إعـــــــلان

**نااانو** **نااانو** · 04-02-2013, 10:52 AM

ملف رائع جدا وشامل
مفيد لدرجة كبيرة
تساعدى اى ام عروسة فى تجهيز بنوتتها
ومعرفة الاغراض الجديدة والجميلة لاختيار الانسب لها
ربنا يبارك لك يا احلى واجمل ام عروسة
وعقبال هوبة يارب
طبعا متابعة معك
وعن تجربة مع اختى كان الجهاز بالنصف
ده افضل كثيرا راحة للطرفين
معك حبوبتى الجميلة خطوة بخطوة
وبارك الله فيكِ يا اجمل مونمن

**هند** **هند** · 04-02-2013, 02:07 PM

الله يا منمن على المجموعه الجميله
المفارش والكوفرتات حلوه جدا جدا
سمعت عن الكوفرتات الجديده دى لكن اول مره اشوفها
تحفه جميله جدا
شكلى هشبط واروح اشترى واحده
تسلمى يا جميله
متابعه معاكى ان شاء الله

**نورا المرشدى** **نورا المرشدى** · 04-02-2013, 04:09 PM

ايه الموضوع الجميل ده
وكلنا طبعا حنستفيد ونستمتع

انا كان لى تجربه مع ابنى

فى بورسعيد معظم الناس تقريبا بتجهز بنفس الطريقه
العريس عليه
حجرة النوم والصالون او الانتريه زى العروسه ماتختار
والاجهزه الكهربائيه او زى مابيقولو كل حاجه لها فيشه على العريس
والنجف ودواليب المطبخ

وطبعا الشقه وما ادراك ما الشقه بتجهيزها ودهانها وسيراميكها وسلاطاتها وبابا غنوجها

والعروسه عليها السفره وحجره تانيه اما اطفال او ليفنج حسب اختيارها
وبعدين السجاد والستاير والمراتب والفرش والسيرفيس واقطم المطبخ من حلل واطباق ومعالق وكوبايات وكاسات وطبعا ملابس العروسه
ومفارش وفازات واى اكسسوارات للشقه
بس انا عملت طبعا لعروسة ابنى احلى اكسسوارات وكمان مفرش سفره مودرن جميل من ايدى
وفى ناس دلوقتى بتجيب 4 حجرات وتقسم تمنهم بالنص

انا عن نفسى باجهز بناتى من زمان وفعلا الحاجه بتغلى زى الصينى والتيفال وغيره وبرضه الجود ه بتقل مع الوقت
يعنى انا جايبه فوط قطن 100%

ومش لاقيه زيها ابدا
قلت لعروسة ابنى تشترى مفرش سرير واحد بس

عندنا العروسه بتبالغ فى شراء كميات مهوله من الفرش ومفارش سرير واطقم الملايات والفوط لاحصر لها وبعدين تخزنهم
وغالبا بيكون الاب ظروف لاتسمح والعروسه تتجوز وتخلف واولادها يروحو المدرسه وباباها لسه بيسدد فى ديونه

اعرف واحد جابت لبنتها 75 فوطه

واعرف عروسه وهم بيفرشو الشقه وكانت مشكله بين ام العريس وام العروسه
برضه علشان الفوط
ام العروسه مش لاقيه مكان تحط فيه الفوط
حطتهم فى درفة العريس ام العريس مش عاجبها
بقت مشكله
واهل الخير اتدخلو والجوازه تمت
كل واحده تقلنا على تجربتها
وعلى الماركات الكويسه والاسعار

وتسلمى يامنى على الموضوع الجميل ده
وربنا يسعد رحمه وعريسها

**SaMaR_ BakR** **SaMaR_ BakR** · 04-03-2013, 06:23 AM

ألف ألف ألف مبروك يا أم العروس
يارب تفرحي بيها وبولادها وأولاد أولادها
بس يا أم العروس ,,,, أيه المقدمة الرائعة اللى واضح جدا جدا أنها من القلب
ولما قلتى ندردش بحب ,, صَدقتى فعلا
حسستيني أنى قاعدة في نفس المطبخ اللى قعت فيه أيام كرسي الإعتراف
هههههههههههههههههههه
وأنت عارفه بحب أقعد قاعدة الرغي الجميلة دي في المطبخ
عجبنى جدا جدا
كلامك عن التبسيط على العريس
وتفضيل أنه يكون على خلق ودين ويراعي البنت أفضل 1000 مرة ما يكون غني ويغرقها فلوس
أهم حاجة أنه يكون شخص كويس
انت عارفه بابا ,, الله يشفي عنه كان دايما يقولى
لما تختارى تختارى أب ، وجد وجدة لولادك
يعنى العريس وأهله لازم تفتخري أن دول اللى هايكونوا أهل وعيله ولادك

شوفي يا ستى
انا أمى جهزتنا كلنا من وأحنا صغار، لبس وفرش وصيني
وكانت بتراعي اننا بنكبر ,, وأن مقاستنا هاتتغير طبعا
مافيش حاجة في الصيني بتاعتنا أتكسرت الحمدلله
أطقم السرير بتاعتى مافيش قماشتها في السوق فعلا
لكن أنا معاكي أن الموضة بتتغير وأشكال الحاجات بتبقى أحلى كل سنة عن التانية
وفي حاجات موضتها بترجع تانى
بس نضمن منين
الغريب كمان أن الحاجات سعرها بيزيد بشكل رهيب
فكانت دايما تقولى ,,, الحاجة أحسن من الفلوس
الفلوس اللى هاتحوشيها مش هاتجيبلك ربع اللى كانت ممكن تجيبه من 10 سنين مثلا
عموما هي معادلة ,,, صعبة
بتحسبيها وتشوفي أنت يهمك الموضة ولا تقتصدي في الأسعار
تجيبيى الحاجات اللى شكلها حلو ولا اللى خامتها أحسن
وفي النهاية ,, ربنا يسعدهم بغض النظر عن اى حاجه تانية

أنا جايبة حاجات قليلة أوى ,, مش علشان الفلوس لكن علشان أنا ما بحبش الكركبة والزحمة من غير لازمة
العروسة بتدخل ب لحفة كتير وفي الآخر يتكوموا تحت السرير ولا فوق الدولاب
انا جبت 2 لحاف فيبر ، 2 مفرش زينة، 12 طقم ملايات
بس الفوط كانت 24 فوطة وما استعملتش الحاجات دي كلها

المهم أنى جبت مرتبة جاهزة ومانجدتش حاجه غير 4 تكاوي ومخدتين كبار
امى وبابا ....والمنجد الحقيقة كانوا هايبوسوا ايدي علشان أعمل 6 تكاوي مثلا أو أكتر
وأنا لا يمكن
ههههههههههههههههههههه
استغربوا لما لاقوني بقول 4 تكاوي بس
ليه يابنتى ومش هايكفوا
مش هايكفوا ايه بالظبط ,, مش فاهمة
ههههههه

بصي يا منمن
موضوعك جه على الجرح
وكل اللى هايدخل يشارك هاتلاقيه عاوز يفضفض
ويقولك على اللى مخبيه هههههههههههه

شوفي يا ستى أنا عجبنى أوى أوى المفرش الوردة الابيض والازرق
يمكن يمكن ,,, لو ربنا نفخ في صورتي أنفذه
وأسمع كلامك وأوفر

الموضوع تحفة فعلا
وهايفيد ناس كتير
وفكرة أنك تدخلى خطوات وأفكار للتوفير
جميل
خصوصا أن معظم الأمهات عندهم خبرة في الخياطة والتطريز

شكرا لك يا قمر

**منى سامى** **منى سامى** · 04-04-2013, 10:56 AM

بنوتى الجميلة عناد الجروح
ربنا يسعد قلبك حبيبتى
اسعدنى جدا اعجابك بفكرة الموضوع
ربنا يخليك لى ياقلبى

وعلى فكرة يا هناء ممكن نعمل
مفرش العروسه بايدينا كمان مش توفير وبس
لا دى فرحة كبيرة وذكرى حلوة قوى كل ماتشوف العروسه
المفرش تتذكر تعب امها مع كل غرزة فيه
ممكن نعمله كروشيه وطبعا حبيبتنا مبدعه مقدمه طريقة عمله فى الورشة بتاعتها
وممكن نعمله اورجانزا بشرايط الساتان
ههديكى مجموعه حلوة منه

مفارش اورجانزا

**منى سامى** **منى سامى** · 04-04-2013, 10:56 AM

**منى سامى** **منى سامى** · 04-04-2013, 10:57 AM

**منى سامى** **منى سامى** · 04-04-2013, 10:58 AM

**منى سامى** **منى سامى** · 04-04-2013, 12:07 PM

قبل ما نخلص المفروشات لازم نقول ان ملايات السرير
ممكن تتخيط فى البيت وهتكون اجمل بكتير
هنشترى قماش الملايات من الحمزاوى بالازهر
او وكالة البلح اروع تشكيلة واجمل تشكيلة هناك
المتر بحوالى 18 جنيه للقماش القطن الخالص
و12 للاقل جوده
هنشترى الملايه 2 متر ونص ومتر للكيسين خداديه
ولو فى مخدات طويله يبقى متر ونص
وتتقفل على الماكينه بكل سهولة ونضيفلها دانتيل هتبقى روعه

ثانيا المناشف

من تجاربى عندما تشترى المناشف
راعى انك تشتريها قماش بشكير يمتص الماء
لان القطيفة بتوبر ولا متص جيدا
يكفى 12 فوطه و4 بشاكير و6 فوط يد

المراتب التنجيد اصبحت الان دوشة
وفى ناس كتير بتفضل المراتب الجاهزة
انا اشتريت مراتب جاهزة كانت تحفة
ماركه aldora التركى
اسعارها غالية لكن جودتها عالية جدا
المرتبه 10فى مترين ب1800

**منى سامى** **منى سامى** · 04-04-2013, 02:02 PM

السجاد

عزيزتى ام العروسه
لو كان عليك السجاد ام لم يكن عليك
برضو عروستك هى اللى هتنقيه
والمفروض انك تخليه اخر حاجة
عشان تعرفى الالوان هتكون ايه يعنى لون قماش الانتريه او لون الحوائط
عشان تكون منسجمه ومناسبه مع بعض
واختيار السجاد يرجع لذوق العروسه لو كان استيل او موديرن
فى عرائس تحب السجادالقيم الايرانى او الاصفهانى او الشينواه
وهذا السجاد غالى الثمن جدا
وهناك من تفضل الموديرن التركى
هعطيكى نماذج للايرانى والتركى
وبعض النصائح العامه

1- الارضيات الان اصبحت اشكالها رائعه لاتحتاج لسجاجيد باحجام كبيرة
السيراميك والبورسلين والباركيه يعطى شكل جميل للارضية
فلا داعى للاحجام الكبيرة للسجاد ليظهر جمال الارضية
وكمان عشان النظافة حمله وتنظيفة هيكونصعب جدا

2- عندما تكون الارضية لون واحد
والانتريه والسفرة فى نفس المكان
يفضل ان يكون السجاد لون واحد
او نفس درجات اللون حتى لايكون الشكل منفر

3- لو حبيت اشترى سجاد حرير الافضل يكون للصالونات
اما غرف النوم والاطفال يفضل ان يكون تركى بالوان زاهية جميلة

4- عند تنظيف السجاد نستخد شامبو خاص بالسجاد
واسفنجه وفوطه مبلولة ماء فاتر
ولا نضع مواد كيمائية

**منى سامى** **منى سامى** · 04-04-2013, 02:02 PM

**منى سامى** **منى سامى** · 04-04-2013, 02:03 PM

**منى سامى** **منى سامى** · 04-04-2013, 02:27 PM

الستائر
الستائر واجهه المنزل فيجب ان نهتم بها
ونختارها بعناية فائقة
حبيبتى ام اجمل عروسه
هعطيك بعض النصائح الهامه عند شراء قماش الستائر
هناك ام عروسه تحب ان صانع الستائر هو من يشترى ويفصل الستائر
وخاصة اذا كانت رغبة العروسه فى عمل ستائر ضخمه ببرقع وبلتكانه كبيره
اما اذا كانت رقيقة بسيطه فلا داعى ابدا ممكن تعمليها انت بنفسك بكل بساطه

1- اختارى الالوان الفاتحه لتعطى رونق واشعاع للبيت
ابتعدى عن الالوان الغامقه او القاتمه
ممكن ستائر اورجانزا ابيض او اوفوايت وتحتها بلاك اوت نفس اللون
بكدا نبقى حجبنا الضوء واعطينا للبيت شكل مشرق جميل

2- كل البيوت الان ابتعدت عن الستائر اللى فيها شغل كتير
لانها بتبقى صعب فى النظافة
واصبحت الستائر الان بسيطه جدا طبقه خفيفة تحتها بلك اوت
انا بشترى الستائر من منطقة الازهر فى مصر
بقول للبائع عرض المكان وطوله وهو يعمل عملية حسابيه
ويعطينى القماش المناسب بالكشكشه اللى انا عوزاها
ويباع ايضا الفرنشة او العقادة وشريط الكشكشه

3-عرض القماش بيكون 3 متر او 280 سم
وانتى تحسبى هتخدى كام طول +الكشكشه

4- اختارى ستائر لغرف النوم وغرف الاطفال بالوان مبهجه
مناسبه لالوان الحوائط اما الصالون والاستقبال الوانه تكون هادئه
متناسقه مع الفرش

**منى سامى** **منى سامى** · 04-04-2013, 02:28 PM

**منى سامى** **منى سامى** · 04-04-2013, 02:29 PM

انتظرونى لم ننته بعد
ناخذ استراحة ونعود باذن الله

إعـــــــلان

ام العروسه وجهاز بنتها فى ملف كامل

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك