إعـــــــلان

**نورا المرشدى** **نورا المرشدى** · 10-30-2012, 07:58 AM

نانو
شوفى كده الورقه دى
1
كنت عاوزه اعرف غرزة الحمصه
بحثت عنها على النت مش لاقيتها
لو عندك صوره ليها

1
رقم(1) ده خيط ملونيه ولا سيرما ولونه ايه
رقم(2) اسم الغرزه
رقم(3) خيط ملونيه ولاسيرما
رقم(4) الجزء ده من ورقة الورده لونه ايه وسيرما ولا ملونيه

معلش صدعتك

**نااانو** **نااانو** · 10-30-2012, 12:12 PM

ام اسراء
الله الله
كده ماشاء الله اخر تمام
تسلم ايدك
طبعا الفرق واضح جميل جدا
ويمكن لك وسط الورقه
تنفذى فيها غرزة الفرع لملئ الفراغ

هذه صورة لغرزة الحمصة
سيتم رفع فيديو بالغرزه المطلوبه لاحقا
1
1

مررى بالابرة من اسفل القماش الى اعلى
ثم لفى على سن الابرة 3 لفتات
ثم ادخلى الابرة فى القماش لسحبه الى اسفل
مع مراعات ان تكونى باليد التانية ماسكة ال 3 لفات
اثناء سحب الخيط لاسفل حتى لا تفك من سن الابرة
الى ان تصلى للنهاية
وهكذا تظهر لك الحمصة
جربى وطمنينى

الاجابة على اسألتك
1- خيط سيرما اسود بفتله ذهبى
2- استخدمت غرزة الحمصة
سطر بلون ذهبى
وسطر اخر بالخيط الاسود مع الذهبى
3- خيط سيرما بلون نحاسى
4- هذه الوردة تداخل لونين
فضى غامق مع فضى فاتح
هذا التابلوه كله بخيوط السيرما
المولونيه فقط للتابلوه اعلى الكنبه

وبعدين لا صداع ولا حاجة
فى الاخر منتظرة شريط بنادول
هههههههههههه

فى انتظار تطبيقك واى استفسار ولا يهمك

**نورا المرشدى** **نورا المرشدى** · 10-31-2012, 07:36 AM

الحمد لله ان الشغل عجبك

انا اول مره اعرف ان دى اسمها غرزة الحمصه

اعرف ان اسمها العقده الفرنسيه
شكرا على اهتمامك
وانتى تستاهلى حاجه حلوه مش بنادول طبعا

**منى سامى** **منى سامى** · 10-31-2012, 10:58 AM

ماشاء الله ياجماعة
استاذة متمكنه من مادتها وتلميذة نجيبة
شطورة وشغلها رائع
تسلم ايديكم وعنيكم وباذن الله فى ميزان حسناتكن
نااانو ياقمر جاليرى لا امل الولوج فيه
اتعلم منه كيف يكون الحب والعطاء منسوج مع خيوط السيرما
شكرا حبيبتى

**نااانو** **نااانو** · 10-31-2012, 11:59 AM

منمونتى حبيبة قلب نااانو
ربنا مايحرمنى منك ياقلبى
ولا من طيبة قلبك الجميل
كلماتك جميلة زيك
شكرا لكِ حبيبتى

**نورا المرشدى** **نورا المرشدى** · 11-04-2012, 08:27 AM

صباح الفل يانانو
صباح الاسئله
هههههههههه
انتى اشتغلتى السبت
ب4 فتلات سيرما بغرزة البطانيه
رسمتى الخطوط اللى اشتغلتى عليها ولا اشتغلتى من غير تحديد

**نورا المرشدى** **نورا المرشدى** · 11-04-2012, 11:20 AM

ايه رايك
ناقص السبت وقلب الورده
1
كنت عاوزه اعرف هو ده تابلوه
1

**نااانو** **نااانو** · 11-04-2012, 07:57 PM

بسم الله ماشاء الله
ايدك فى الشغل حلوة قوى
والتطريز رائع جدا بجد مش مجاملة
تسلم ايدك حبيبتى
بخصوص السبت ممكن تغيرى من شكله لو تحبى
ولو هاتنفذيه نفسه
الجزء السفلى الخطين اللى تحت
اضفت كردون واشتغلت عليه
او ممكن تبرمى قطن وتشتغلى عليه
او تلصقى شريط اسفنج
ارسمى خطوط طولية ثم عرضية
ولكن عكس بعض مثل اللى انا شغلاه
من الاخر برسم خطوط واشتغل عليها
اعملى غرزة البطانية فى اول عمود
والعمود اللى بعده الخطوط العرضية عكس الاولى
وبخصوص الصورة التانية
هو كان مشروع تابلوه لكن مكملش
تصميمه عبارة عن 5 وردات شبه اللى باينة فى الصورة
3 وردات فى صف
والصف اللى تحته وردتين
وبينهم غرزة الماكينة والفروع الفضى
اضفته لابين انه ممكن تملى الفراغ بغرزة الماكينة
والجزء اللى عليه السهم
ابين ارتفاع الشغل بوضع كردون اسفل الخيط
ممكن تشجعينى اكمله
ههههههههههههه
لما نتتهى من السبت اعرضيه ياجميلة
الغالية ام اسراء
تسلم ايدك حبيبتى
برافوا عليكِ

**نورا المرشدى** **نورا المرشدى** · 11-06-2012, 05:57 AM

شكرا لك

واعتز برايك

حبى لان اتقن عملى هو الذى يجعلنى اسأل كثير
فى كل التفاصيل
قبل ان ابدأ العمل
عجبتنى فكرة

غرزة الماكينة واستخدامها فى التابلوه

ان شاء الله ربنا يبارك فى وقتك
وتقدرى تخلصيه لانه فكره جديده ومميزه
ان شاء الله اخلص واعرض عليكى
بنتى الصغيره( الاء) حجزت التابلوه
ومااقدرش اقول لأ

**نورا المرشدى** **نورا المرشدى** · 11-07-2012, 07:57 AM

اولا كل الشكر لك
وثانيا التابلوه خلص بفضل الله
1
مشروعى القادم التابلوه ده
1
عارفه انه حياخد وقت طويل
لكن كل حاجه تهون لما الواحد يشوف نتيجة شغله
واكيد حياخد كميه كبيره من الخيوط
كان عندى كام سؤال
-1مقاسه كام فى كام تقريبا
2-الالوان المستخدمه غير الفضى والدهبى
3-اشتغلتى بالملونيه
4- بشترى الخيط دى الكونات منين فى القاهره لانى مش بلاقيها عندى بسهوله
1
ده كام سؤال تمهيدى لغاية ماااشترى الخيوط
وابدأ الشغل وتبدأ الاسئله على ارض الواقع

**نااانو** **نااانو** · 11-07-2012, 12:38 PM

بسم الله ماشاء الله
تسلم ايدك وعنيكِ حبيبتى
طالع روعه واختيارك للالوان جميل
ماشاء الله عليكِ

ان الشاء الله القادم اجمل
اختيارك رائع لان التابلوه ده فى الحقيقة تحفة
شغله كتير ايوة لكن النتيجة تستاهل
ربنا يوفقك وانا فى انتظار اسئلتك ولا يهمك
مقاسه 50 فى 100تقريبا
هاحاول ابحث لك عن البلاترون واصوره لكِ
استخدمت فيه نفس الالوان
اللى فى التابلوه اللى انتِ نفذتيه
بدون مولونيه
منها درجتين فضى و 3 درجات ذهبى
مع النحاسى والاسور اللى بفتله فضى واللى بفتله ذهبى
وبالنسبة للخيوط من القاهرة النمرسى بالموسكى
وقت ما كنت بشتغل كان عنده مجموعه الوان جميلة
صراحة معرفش الوقت ايه الاخبار
ممكن تسألى عندكم
تقريبا في بورفؤاد محل خردواتى اسمه فرحات
ممكن ان تجدى عنده كثير من لوازمك بسعر مناسب
اتمنى لك التوفيق
وانا فى انتظار ارض الواقع

**هوبا** **هوبا** · 11-09-2012, 10:15 AM

تسلم ايديكي بجد شغلك قمة في الروعة والجمال
انا نفسي اعمل تابلوه سيرما بجد جميل جدا
لكن خايفة جدا من النتيجة
وخايفة كمان بعد ما اشتري الخيوط والقماش معرفش اشتغل
رايك اجرب واغامر واجيب الادوات دي ولا بلاش؟
لاني فعلا عايزة اعمل تابلوه زي دول
ماشاء الله الشغل رائع وجميل جدا

**نااانو** **نااانو** · 11-09-2012, 02:23 PM

هوبا الغالية
معقول كل هذا الحماس ينتج تابلوه مش حلو
طبعا لا
توكلى على الله واشترى الخامات
وحددى الرسمة اللى تحبى تشتغليها
وان شاء الله معكِ خطوة خطوة
الى ان تنتجى اجمل تابلوه
والله الموفق

**sa86ra** **sa86ra** · 11-10-2012, 08:36 PM

ماشاء الله شغل فعلا فى منتهى الروعه يا نااانو ربنا يباركلك ويزيدك
وبجد ام اسراء تلميذه نجيبه لاصرارها على التعلم
ان شاء الله هشترى الخامات والحق معاكم الكورس الممتاز ده
بس انا مش فهمه السبت وغرزه ازاى .. معلش ياريت تشرحيه وحده وحده بصور الغرز
جزاكى الله عنا خير

**نااانو** **نااانو** · 11-10-2012, 08:48 PM

اهلا بك
sa86ra
نورتى منتديات ألهندسة الصناعية
فى انتظارك ياقمرايا جهزى الخامات
ونبدأ تابلوه صغير فى البداية
وبعدها نكمل الى ان نصل لعمل السبت
ان شاء الله نشرحه بالتفصيل
وتنفذيه بإذن الله
واهلا وسهلا بك فى الكلاس

إعـــــــلان

فن السيرما تابلوهات رسومات مع الشرح

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك