التعليم الاساسى
وهو يحب الماده و يفهمها
فسيظل متفوقا فى كل سنين دراسته

واخيرا سأهتم بأن اوفر للطلبه الوسائل التكنولوجيه
حتى الغى شنطة المدرسه التى تقسم ظهر الطالب المسكين

و يكون التعليم عندنا اى باد مش اى ظهرى هههههههه

1

طولت عليكم
وزيره بقى اتكلم براحتى هههههههه

**هند** **هند** · 05-10-2014, 05:29 PM

س7 كلمات دونيها على جدران قهوة ألهندسة الصناعية للذكرى الخالدة؟

1

س8 لما ذا اخترتى ألهندسة الصناعية رغم ميولك العلميه لتسكنى اليه؟

بحب العلوم فعلا لكن المبسطه مش المعقده
واحب متابعة الاشغال الفنيه و اعادة التدوير
والدتى شطاره بتعمل حاجات كتير
وجدتى الله يرحمها كانت تعمل شغل بالخرز
وكان لنا جاره خياطه كنت اروح اجيب منها شنطه كبيره
مليانه قصاقيص كانت متعه بالنسبه لى
انى اتفرج على القصاقيص كل واحده شكل ولون وخامه
وتقصهم جدتى مربعات صغيره
واقعد معاها اطبق المربعات لمثلثات
وتثبتهم هى على خداديات كنت اعشقها
يعنى انا طالعه لهم بس الكمبيوتر شغلنى
ولقيت المنتدى بيحقق شغفى بهواياتى التلاته مع بعض
العلوم والفنون والكمبيوتر

س9 ماهى امنياتك الخاصة والعامة؟

امنياتى الخاصه
ربنا يحفظ بابا وماما وزوجى
ويخليهم فى احسن صحه واحسن حال

ويحفظ لى ملك الورد كوكو حبيبى واشوفه انسان محترم
متفوق ناجح محبوب ومتدين بإعتدال

واتمنى ربنا يفك كرب شادى ويرجعه لاهله بالسلامه

الامنيه العامه

ربنا يحفظ مصر و يحفظ اهلها من كل من اراد بهم سوء
وان شاء الله يكون القادم اجمل من كل التوقعات

س10 من هى الشخصي التى تاثرتى بها؟

لا تحضرنى شخصيه محدده ولكنى اتأثر بكل من حولى
سلبا او ايجابا
من ارى فيه صفه تعجبنى احاول ان اقتدى به و اتعلمها منه
ومن ارى فيه ما اكره احاول افتش فى نفسي فإن وجدت فى نفسي هذه الصفه
احاول التخلص منها قدر الامكان

واخيرا اشكرك منى حبيبتى على استضافتك
واحييك على مجهودك الرائع فى الاعداد لكل فقرات القهوه المتميزه
واشكر كل اهل المنتدى اللى استحملوا كلامى الكتير ههههههه
اتمنى لكم ولمنتدانا كل الخير
والتقدم والازدهار
وهذه هديتى لكم جميعا

1

والسلام عليكم ورحمة الله وبركاته

**هالة** **هالة** · 05-10-2014, 06:51 PM

هنودة الحلوة
ردود شيك لبقة
كل كلمة في محلها
وزيرة بقى
ههههههههههه
طبعا الموهبة دي من ربنا
لكن ميمنعش ان الواحد
تكون عنده موهبة لكن محتاج لحد
" يصنفرها " فتلمع وتظهر
كلنا عندنا موهبة لكن بتتفاوت
واكيد مواهبك حبيبة قلبي
لا تقل عن اي موهبة هنا
جميلة الروح وخفيفة الدم
ما اجمل ما حباك ربنا به
وكم سعدنا بانضمامك لنا
وبتسعدنا دايما ردودك وكلماتك
مون مونتي الحلوة
تسلمي حبيبة قلبي
لاستضافتك الجميلة
هنودة
سعدت بمتابعة حواراتكم
وسعدت برؤية عمل ايدها
تسلموا حبيباتي
ربنا يبارك فيكما

**SaMaR_ BakR** **SaMaR_ BakR** · 05-10-2014, 08:11 PM

نورتى هنودة القهوة
حضورك رائع
وهداياكي فى صور من اختيارك قيمة
ولها طابع مميز خاص بيكِ

عجبتنى جدا جدا صور أعمالك المجمعة
وبطالب هههههههههه بتوضيح خطوات الأعمال
اللى انا شايفاها على قدر متميز من الموهبة

حوارك رائع ,, وأفكارك كوزيرة تستحق النقاش
هههههههه
وخصوصا موضوع العربية

نورتى القهوة
ربنا يباركلنا كلنا فى كوكي حبيبنا

تسلمى منمونه على الأستضافه الجميلة
والفقرات الرائعة كالعادة
وربنا يخليلنا أدومه

**نااانو** **نااانو** · 05-10-2014, 08:27 PM

حبيبتى وزيرة ألهندسة الصناعية
هو اللى باقى لنا
لاجاه ولا سلطان
هههههههههه
تلاقى فيه كل ماتتمنيه
من افخم انواع السيارات
واجمل الديكورات لارق الغرف
وكمان اى طقم شاى تتمنيه تجديه
يعنى كل مانتمناه نجده بسهولة
نورتى القهوة بخفة دمك وردودك الجميلة
وربنا يحقق لك كل ماتتمنيه
ويسعدك بكوكو الجميل
لكن الصورة المجمعه دى لا تكفى
عايزين كل عمل على حدى
يلا بلاش كسل

**علا الاسلام** **علا الاسلام** · 05-12-2014, 10:41 PM

هنودة الجميلة
نورتى قهوة وردنا بتواجدك الغالى
وامتعتينا بردودك الجميلة الرقيقة مثلك
لا حرمنا الله طلتك الحلوة
بارك الله فيك ودايما تسعدينا بمشاركاتك وردودك الجميلة

عسولتى الجميلة منى سامى
طبعا بأقولها مِراراً وتكراراً .. قهوتك ولا أروع
مكان جميل بنتجمع فيه .. مع أحلى مواضيع وفقرات وضيوف
مجهودك كبير .. وفقرات كلها مفيدة وشيقة وممتعة
وضيوفك كلهم حلوين
وضيفتنا كمان المرة دى هنودة الجميلة
نورت القهوة ووردنا بردودها المميزة
جزيل الشكر لك منمونة الجميلة
جعله الله فى موازين حسناتك

**امل نيازى** **امل نيازى** · 05-13-2014, 05:11 AM

اميرتنا الجميلة
هند
اسم على مسمى
اميره الكلمه القويه التاثير
تجذب قارئيها بالارق والاعذب
نورتى قهوة كل الفنون باعمالك الجميله
ان شاء الله تمتعينا وتفيدينا بالاجمل دائما

الامير الجميل آدم
منور قهوتنا
ماشاء الله ربنا يبارك فيه وتسعدى بيه وبكل احبابك
صُحبه جميله واختيارات مميزه متجدده
دمتِ منى رائعه

اسعد دائما بصحبتكم الجميله
بارك الله فيكم اهل ورد الغاليين

**Mrvatbishr** **Mrvatbishr** · 05-15-2014, 03:10 PM

هنوده الجميله
زهره قهوتنا الجديده
منوره يا سياده الوزيره
الحمد لله عندى طفل
سوف يستمتع بالأقتراحات الجديده
هنوده الجميله نورتى قهوه ورد الفنون
وامتعتينا بالصور الجميله اللى نزلتيها وننتظر المزيد
والله يحمى كوكو وتشوفيه
اسعد الناس

**Amany Ezzat** **Amany Ezzat** · 05-18-2014, 08:44 PM

وااااااو القهوة اليوم رائعة فوق العادة
الغالية هند نورتى القهوة بحضورك
وردودك وصورك الرائعة تسلمى
ربنا يحققلك كل أحلامك ان شاء الله

**جابر الخطاب** **جابر الخطاب** · 05-20-2014, 05:45 AM

غاليتي ابنتي المبدعة منى
عندما تزدحم هموم الحياة ووتتكاثف سحبها يبحث الإنسان عن
متنفس جديد يشم به نسيم الحياة العذب ويستعيد حيويته وطاقاته
وفي قهوة الورد الرائعة تتعاظم صور الإبداع ويشرق الجمال مزينا جدران القهوة
بروائع الفنون وعميق الحكم هي مهرجان ساحر متنوع الروافد الثقافية والفنية وأجمل ما عانقته عيناي صورة البرعم الجميل آدم الذي يعكس في براءته روعة الطفولة وزهوهاحفظه الله مصدراللسعد والهناء وكنت قد تمثلته في قصيدتي في روضة الأطفال
ولقد سعدت بأجوبة ابنتي الغالية هند فهي إنسانه نبيلة متعددة المواهب وقد أضفت على أجواء القهوة مسحة جمالية وفنية متميزة تحية لمهرجان الثقافة والفن الذي يتألق كل خميس والذي يعبر عن الذوق الرفيع لأبنتي العزيزة الطيبة منى ورغم مشاغلي وسفري الى تركيا مرافقا لأبنتي المريضة فإن متابعة هذه الواحة الجميلة يبقى من اهم واجباتي كل خميس وأنت واسرة الورد من مجد الى مجد مع اجمل الأمنيات

إعـــــــلان

قهوه ألهندسة الصناعية ثقافه من كل لون

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك