إعـــــــلان

**هالة** **هالة** · 08-20-2011, 08:01 PM

[] الغالية
جوهرة
جاءنا البيان التالي
ان البوليستر يباع في الاسكندرية
فى شارع أحمد فتحى بجوار
شارع الإذاعة عند الطيبى
الكيلو حوالي 12 جنيه
[/]

**raouffawzy** **raouffawzy** · 08-24-2011, 12:16 PM

استاذة هالة شكراً على المعلومات القيمة وانا ذهبت فى العنوان المذكور و احضرت المعلومات التالية:

شركة طاى بلاست للفيبرجلاس
7 ش أحمد فتحى ـ جليم ـ الرمل ـ الاسكندرية
بوليستر 14.75 تركى – 13.75 سعودى
انالينا 110
مرهم 26

وهنا لى عدة اسئلة هل فرق السعر بين القاهرة و الإسكندرية كبير لهذه الدرجة؟

سؤال آخر : أريد معرفة نسب خلط الأنالينا و المرهم مع البوليستر

شكراً

**هالة** **هالة** · 08-24-2011, 02:54 PM

[]اهلا بحضرتك استاذ
رؤف
اسعدنا انضمامك
لمنتديات ألهندسة الصناعية
اتمنى لك الفائدة من بيتنا الجميل
وتُفيد الجميع بفنك ولك جزيل الشكر
على المعلومات القيمة
اتمنى ان يستفيد منها محبي
الاشغال الفنية بعجينة البورسلين
بالنسبة لمقادير خلط عجينة البورسلين
هذه المقادير من تجربة اخت غالية
في عملها

البورسلين

المقادير

كيلو بوليستر
كيلو سيبداج
30 جرام مرهم بوركسيد
3.5 سم الانيلين في الصيف
4.5 سم في الشتاء

الانيلين هي المصلب
ويكون 3.5 سم توضع بالسرنجة
لكل الكمية المذكورة
وتقسم على الكميات الاقل

لا ادري سببا لفارق الاسعار الكبير
بين الاسكندرية والقاهرة

طبعا من المعروف ان تحضير
البورسلين يحتاج الى احتياطات كثيرة
لتصاعد ابخرة مؤثرة على الجهاز التنفسي
وعليه يكون العمل في مكان جيد التهوية
ولبس قفازات للحفاظ على الايدي

ننتظر نتيجة عملك بمادة البورسلين
وياريت تكون الخطوات مصورة
[/]

**جوهرة حياتك** **جوهرة حياتك** · 09-01-2011, 02:47 PM

هالة

الانيلين هي المصلب
ويكون 3.5 سم توضع بالسرنجة
لكل الكمية المذكورة
وتقسم على الكميات الاقل

لا ادري سببا لفارق الاسعار الكبير
بين الاسكندرية والقاهره

السلام عليكم
لى تعليق بسيط للتوضيح
سبب فرق الاسعار ما بين القاهره والاسكندريه
قله تواجد بيع هذه المنتجات فى الاسكندريه
وتجار الاسكندريه بيجبوها من القاهره بالضافه الى ثمن النقل
والانالين عباره عن ماده لخروج الهواء من العجين وليس بمصلب
المرهم الهيبوكسى هوا المصلب ويوضع اخر شىء حتى لا تجف فى اناء الخلط

**raouffawzy** **raouffawzy** · 09-04-2011, 12:28 PM

و اعتقد كمان ان فى القاهرة متوفر البوليستر الصينى و اللى اكيد بيعمل فرق سعر بالإضافة للنقل و قلة التواجد

بس لى سؤال لو سمحتوا

بالنسبة للتلوين ايه الألوان اللى ممكن استخدمها و تدى تأثيرات حلوة و فى نفس الوقت تكون سعرها كويس لأنى بحاول و مش قادر اوصل للتأثيرات بتاعة التحف الصينى

**ملك** **ملك** · 09-04-2011, 01:33 PM

الاخوة الاعزاء
لو سمحتولى لى تعقيب حسب خبرتى المتواضعة
انا اشتريت البوليستر ب12 جنية للكيلو
من القاهرة من حوالى 5 سنوات
واكيد سعرة ارتفع الان
------------------------
بالنسبة للانالينا يفضل ان تجعل البائع
هو الذى يضيف لك النسبة على البوليستر
وهى تضاف بالسرنجة تقريبا 2سم
على ا\2 كيلو لان البائع سوف يتقنها
---------------------
بالنسبة لخلط المقادير{ البوليستر و الاسيبداج}
يفضل ان يكون الخلط حسب حجم العمل
ولا يفضل الخلط بالكيلو ويضاف البوليستر على
الاسيبداج حتى يصيح المخلوط شبة الطحينة

ويتم المعيارة بطريقة بدائية ولكنها تفيد
ان نضع كمية من الماء فى القالب
تم وضعة فى اناء لمعرفة الحجم
وعلى اساسة يتم اضافة البوليستر على الاسبيداج

وطبعا اخر شىء يضاف هو المصلب
لان فى خلال دقيقة سوف يتحجر
المخلوط وينتج الشكل المراد فى القالب
وبعد التصلب سوف يكون ساخن جدا
نتيجة للتفاعل ننتظر حتى يبرد
ثم نخرج الشكل من القالب

\\\\\\\\\\\\\\\\\
ملحوظة بالنسبة لصبغه البجمنت الابيض
يضاف ليجعل المخلوط ابيض وبعد عمل الشكل
يلون بالالوان الاكريلك والذهبى ...الخ
بالفرشاة حسب الشكل
شكرا

**جوهرة حياتك** **جوهرة حياتك** · 09-05-2011, 03:16 AM

raouffawzy

و اعتقد كمان ان فى القاهرة متوفر البوليستر الصينى
و اللى اكيد بيعمل فرق سعر بالإضافة للنقل و قلة التواجد
بس لى سؤال لو سمحتوا
بالنسبة للتلوين ايه الألوان اللى ممكن استخدمها
و تدى تأثيرات حلوة و فى نفس الوقت تكون سعرها كويس
لأنى بحاول و مش قادر اوصل للتأثيرات بتاعة التحف الصينى

فيه اللون ببيو دوكو متخصصه لتلوين البورسلين
بتتباع فى مكاتب الفنون الجميله
سعر اللون الواحد 16.25 ومذابها الماء

والبديل والاوفر

بودره الدوكو ومذابها تربنتينا

اسال اقرب ملمع دوكو لمكان سكنك حيقولك تجبها منين
والربع منبها بحولى 4 جنيه بس بتدى نفس التاثير

**raouffawzy** **raouffawzy** · 09-05-2011, 08:14 AM

معلومات قيمة جدا جداً من احلى اعضاء لأحلى منتدى

متشكراً جداً يا اعزائى على اهتمامكم و سعة صدركم

كرمكم هذا يجعلنى اطمع فى المزيد من الإجابات على اسئلة جديدة

البجمنت الأبيض بيتجاب منين؟
و بيتخلط منه نسبة قد ايه على الكيلو ؟
و هل بيخلط بالبوليستر اولاً قبل السبيداج ولا مبتفرقش ؟

انا عارف انى بتقل عليكو بس معلش كرمكم هو اللى طمعنى

شكراً يا احلى اعضاء

**ملك** **ملك** · 09-05-2011, 01:58 PM

raouffawzy

البجمنت الأبيض بيتجاب منين؟
و بيتخلط منه نسبة قد ايه على الكيلو ؟
و هل بيخلط بالبوليستر اولاً قبل الاسبيداج ولا مبتفرقش ؟
انا عارف انى بتقل عليكو بس معلش كرمكم هو اللى طمعنى

شكراً يا احلى اعضاء

*البجمنت يباع عند بائع البوليستر وهو بائع مستلزمات الرخام
*يخلط على 1\2 ك من 2الى 3 نقطة والنتيجة فورية
*الخلط يوضع السيبداج اول ثم يضاف البوليستر حتى نصل للزوجة المطلوبة
مثل الطحينة

**جوهرة حياتك** **جوهرة حياتك** · 09-05-2011, 07:12 PM

raouffawzy

معلومات قيمة جدا جداً من احلى اعضاء لأحلى منتدى
متشكراً جداً يا اعزائى على اهتمامكم و سعة صدركم
كرمكم هذا يجعلنى اطمع فى المزيد من الإجابات على اسئلة جديدة
البجمنت الأبيض بيتجاب منين؟
و بيتخلط منه نسبة قد ايه على الكيلو ؟
و هل بيخلط بالبوليستر اولاً قبل السبيداج ولا مبتفرقش ؟
انا عارف انى بتقل عليكو بس معلش كرمكم هو اللى طمعنى
شكراً يا احلى اعضاء

لو من الاسكندريه حتلاقيه عند شمس
فى زنقه الستات ده متخصص صبغات
والربع عنده ب6 جنيه وفى بودر وفيه سائل
وفيه منه عند مكاتب تربيه نوعيه فى مصطفى كامل
بتخط منه على حسب الدرجه المطلوبه ب
تختلف على حسب اختلاف لو العجينه الاصلى
مش بتفرق تضيفه امته بس يفضل الاضافه
فى الاخر علشان توصل للون المطلوب
ومتوفر بجمنت جميع الالوان

**raouffawzy** **raouffawzy** · 09-07-2011, 07:17 AM

شكرا يا اعضاء احلى منتدى
معلومات قيمة و حب للعطاء بدون مقابل

**raouffawzy** **raouffawzy** · 09-07-2011, 07:22 AM

الأخت الغالية جوهرة حياتك

اشكرك كل الشكر على المعلومات القيمة
لأنى فى موضوع اماكن شراء الخامات ده بواجه مشاكل كتير
اخرهم لما بسأل صنايعية الدوكو عن بودرة الدوكو
سمعت منهم ردود عجب اغلبها باختصار يقعد يسأل
ليه و عشان ايه و ازاى وفى الآخر يقولك معرفش
او اغربهم قالى طالما هتشتغل بيها حرام اقولك
وده بصراحة معرفتش اقوله ايه لأنى كنت ساعتها هنفجر فيه

ولما رحت سألت عند بتوع خامات الدوكو لقيتهم كلهم شغالين فى دهانات كابسى
و قالولى مفيش بودرة دوكو كل اللى عندنا بوية دوكو سائلة

بعد الحكاية الطويلة دى و الإطالة ممكن اترازل عليكى و اطلب منك
المكان اللى بتشترى منه بودرة الدوكو علشان اروح اجيب منه
حتى لو بعيد جداً عن مكان سكنى

شكرا جداً و آسف على الإطالة

**هالة** **هالة** · 09-07-2011, 08:33 AM

[]اخي رؤوف فوزي
بعد الرغي والكلام ده كله
على حد قولك
اتمنى اننا نحظى منك بموضوع جميل
وياريت يكون بالصور عن تجربتك
مع البوليستر ونشوف انتاجك
وياريت تكتب ملاحظاتك والاخطاء
اللي وقعت فيها ليستفيد الكل
من خبرتك في العمل
ربنا يبارك فيك
[/]

**raouffawzy** **raouffawzy** · 09-07-2011, 09:16 AM

استاذة هالة
ماقصدته هو انى اتكلم كثيراً لأحكى احداث
قد لا تهم البعض و آسف ان كنت اسأت التعبير
(وان كنت قصدت قول انى رغاى أنى حسيت انى اتكلمت كتير فعلاً )

اما تجربتى مع البوليستر فأنا مازلت مبتدئ
و اجرب جميع المراحل من صب اسطمبة
لصب التحفة نفسها ثم تلوينها
حتى استطيع تحديد اذا كنت استطيع
انتاج تحف مقبولة الجودة و إلا لن استمر
لذلك فإن كل محاولاتى و تجاربى مازالت لا تستحق التصوير
حيث انها مجرد بدايات لا ترقى ان تصل للدرجة التى تفيد الآخرين
مع وعد بأن احاول عمل موضوع عن تصنيع التحف
متى استطعت الوصول لنتيجة مرضية من تجربتى

**هالة** **هالة** · 09-07-2011, 10:42 AM

[]لم اقصد رغي او كلام على الفاضي
لان تجربتك وكلامك ربما يفيد اخرين
انما اردت ان المهتم بموضوع البورسلين
اكيد حيفيده تجربتك حتى لو من وجهة
نظرك لا ترضيك
واحنا في انتظار تجاربك حتى
تصل الى المستوى الذي ترضى عنه
[/]

إعـــــــلان

الحصول على بورسلين ابيض

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك