إعـــــــلان

**هالة** **هالة** · 06-19-2012, 02:40 PM

سلطة البنجر بالثوم

المقادير

6 حبات بنجر
3 ملاعق زيت زيتون
2 ملعقة خل
2 فص ثوم مهروس
ملح تبعا للرغبة

الطريقة

يسلق البنجر لمدة 45 دقيقة
وتقشيره يقطع شرائح
يضاف الخل وزيت الزيتون ويضبط
الطعم تبعا للرغبة

سلطة البنجر والدجاج

المقادير

350 جرام لحم دجاج مسلوق منزوع الجلد
ومقطع مكعبات
مقدار من الفاصوليا المسلوقة
100 جرام جرجير وخس واوراق سبانخ
بصلة شرائح رفيعة
400 جرام بنجر مسلوق ومقطع مكعبات
شرائح ليمون
تتبيلة الفجل الاحمر
200 جرام جبنة بيضاء قليلة الدسم
بشر وعصير ليمونة
2 ملعقة صوص الفجل الاحمر
مقدار من الخيار المقطع مكعبات

لعمل التتبيلة

تخلط الجبن مع بشر وعصير الليمون
وصوص الفجل الاحمر في وعاء
وتضاف مكعبات الخيار
تضاف مكعبات الدجاج والفاصوليا
لتختلط المقادير بالتتبيلة

يخلط الجرجير والخس والسبانخ مع البصل
ويضاف عصير الليمون
توضع الاوراق الخضراء في طبق واسع
ويوضع مقدار الدجاج والفاصوليا في المنتصف
يوزع البنجر على الوجه ويجمل
بشرائح الليمون

سلطة البنجر والبطاطس

المقادير

مقدار من البطاطس المسلوقة
والمقطعة مكعبات
مقدار من البسلة المسلوقة
مقدار من البنجر المسلوق
والمقطع مكعبات
ملح وفلفل
ملعقة بصل مبشور
2 ملعقة زيت زيتون
خل 2 ملعقة
مقدونس مفروم للتجميل

الطريقة

تخلط البطاطس المسلوقة مع البسلة المسلوقة
ويضاف البنجر
يتبل المقدار والخضروات دافئة
ويضبط الطعم
يضاف الخل والزيت ويجمل بالمقدونس

**منى سامى** **منى سامى** · 06-19-2012, 02:49 PM

فى ناس كتير بتحب سلطة البنجر
بصراحة انا مش منهم
مع انها غنية بالفيتامينات وشكلها روعه
ومن ايد ووصف هلولة اكيد اروع
تسلمى حبيبتى الجميلة
شكل السلطة يفتح النفس
انا هعيد النظر تانى ويمكن انفذها
بس هأكلها للاولاد وابوهم
ههههههههه
شكرا يا اجمل هالة منورة مطبخ ألهندسة الصناعية

**dr-obgy** **dr-obgy** · 06-19-2012, 08:07 PM

انا بئه عكسك تماما شيفنا الجميلة منى سامى
بموت فى سلطة البنجر
احب لونه و طعمه
تسلمى مراقبنا العام الجميلة هالة

**نااانو** **نااانو** · 06-19-2012, 10:22 PM

سلطة جميلة
لون وشكل وطعم كمان
تسلمى يا احلى هالة
وصفاتك جميلة ومنوعه
شكرا لكِ حبيبتى

**امل نيازى** **امل نيازى** · 06-20-2012, 06:21 AM

حلو البنجر ومفيد جدا
افكار لذيذه ومنوعه للسلطه
تسلمى
هاله حبيبتى
شكرا لافادتك الجميله

**هالة** **هالة** · 06-20-2012, 06:45 AM

مون مونتي الحلوة
انا باموت في سلطة البنجر
اكلها في كل وقت
وطول الوقت
اولا اللون اللي فيها
مفيد للدم وطعمها لذيذ
جربي وشوفي ايه رأي
الاكيلة ان شاء الله تعجبهم
يارب يخليكي وتسعديني
دايما بمرورك الغالي

**هند** **هند** · 06-20-2012, 08:45 PM

مش عارفه يا لولو
دقتها مره واحده وكان عليها ملح وسكر ومحبتهاش
لكن هحاول اجرب وصفاتك
بس بمناسبه لون البنجر طبعا بنضيفه على المخللات
لكن انا بشيل كام واحده فى الفريزر ولو محتاجه ازوق تورته
اطلع واحده ولما تفك من التلج ينزل منها اللون اضيفه على الكريمه
يبقى لونها احمر او بمبي جميل من غير الوان صناعيه
شكر لك حبيبتى
تسلم ايدك

**هالة** **هالة** · 06-22-2012, 08:23 PM

ايوه كده لقيت مشجعين
تسلمي دكتورتي الحلوة
يارب يخليكي
وتسعديني بمرورك دايما

**هالة** **هالة** · 06-25-2012, 04:25 PM

تسلمي لي يا
اجمل نااانو
نورتيني حبيبة قلبي
ربنا يبارك فيكِ

**هالة** **هالة** · 06-29-2012, 07:03 PM

امولتي حبيبة قلبي
ياهلا بك ياجميلة
نورتيني وزادت سعادتي بمرورك
بارك الله فيكِ

**هالة** **هالة** · 06-29-2012, 07:05 PM

هنودتي حبيبة قلبي
انتِ ست العارفين
ان البنجر به سكر طبيعي
واضافة الخل للبنجر
يُبرز السكر به
فكرة حلوة اللون الطبيعي
من البنجر للكريمة
تسلمي حبيبي
لمرورك الغالي
دمتِ بكل خير

**safynaz** **safynaz** · 09-18-2012, 10:58 AM

هالة انا بموت فى البنجر بس الحلو وكنت ادخل محلات البيتزا مع اصدقائى وانا ماحبش البيتزا بس علشان السلطات بتاعته اللى فيها بنجر
فين بقة طريقة البنجر الحلو؟؟؟ هه

**هالة** **هالة** · 09-21-2012, 04:32 PM

البنجر كله حلو
صافي الحلوة
يعني طعمه حلو
مهما اضفتي له من التوابل
ندوروا لك ياجميلة
على طريقته ان شاء الله

**safynaz** **safynaz** · 09-21-2012, 04:43 PM

ايوة لولو بيتعمل بالسكر ده تحفة وطعمه جنان

إعـــــــلان

سلطه البنجر بطرق منوعه

سلطه البنجر بطرق منوعه

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك