إعـــــــلان

**نااانو** **نااانو** · 04-04-2013, 02:34 PM

الله على ملفك الخاص من وحى تجربتك الشخصية
نصائح جميلة وعروض رائعة
وانا معكِ فى اختيار الستائر البسيطة
احلى واجمل من ناحيتين
الناحية الاولى سهلة التنظيف
الناحية التانية لاتأخذ العين
ونبعد عن الفرش واكسسوارات البيت
صراحة التنظيف اهم
لانها كل ماتتعقد فى كشكشتها ودرابيهاتها تجمع تراب
شكرا لكِ حبيبتى ولنصائحك المفيدة جدا

**منى سامى** **منى سامى** · 04-08-2013, 08:36 AM

نااانو حبيبتى الجميلة
ربنا يسعدك وعقبال ما انزل معاكى نجهز دولى حبيبتى
بصى يانونو خلى بالك لما تنزلى تشترى الصينى
لان فى ماركات وانواع كتير طبعا العروسه هتختار على ذوقها الرسمه
فى صينى المانى وتايوانى وفرنساوى دول اغلى ماركات
من الفين جنيه وانتى طالعه
وفى الصينى ارخص منهم
انا بفضل يكون الطقم الصينى بتاع الضيف غالى بس مش اغلى من الفين
اما طقم العشا وهو استخدام العروسه اليومى يكون صينى عادى
والصين منزله منه اشكال تحفة
اولا هوريكى الصينى الالمانى والتايوانى
لان ده هيكون بتاع الضيف يزين النيش
انا عندى طقم جوازى لسه محتفظه بيه الى الان

**منى سامى** **منى سامى** · 04-08-2013, 08:44 AM

وعند شراء الصينى اختارى الاخف وزنا
تعالى شوفى بقى جمال اطقم العشاء
كلها الوان مبهجة موديرن تفتح الشهية
بنتى اشترت الطقم الاورنج

**منى سامى** **منى سامى** · 04-08-2013, 08:45 AM

**منى سامى** **منى سامى** · 04-08-2013, 09:01 AM

حبيبتى ام العروسه
وقبل وا اخدك من ايدك ونشترى اوانى الطهى
لازم اهمس فى ودنك بكلمات مهمه جدا
طبعا انتى يهمك صحة بنتك وزوجها اولا واخيرا
ومش مهم عدد اطقم الاوانى اللى العروسه هتتجوز بيها
يبقى يجب علينا ان نختار لها الصحى والمفيد اولا
اعرف ام عروسه اشترت استلس والمونيوم وتيفال قلتلها ليه
قالتلى هو ده المتعارف عليه العيلة تقول ايه لازم الثلاث اطقم دول
طبعا احنا مش هنسمع الكلام ده
انا هشترى لبنتى المفيد وبس مش هبص لحد يقول ايه
واوانى الطهى التى اثبتت الابحاث الاخيرة انها صحية ولا تتفاعل مع المأكولات
هى الاستلستيل والفخار والاوانى السيراميك الحديثة
فقط لاغير مع طقم بايركس جميل وخلاص

الاوانى الاستلس
عند شرائها اختارى ذات القاع المزدوج
حتى لا يحترق الطعام داخله
ويجب ان تطهى فى الاستلس
على نار منخفضة حتى لا تحترق جناب الاوانى
وهناك شركات متخصصة فى الاوانى الاستلس مثل زهران ونوفال

ثانيا الطواجن الفخار
الان فى الاسواق اشكال روعه
منها وممكن تزين المائدة بها

نصيحة لكل عروسه هتستخدم الاوانى الفخارية
احرقى الطاجن قبل الطهى فيه
وذلك بدهنه بالزيت منالداخل والخارج
ووضعه فى الفرن لمدة ساعه
وهو فارغ طبعا والفرن مشتعل على درجة 180 درجه
هذه الطريقة تحميه من الكسر وتجعله صالح لوضع الطعام فيه وتطهره

**منى سامى** **منى سامى** · 04-08-2013, 09:06 AM

ثالثا الاوانى السيراميك
اوانى ذات شكل جميل ومن الداخل مزوده بمادة السيراميك
لا يلتسق بها الطعام ولا يتفاعل مع المأكولات
غالية الثمن ولكن امنه وجميلة

**منى سامى** **منى سامى** · 04-08-2013, 09:45 AM

البايركس

الشوايه سواء بالكهرباء او التى توضع على البوتاجاز
فهى مهمه جدا للعروسه لتعطيها غذاء صحى

وطقم التوزيع اما يكون استلس او خشب

اطقم ملاعق خشبية
حتى لا تتفاعل مع الطعام وباشكال جمياة وشيك
وياريت تكون sas

هناخذ استراحة
تابعونى تجدو كل جديد جميل

**نااانو** **نااانو** · 04-08-2013, 11:33 AM

اصقم جميلة وافكار حلوة
تساعد فعلا ام العروسة
ومعلومة حرق طاجن الفخار جديدة اول مرة اعرفها
تسلمى لنا يا اجمل ام عروسة
وجميل جدا اطقم الخشب وخاصة sas
رائعة فعلا
موديلات وجودة
شكرا لكِ منمونتى الغالية

**هالة** **هالة** · 04-08-2013, 12:05 PM

والله يا ست منى يا اختي
وما لكِ عليَّ يمين
الواحد عقله بيزقزق
انه يجهز نفسه من ثاني
لكن الفكرة في ان
اول مرة علي بابا
تولى التسديد
لكن المرة دي
محمد بابا حيقوللي
خلي علي بابا يسدد ثاني
هي مرة والغاوي
هههههههههههههههه
ربنا يسعد كل حبايبنا
ويبارك فيهم ويهنينا بهم
ويسعد حبايبك وتفرشي شققهم
انا متابعة وباتخيل اني باشتري
هههههههههههههههه

**هند** **هند** · 04-08-2013, 03:48 PM

خدينى معاك يا منمن انا بحب قوى اتفرج على الحاجات دى
ومش بعرف اتفرج بجد الا لو هشترى فعلا
بعوض الحكايه دى بأنى مسئوله عن شراء الهدايا فى الشغل
كل زمايلى و زميلاتى فى المعمل اللى بتحصل عندهم مناسبات سعيده
عندهم فى بيوتهم او بيوت اولادهم
هديه من المعمل كله لكن على ذوقى انا
فخدينى معاك المره الجايه
هههههههه
بمناسبه الصينى خفيف الوزن كانوا يقولوا
ارفعوا الطبق قدام اى اضاءه
لو شفنا خيال صوابعنا من ورا الطبق يبقى صينى كويس
جوله جميله فى الاسواق ونصائح مفيده ومجهود كبير
تسلمى حبيبتى
جزاك الله خيرا

إعـــــــلان

ام العروسه وجهاز بنتها فى ملف كامل

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك