إعـــــــلان

**Amany Ezzat** **Amany Ezzat** · 07-11-2014, 08:39 PM

ولادته ونشأته

عبدالرحمن محمود أحمد عبدالوهاب
حسن عطية حسن أحمد عبدالفتاح عمران

الذى صار فيما بعد
الشاعر الكبير عبدالرحمن الأبنودى،
نسبةً إلى قريته أبنود التى نشأ بها،
وعاش فيها طفولته، وعمل بها راعيًا للغنم.

ومهنة الرعاة هى مهنة الأنبياء - كما يصفها الخال-
«يا تطلع منها نبى يا تطلع شاعر»
لكثرة ما فيها من تأمل للطبيعة والناس

ولد فى 11 ابريل عام 1938
وتوفى فى 21 ابريل 2015

وكان مريضا هزيلا عليلا لم يكن لدى والده
الشيخ محمود املا فى بقائه على قيد الحياة
ولذلك حاول التخفيف عن زوجته، وقال لها:
«دعيه يموت فى هدوء، لا تتعلقى به..
اعتبرى أنك لم تنجبيه.. شدّى حيلك وهاتى غيره.. ليس له عمر».

لكنها لم تستجب، ولم تيأس، ولم تفقد الأمل،
وظلت تبتهل إلى الله وتدعوه بفيض من الأدعية
حتى ظن من لا يعرفها أنه مولودها الأول وليس الرابع!

عاش «عبدالرحمن» - حتى بلغ الخامسة من عمره -
مع أقرانه حياة فقيرة لكنها مُلهمة
حتى إنه يعتبرها أيامه الحلوة رغم كل ما فيها من قسوة.

فكان على الطفل الصغير أن يأتى بطعامه بنفسه،
ويأخذ سنارة، ويذهب بها إلى النهر ليصطاد السمك
الذى يكفيه قوت يومه، وإلا مات جائعًا
بعد ذلك انتقل الى العيش فى مدينة قنا

يبدو أن المثل الشهير الذى نردده دائما
(الطيور على أشكالها تقع)
قد تحقق وتجلى فى أحد الفصول الدراسية
بإحدى المدارس الابتدائية بمحافظة قنا
وهى مدرسة (قنا الابتدائية)،
فقد جمع ذلك الفصل الدراسى أربعة أطفال
صاروا فيما بعد من أهم مبدعى مصر
فى مجالات إبداعية مختلفة ما بين الشعر والأدب والفن
فقد جمع فصل واحد هؤلاء الاطفال الأربعة وقتها
وهم فى عمر الزهور التى تتفتح على العلم والثقافة بتلك المدرسة.

الكاتب الراحل محمد صفاء عامر والشاعر العبقرى أمل دنقل
والروائى الكبير بهاء طاهر والشاعر الكبير عبدالرحمن الأبنودى
فلم يتوقع أحد بأن هؤلاء الرباعى الذين جمعهم فصل واحد
سوف يكون لكل طفل منهم شأن كبير عندما يكبر،

تلقى الابنودي علومه في مدرسة قنا الابتدائية
ومدرسة سيدي عبد الرحمن، ومن ثم مدرسة قنا الثانوية،
عمل بالمحاكم لمدة 5 سنوات بعد اتمام دراسته الثانوية،
استقال من عمله في المحاكم في احدى الجلسات
احتجاجا على حكم اصدره القاضي،

فى عام 1954 ذهب مجلس قياده الثوره
بأكمله إلى مدينه قنا لمواساه أهلها،
ولمواجهه الكارثه التى حدثت هناك،
فالسيول دمرت المدينة
يومها كان البلد بكامله
فى استقبال الضيوف من سياسيين
وفنانين كبار حضروا لمسانده أهالى قنا
وكان عبدالرحمن يقف مع زميله فى المدرسه جمال نصاري،
فقال له: مش الراجل اللى هناك دا
شبه جمال عبدالناصر اللى فى الصوره؟
، فقال له: باينّه هو
فذهب الاثنان،
ووقف عبدالرحمن أمام عبدالناصر وأكد له:
أنت جمال عبدالناصر؟،
فرد عليه: أيوه
فقال له الخال: ممكن أسلم عليك؟
، فسلم عليه، ونظر إليه نظره
ما زالت محفوره فى ذاكره الخال حتى الآن،
لدرجه أنه يقول
إنها كانت السبب فى قصيده عبدالناصر التى كتبها فيما بعد

كانت هذه هى المره الأولى والأخيره
التى رأى فيها عبدالرحمن الأبنودى جمال عبدالناصر وجهًا لوجة.
المدهش أن الأبنودى لم يكن مناصرًا لـعبدالناصر،
بل كان معارضًا له حتى رحل،
فصار من أشد مؤيديه، بل من أكثر المدافعين عنه
والمؤمنين بما فعله، رغم أنه دخل السجن فى عصره
ومكث فيه سته أشهر

**Amany Ezzat** **Amany Ezzat** · 07-11-2014, 09:16 PM

فى أكتوبر 1966 اقتحم ضباط المباحث منزل الخال عبدالرحمن الأبنودي،
وتم إلقاء القبض عليه، ومصادره كل أوراقه،
وعصب عينيه بقطعه من قماش، وأخذوه إلى إحدى جهات التحقيق

وبعد انتهاء التحقيق مكث 36 يومًا فى سجن انفرادى فى القلعه،
بلا أى شيء، لا جورنال، ولا ورقه، ولا يرى سوى بُقعه ضوء
تأتى إليه كل صباح من نافذه الزنزانه،

لم يكن الأبنودى وحده الذى دخل سجن عبدالناصر فى هذا التوقيت،
فقد سبقته قائمه طويله من المثقفين،
ودخل معه السجن عدد كبير من أصدقائه المقربين،
من بينهم جمال الغيطاني، وسيد خميس، وصلاح عيسي، وسيد حجاب،
لكن كان من غير المسموح أن يجلسوا معًا، أو يتحدثوا معًا،
لكن الخال كان يحاول أن يُسقط جدار الزنزانه بصوته،
فكان يقضى يومه فى الغناء داخل الزنزانه
ليسمعه أصدقاؤه حتى يقوِّى من عزائمهم،

السجن لم يجعل الأبنودى يفقد صوابه مثل كثيرين، ولم يجعله يكره سجانة.
ظل متصالحًا مع هذه التجربه،
بل يرى أنها تجربه كان لا بد منها حتى يكتمل البناء الشعرى له،
فهو يرى أن الشاعر الحق لا بد أن يمر بثلاث تجارب رئيسيه:
أن يعيش أجواء الحرب، وأن يدخل السجن، وأن يأنس بالحب، وقد مر بالثلاث

لكن السؤال: لماذا تم اعتقال عبدالرحمن الأبنودي؟

والجواب يرويه الخال بقوله: كنت فى منظمه سياسيه،
وأبلغ عنى المسؤول السياسى فى المنظمه،
وكان اسمها و - ش أى وحده الشيوعيين،
وكانت تتكون من مجموعه من المناضلين وقتها،
وكان من بينهم جمال الغيطاني، ومحمد العزبي، وجلال السيد، وعلى الشوباشى.
ولم تكن منظمه حقيقيه، ولم يكن لها أهداف واضحه،
وقد تكونت بالجهود الذاتيه، وكانت رسوم الاشتراك 25 قرشًا،
وكانت أشبه بـتعليم الماركسيه بالأجر،

ولكن بعد هذه التجربه قررت أن أكوِّن حزبًا بمفردى.

ويعلّق الخال ساخرًا: هو فى حد عاقل يروح يجيب لنفسه رئيس..
إذا كان رئيس الوحده اللى كنت فيها طلع هو اللى مبلّغ عنى مباحث الأمن.

لكن صدر القرار بالإفراج عن الأبنودى ورفاقه
بناءً على طلب المفكر جان بول سارتر
الذى رفض الحضور لمصر بسبب اعتقال مجموعه من المثقفين،
واشترط أن يتم الإفراج عنهم قبل حضوره إلى القاهره،
لكن عبدالناصر وافق بشرط، وهو أن يأتى سارتر أولًا إلى مصر،
وبعد أن يصعد إلى طائرته، يتم الإفراج عن جميع المثقفين.

رغم كل ما حدث، فإن الخال «الأبنودى»
صار ناصريًا أكثر من الناصريين أنفسهم،
ولكن بعد رحيل «عبدالناصر» بسنوات طويلة،
عن أسباب ذلك التحول الكبير مع الرجل الذى انتقده حيًا ومدَحه ميتًا
يقول: «بعد ما قلّبت فى وشوش اللى حكمونا بعده أدركت أنى لم أعطِ للرجل حقه».

**Amany Ezzat** **Amany Ezzat** · 07-11-2014, 09:50 PM

عندما وقعت حرب أكتوبر 1973
كان الخال فى إنجلترا بصحبة الأديب السودانى الطيب صالح،
وعندما عرفا بالحرب، وحاولا العودة إلى مصر عن طريق ليبيا،
لم تفلح المحاولة، فحُكم عليه أن يظل فى بلاد الثلج والضباب،
وأن يشاهد الحرب من وجهة نظر الأعداء.
ويروى الخال تفاصيل ما جرى هذه الفترة بقوله:
الإنجليز يتحدثون طوال الوقت باعتبارهم أنصار القضية الفلسطينية،
لكن بمجرد أن قامت الحرب صاروا يهودًا أكثر من اليهود ذاتهم،
وتبنوا موقف إسرائيل فى كل شىء
، لكن الميزة الوحيدة أننى رأيت ما لم يره الشعب المصرى،
فقد شاهدت حرب الدبابات التى كان بطلها المصرى العظيم
عبدالعاطى، صائد الدبابات، وغيره،
فكانت تجربة مختلفة ومهمة.

لكن بعد مرور الأيام، وانتهاء الحرب،
بدأت جيهان السادات تظهر فى الصورة،
وتتصدر المشهد بزياراتها لجرحى الحرب.
فى هذا التوقيت اتصل المخرج الراحل محمد سالم بـ«الأبنودى»،
وأبلغه أن حرم الرئيس تريد منه العودة إلى القاهرة،
من أجل أن يقوم بإلقاء قصائده فى احتفالات النصر،
لكن «الأبنودى» اعتذر.

وكانت لدى الخال دوافع كثيرة لعدم التفكير فى العودة،
منها أنه وجد صعوبة شديدة فى الخروج من مصر قبل الحرب،
وتم التضييق عليه بصورة كبيرة، وتم رفض سفره أكثر من مرة،
علاوة على أن الحرب انتهت، وبالتالى لم تعد هناك ضرورة مُلحَّة لعودته، على حد تعبيره.
لكن كان لازم يرجع بعد حديث طويل فى التليفون
قاله عبد الحليم حافظ:
«يرضيك يعنى نعمل أغانى للنكسة ومانعملش أغانى للنصر، ماتخليهاش فى تاريخك كده».

فردّ عليه الخال: «طيب خلاص، روح إنت وأنا جاى».
وعاد بالفعل عاد الأبنودى وعاد الثلاثي:
عبدالرحمن الأبنودي، وكمال الطويل، وعبدالحليم حافظ،
للعمل معًا فى الأغنيه الوحيده التى كتبها الأبنودى للنصر
وكانت صباح الخير يا سينا،

انضم الابنودي إلى حزب التجمع ليعلن فقط أنه ليس رجل السادات،
وهو ما دفع الابنودي ثمنه،
وتم التحقيق معه في نيابة أمن الدولة العليا
التي ارسلته للمدعى العام الاشتراكى للمحاكمة بقانون العيب!
الذي لم يحاكم به في مصر الا اثنين فقط
وهما محمد حسنين هيكل، والابنودي،
ورغم العلاقة المتوترة بين السادات والابنودي، إلا أن الكثيرين يطلقون عليه عميل السادات

**Amany Ezzat** **Amany Ezzat** · 07-11-2014, 10:26 PM

فى يونيو 1975 كان «السادات» يفتتح قناة السويس،
ومعه عبدالرحمن الشرقاوى، وأنيس منصور،
فنظر إلى الشط ووجد الفلاحين يروحون ويجيئون على الشاطئ،
فقال: «مش دول بتوع عبدالرحمن الأبنودى
بتوع وجوه على الشط، أمال الأبنودى فين؟»
ونشرت الصحف ما قاله الرئيس «السادات»،
واتصل مدير مكتب السادات فوزى عبدالحافظ بـ«الأبنودى»،
وقال له: «سعادة الريس منتظرك فى استراحة المعمورة»،
فرد عليه الخال: «يا عم أنا ماعرفش استراحة وبدأت الجلسة،
ودار النقاش حول ديوان «وجوه على الشط»
الذى كان يذاع كحلقات إذاعية بعد نكسة يونيو
، وقال «السادات» لـ«الأبنودى»:
«لما كنت بافتتح قناة السويس لقيت ناسك اللى إنت كاتب عنهم،
فتذكرتك، خصوصًا إنى كنت متابع حلقات «وجوه على الشط» يوميًا،
وكنت باسمعها مع عبدالناصر فى أوقات كثيرة
، وعشان كده أنا بقى عايزك تكمِّل بقى الانتصار،
عايز بقه أشوف الفلاحين دول بعد النصر بقيت أحوالهم إيه..
وأنا عايزك تكلم الناس يا عبدالرحمن.. إحنا بتوع مصاطب..
مش زى صاحبك جاهين بتاع عبدالناصر».
فقاطعه الخال، وقال له: «صلاح جاهين قيمة عظيمة وكبيرة،
وهو مثلى لا يكتب إلا قناعاته الشخصية، ولا أحد يُملى عليه شيئًا»
فردَّ السادات: أيوه مش دا اللى قال
منا فينا الموج والمركب والصحبه والزينه يعنى بتاع عبدالناصر،
فقال له: بس هو أول من قال الديمقراطيه،
فقاطعه السادات: أنا بحبّ بليغ حمدي، ومش بحبّ كمال الطويل
.ويعلق الخال بقوله: يعنى هو لا يحب هذا الغناء
اللى صنعه عبدالحليم وكمال الطويل وصلاح جاهين،
أتارى هو عاش مع عبدالناصر كل ده وهو مابيحبوش.

خرج «الأبنودى» من استراحة «السادات»
وهو يغلى من فورة الغضب بدأت الحرب
فى سبتمبر 1977 كان الأبنودى عائدًا للتوّ إلى بيته،
وبمجرد أن جلس على الكرسى فتح التليفزيون،
فوجد أن الرئيس السادات يخطب قائلًا:
«أمريكا وأستراليا وكل الدول الصديقة،
والشيوعيون الخونة أعداء الوطن واللى لابسين قميص جمال عبدالناصر».
وبعد أن أنهى السادات كلامه، أمسك الأبنودى بقلمه،
وجلس على مكتبه، ووجد نفسه يكتب:

الوحى ده.. ماجانيش من موسكو
ماجانيش من أمريكا
ماجانيش غير من هنا من القلب
فأنا باعتقد إنى باحبّ الوطن
وأموت فداء للشعب
أنا صوتى منّى وأنا ابن ناس فُقَرَا
شاءت ظروفى إنى أكتب واقْرا
فباشوف وباغنّى
والفقرا باعتينّى
يا.. ناس.. يا هوه
قَبْلِنْ ما قول قوله
اتأكدوا إنه صوتى ده وصَدَر منى
أنا مش عميل حد
أنا شاعر
جاى من ضمير الشعب

**Amany Ezzat** **Amany Ezzat** · 07-11-2014, 10:51 PM

بعدما صارت قصائد الأبنودى بمثابة المدفعية الثقيلة
التى تواجه نظام الرئيس السادات تم استدعاؤه إلى نيابة أمن الدول العليا،
وعندما ذهب وجد رئيس النيابة عبدالمجيد محمود، النائب العام الأسبق، فى انتظاره.
وبدأ التحقيق، لكنه بدا هادئًا، ولم يتضمن سوى سؤال واحد فقط، هو:
هل أنت صاحب قصائد «الأحزان العادية» و«المد والجزر» و«سوق العصر» و«المجنون»؟
فأجاب الأبنودى: طبعًا، وانتهى التحقيق.
ويعلق الخال بقوله: «أنا عمرى ما كنت مدّعى بطولة،
واللى بيقولوا عليّا مخبر مايعرفوش أنا إيه اللى جرالى،
لأنى لا أبوح بأسرار مطارداتى وقطع رزقى».
بعد أسبوع واحد فقط من تحقيق نيابة أمن الدولة العليا،
وجد عبدالرحمن الأبنودى نفسه مطلوبًا للتحقيق معه أمام المدعى العام الاشتراكى.
ولم ينقذه سوى حوار للـ«واشنطن بوست»
،بعنوان: السادات يحاكم شاعر الفقراء بمقتضى قانون العيب.

بعد تلك الواقعة جاء خريف الغضب فى سبتمبر،
وتم اعتقال عدد كبير من رموز الصحافة والسياسة،
لكن عبدالرحمن الأبنودى لم يكن بينهم،
رغم أنه بعد ما حدث كان من الطبيعى أن يأتى على رأس القائمة،
وعندما سؤل الخال عن السبب قال:
«أنا كنت أول اسم لكن السادات شطبنى بيده،
قالهم ده لأ، ده له تصرف تانى خالص!».

كتب الخال عبدالرحمن الأبنودى
ملحمته «الأحزان العادية» فى يناير 1981،

ثم فى الشهر التالى، وتحديدًا فى 21 فبراير فى عيد الطلبة
كتب رائعته «المد والجزر» التى تنبأ فيها بمقتل السادات،
وفى نفس التوقيت كتب قصيدته «لا شك أنك مجنون».
تنبأ بمقتل السادات فى قصيدة " المد والجزر "
وقال فيها
«مأساتنا أن الخونة بيموتوا بدون عقاب ولا قصاص..
مأساتنا أن الخونة بيموتوا وخلاص»
ودى كتبها فى فبراير وهو مات فى أكتوبر

**Amany Ezzat** **Amany Ezzat** · 07-11-2014, 11:06 PM

وعندما اغتيل انور السادات
وعن شعوره وقتها قال:
«كنت حاسس إن رحيله فى الوقت ده نعمة،
بغض النظر عن إنه اُغتيل، لأنى ضد الاغتيال،
ولأنى كتبت فى لحظة انفعال،
خصوصًا أن عمر الاغتيال ما حل مشكلة،
واللى هيغتال هييجى مكانه، وهيجيب واحد بعده أسوأ،
وعنده عقدة إن اللى قبله اُغتيل،
لذلك أشعر الآن أنى أخطأت،
لكن وقتها استعدت كل البلاوى
اللى شيلها لى بدون ذنب»
فخرجت قصيدة «المتهم».

كتب قصيدة «المتهم» عقب مقتل السادات
يقول فيها «وتعبت أقرا اليفط بحثا عن العنوان..
وتعبت أقرا الوشوش بحثا عن الإنسان..
كل الخرايط ما توضح تبهت الأوطان»
وعنها يقول الخال:
القصيدة دى أنا دفعت تمنها غال..
وللأسف أنا لست من مدعى البطولة
وعشان كده مابحبش الكلام فى الحجات دى،
أنا بعمل اللى عليا وادفع تمن أعمالى وأنا ساكت،
والقصيدة دى كانت مكتوبة فى السادات بعد موته،
وكان ايضا قد تنبا فى قصيدة
"سوق العصر" باتفاقية بكامب ديفيد،
وبسبب هذه القصيدة هاجمه بعض شراذم الشعراء ،
ومدعو الثقافة على حد قوله،
لكنه كسب الرهان لأن رهانه دائما كان على الغد،
ومشكلتهم أن الغد يأتى دائما ولا يخلف موعده أبدا.

يتبع

**Amany Ezzat** **Amany Ezzat** · 07-12-2014, 02:53 AM

علاقة مبارك بالابنودي كانت ليست افضل حالا،
رغم أن مبارك ظل يتودد للابنودي،
يسأل عنه كثيرا في مرضه،
حتى أنه عولج أيام مبارك على نفقة الدولة، في المرة الأولى فقط،
فاللقاء الأول بين الإثنين كانت في الثمانينيات،
بعد أن سمع مبارك أغنية «مصر يا أول نور في الدنيا»،
وسأل عن مؤلف الأغنية، فقالوا له عبدالرحمن الأبنودى،
فاتصل به صفوت الشريف، وأخبره أن مبارك يريد مقابلته
، وتركت المقابلة انطباع لدى الابنودي،
أن مبارك يرغب في التغيير،
حتى أن الابنودي قال
" أن مبارك لديه رغبة في التغيير ولم يكن الطغيان تغلغل إلى قلبة بعد".

تكرر لقاء مبارك بالابنودي لمرتين اخرتين،

لكن العلاقة تبدلت بعد قصيدة «الاسم المشطوب»،
فبعد نشر القصيدة بيومين،
اتصل بزكريا عزمى من أجل قرار علاجه على نفقة الدولة،
فلم يرد، وتنصلت الدولة من علاجه، وكانت القطيعة.

ولقصيدة «عبدالعاطى» قصة،
ففى أثناء واحد من احتفالات نصر أكتوبر تمت دعوة أبطال الحرب،
ومن بينهم البطل عبد العاطى، صائد الدبابات،
وكان الكل يسأل عنه، لكنه كان يجلس في آخر القاعة،
وبمجرد أن تم الإعلان عن وجوده في الحفل
دوى تصفيق حاد في أرجاء مسرح الجلاء التابع للقوات المسلحة
لدرجة جعلت المسرح يهتز من فرحة الحاضرين به، ومن حماستهم في التصفيق له.
لكن حدث ما لم ينتظره أو يتوقعه أحد!
فعندما تقدم عبد العاطى لمصافحة الرئيس،
سلم عليه مبارك بتعالٍ شديد، وبجفاء أشد،
وفى اليوم الثانى صدر قرار بعزل اللواء رئيس نادي الجلاء من منصبه،
وكذلك تم عزل بعض المسؤولين عن تأمين القاعة،
وكأنهم استنكروا كيف لهذا الرجل الفقير أن يسلّم على الرئيس؟!
فاستشاط الأبنودى غضبًا عندما علم بما حدث،
وقال لنفسه «الراجل ده أحسن من ولاد الرئيس ومن الرئيس نفسه..
هذا الرجل قدم نفسه للموت علشان بلده، ودلوقتى مش لاقى ثمن العلاج»،
ولكن لم تكن فكرة القصيدة قد أتت بعد.
لكن بعد فترة وفى أثناء رحلة علاج صعبة
عاشها الخال في واحدة من مستشفيات فرنسا،
تذكر كل ما جرى، وشعر بحجم المهانة التي تعرض لها
واحد من أنبل وأعظم أبطال مصر على مدى تاريخها وهو عبدالعاطى،
ورغم أن الخال كان تحت تأثير المخدر ظلّ عبد العاطى يُلحّ عليه،
فغاب عنه النوم، فقام وجلس على سريرة
وكتب على ورق مناديل قصيدته،" عبد العاطي" التي أنهت علاقته بمبارك.
قصيدة مهداه للبطل عبد العاطي صائد الدبابات في حرب أكتوبر ,
وقد نشرت اليوم في العدد الأسبوعي من جريدة ( الدستور) المصرية
بتاريخ الأربعاء 14 من جمادى الآخرة 1429 هجري
الموافق 18 من يونيو 2008 .

رائعته «الاسم المشطوب» التى جاء فيها:
كلّمنا وانت فى السريرعيّان
عن اللى ولَّى.. وخان
وعن اللى باع النصر فِ الدّكان
مش ده الوطن
اللى اتفقت معاه يا صاحبى زمان
تِئن والأنين مرير
وانت بتتقلب على السرير
سرير فقير
تطلق زفير الحزن فى النفس الأخير
ولا الشاشات بكيت
ولا المذياع أذاع
فاكشف غطا وجهك
ومزّع القِناع
بَلا حكومة
بَلا رئاسة
بَلا معارضة
بَلا بتاع!

**Amany Ezzat** **Amany Ezzat** · 07-12-2014, 03:20 AM

جارى اعادة رفع صور الموضوع تابعونا لاحقا 1

لم تمنعه سنوات عمره التي تجاوزت الـ75،
من متابعة الأحداث على الساحة بحماس الشباب
والانفعال بها إبداعا، فكانت قصيدته «الميدان»
أيقونة ثورة يناير التي ألهبت حماس شباب ميدان التحرير
وصارت لسان حالهم آنذاك

اما عن فترة حكم الاخوان

1

قال ، أنهم
"حكموا المصريين أسفل أحذيتهم
ووضعوا القيم والحريات أسفلها بغطرسة
ولم يكن أحد يتخيل إزاحتهم"،
واصفا فترتهم بأسوأ فترة عاشتها مصر بعد المماليك.
وأضاف: "الإخوان المسلمون تسلموا الوطن وحاولوا أن
يجروه بالأصفاد إلي قرون للخلف باسم الدين
وبسببهم عامت مصر في الدم الآن،
إلا أنهم يُشكروا علي ما فعلوه لأن الشعب المصري
كان يستحيل تصديق أخطائهم دون تجربه لتعوده أنهم حفظة كتاب الله.

1

وعلق الأبنودي، على الإنتخابات الرئاسية التي تنافس فيها
المرشحان حمدين صباحي والمشير السيسي، بقوله:
"صباحي مناضل له تاريخه, ولكن اللحظة الآن
لا تحتاج إلي مشاعر عاطفية خاصة أن صباحي
يشعر المصريين وكأنهم أيام الستينيات
ولاتحمل خطبه وعورة مانحن فيه".
مضيفا، "إن صلحت أنا لقيادة مصر الآن؛
فحمدين يصلح، انما الآن أنا لو حكمت هخربها
واحنا الإتنين رومانسيين".

2

وأضاف، أن السيسي
صنع معجزة لاينبغي التهويل من شأنها ولا التقليل منها أيضا،
وكان من الممكن أن تغرق مصر مع المخطط الأمريكي
الذي شمل المنطقة العربية كلها لكنه فوت عليهم هذه الفرصة،
والشعب وثق في السيسي ومن الممكن أن تكون خبرته السياسية قليلة
على صنع مستقبل مصر، ولكن ليس الفرعون دائما
هو من يصنع أي شئ ولكن المصريين هم من فعلوا..
المصريين هم من بنوا الأهرامات
وهم من بنوا السد العالي وليس عبد الناصر

**Amany Ezzat** **Amany Ezzat** · 07-12-2014, 04:02 AM

أهم الإبداعات

أشهر دواوينه الشعرية

1. الأرض والعيال (1964 - 1975 - 1985).
2. الزحمة (1967 - 1976 - 1985).
3. عماليات (1968).
4. جوابات حراجى القط (1969 - 1977 - 1985).
5. الفصول (1970 - 1985).
6. أحمد سماعين (1972 - 1985).
7. انا والناس (1973).
8. بعد التحية والسلام (1975).
9. وجوه على الشط (1975 - 1978) قصيدة طويلة.
10. صمت الجرس (1975 - 1985).
11. المشروع والممنوع (1979 - 1985).
12. المد والجزر (1981) قصيدة طويلة.
13. الأحزان العادية (1981) ديوان مكتوب دراسة (محمد القدوسى).
14. السيرة الهلالية (1978) دراسة مترجمة.
15. الموت على الأسفلت (1988 - 1995) قصيدة طويلة.
16. سيرة بنى هلال الجزء الأول (1988).
17. سيرة بنى هلال الجزء الثاني (1988).
18. سيرة بنى هلال الجزء الثالث (1988).
19. سيرة بنى هلال الجزء الرابع (1991).
20. سيرة بنى هلال الجزء الخامس (1991).
21. الاستعمار العربى (1991 - 1992) قصيدة طويلة.
22. المختارات الجزء الأول (1994 - 1995

من أشهر أعماله السيرة الهلالية

التي جمعها من شعراء الصعيد ولم يؤلفها.
ومن أشهر كتبه كتاب (أيامي الحلوة)
والذي نشره في حلقات منفصلة في ملحق
أيامنا الحلوة بجريدة الأهرام
تم جمعها في هذا الكتاب بأجزائه الثلاثة،
وفيه يحكي الأبنودي قصصاً وأحداثاً مختلفة
من حياته في صعيد مصر.

كتب في عدد من الصحف
والمجلات الدورية المصرية ومازال مستمراً.

كتب الأبنودي العديد من الأغاني، من أشهرها

• عبد الحليم حافظ
عدى النهار، أحلف بسماها وبترابها، إبنك يقول لك يا بطل
أنا كل ما أقول التوبة، أحضان الحبايب، وغيرها

• محمد رشدي
تحت الشجر يا وهيبة، عدوية، وسع للنور، عرباوى

• فايزة أحمد
يمّا يا هوايا يمّا، مال علي مال

• نجاة الصغيرة
عيون القلب، قصص الحب الجميله

• شادية
آه يا اسمراني اللون، قالى الوداع
أغانى فيلم شيء من الخوف

• صباح
ساعات ساعات

• وردة الجزائرية
طبعًا أحباب، قبل النهاردة

• ماجدة الرومي
جايي من بيروت، بهواكي يا مصر

• محمد منير
شوكولاتة، كل الحاجات بتفكرني
من حبك مش بريء، برة الشبابيك
الليلة ديا، يونس، عزيزة، قلبى مايشبهنيش
يا حمام، يا رمان

كما كتب أغاني العديد من المسلسلات مثل

"النديم"، و(ذئاب الجبل)وغيرها
وكتب حوار وأغاني فيلم شيء من الخوف،
وكتب أغاني فيلم البريء
شارك الدكتور يحيى عزمي في كتابة السناريو والحوار
لفيلم الطوق والاسورة عن قصة قصيرة
للكاتب يحيى الطاهر عبد الله.

**Amany Ezzat** **Amany Ezzat** · 07-12-2014, 04:33 AM

نبدأ المشوار مع القصائد

الدايرة مقطوعة

إذا مش نازلين للناس ف بلاش
والزم بيتك
بيتك بيتك
وابلع صوتك
وافتكر اليوم ده
لإنه تاريخ موتي وموتك.
إذا مش نازلين للناس
فَ بلاش
مادام الدايرة ما كمّلاش
والحاجة ما تمّاش
وأصحاب الحاجة ما عارفاش
إيه المعني
وأي بطولة
فِ إن حياتنا
واحلي سنينَّا
يروحوا بلاش؟
حاجة ماراكباش!!
الله يخرب بيت الفكر
وبيت اليوم
اللي ورانا الفكر
لإن الفكر كتاب
و(عويضه)
حياته هباب وتراب.
عايش زمنه الكداب
زي العادة مرتاب!!
كنكة علي دِمْس
ونفَس مقطوع في الغاب
ماشبعناش عنه بُعد
وهوَّ ما شبعش غياب!!
(عويضه)
هناك في الأرض
في المدن الأُوَض
اللي نايمة علي بعض!!
وأقولك
إيه اللي قطع الدايرة يا أمير
وخلي مابين النبي والخلْق
الغربة وتقطيع المشاوير؟
إن انا وانت
بنلعب طول العمر دورين:
طليعة وجماهير.
و(عويضه)
بينفخ موت الدِّمس
والعالم نِمْس.
العالم..
سرقة وقلْع ولبس
و(عويضه) بقلبه الجبس
اللي معلِّمُه
إمتي ما يحسش
وامتي يحسّ
بيعدِّي في الأيام
جمل المراحيل.
زي ما عدَّاها
من أول ما اتخرط الكون
من أول ما طلع للدنيا
ووجد قبلُه فرعون!!
نفس الأيام
نفس النسخة
مطبوعةعلي كل الأعوام.
ماسمعشي بينا
ماسمعناش.
ما قابلناش.
ما اتكلمناش.
ولإن حمول الأيام مش محمولة
إذا يد (عويضة) ما ترفعهاش.
والقولة الحقَّة مش حقّة
إذا صدر (عويضة) ما طلَّعهاش
والخطوة حَ تفضل مشلولة
إذا قُدّامنا (عويضة) ما خطَّاش.
ولإن دي حاجة(عويضة) لسّه ما يدركهاش
ولا يدركناش ولا يعرفناش
ولإننا لما دبحنا بعض مناقشه
علي القهوة لاجل البشريه
(عويضة) ما سمعناش
تبقي الدايرة ما دايراش!!
واما ييجي المخبر
يسحبنا عَ الزنازين
لازم نبقي عارفين
إن السَّحبه ببلاش
وان الحدوته ما لافَّاش
ف الدايره ما تامَّاش
والدنيا ما حِلْواش
وان (عويضه)
لما قِبل الظلم ماماتْش
إحنا مُتنا
وهوَّ عاش!!
الحاجز أكبر من
كل الأحلام واسْمَك
من جهلي وجهلك
واسمي واسمك!!
مش حتعلمني أكتر ما اتعلمت
روح
علِّم أبو الواد والبت
اللي حَ يرميهم
في فرن الثوره
يطيبوا بُكره
واللي لحد الوقت
مايعرفشي إزاي يكتب
وازاي يقرا
وازاي يعشق
وازاي يكره
ولا عنده فكره
عنك.. أو عن بكره
ولا ليك ذكري
لا انا ولا انت
نجحنا فِ تغيير الفكره!!
الفاس يردم بذرة
المنجل يحصد سبلة
الشغل يجيب أجرة
وانت بعيد
بحكاية ما مفهوماش!!
بينَّنا وبينُه شعْرة
وأرقّ من الشعرة
ده اللي مفروض
ناسج علم الثورة
وصانع بكرة
واحنا شهدا
مع إننا ماحاولناش
حاجة ماراكْباش!!

قصيدة خيط

اليل جدران اذا يدن الديك من عليه يطلع
نهار وتنفلت من قبضه الشرق الحمام ام
ام الجناح الابيض فى لون قلب الصغار
اه يا حبيبتى يا ام خصله مهفهفه قلبى اللى
مرعوش الامان لسه بيحلم بالدفاوالشمس
كلمه طيبه وفيها الشفا قلبى اللى كان قرب

يموت لسه بيحلم بالبيوت زى الخرز والدرب
خيط حرير ولاضم كل حيط وفى كل دار
يترش حب الحب غيط يتنفس البلاب على
الباب الكبير وبرضه ملضوم بحرير
يا ام العيون الدفاينين لو تعرفى من فين
سمار النيل ؟ منين ؟اوعك ان تقولى ان جوفه
عب طين اسمر لاالشمس فوقه من سنين
لو تعرفى طول السنين على شاب عريان
البدن ودراعاته مكشوفين وانتى عينكى
اسمروا من شيل الحنين ولانهم متكحلين
بشئ حزين بشئ فى كل عيون صحابى
الطيبين اللى فى عينيهم انتظار واليل جدار
اذا يدن الديك من عليه يطلع النهار

**Amany Ezzat** **Amany Ezzat** · 07-12-2014, 04:38 AM

قصيدة القدس

القدس

القدس قدسي..
يمامة صيف في غيتها.
تطير . تيجيني..
بأشواقها .. وغيتها.
فاكراني من يد صيادها
أنا اغيتها !!
فاكراني صوت الأدان الحي
في "حطين"
ومخبي في ضلوعي قلبك
يا "صلاح الدين"..
شايل صراخ اليتامى
ولوعة المساكين
فاكراني كفن الشهيد
وخيمة اللاجئين
وأول الأتقيا..
وآخر الهاربين..
***

تجيني وتبوسني
وتملس على خدودي
هاربة بـ حدودها القدام
تتحامى في حدودي
تبكي على صدري
دبكة حزن على عودي
تبكي وفاكرة حد هدها
وأسكتها !!
أنا..
ياللي من موت شراييني
اتنسج موتها
وصوتي..
يوم الغنا الباطل
بلع صوتها
مافيش في قلبي
ولا آهة أموتها
كل الآهات ميتة
أنا حبيس همسي
نزعت صورتها من بُكرايا
من أمسي
حطين ولا حطيني
ولا قدس الهموم.. قدسي
ولا عارفة تنساني
زي ما تهت.. ونسيتها !!
***

القدس..
تيجي يمامة نور
مطفية
طالعالي م البرد
للصيف الجديد تسعى
فاكرة في كفي طعام
وف قلبي أخوية
هية اللي مش واعية..
والا أنا اللي مش باوعى..؟
لا دمع يسقى عطش عيني
ولا مية.
يا حزن لا تترجمه أهة..
ولا دمعة..
...
ما كنا فاكرينا
أطفالك
يا ست الكل.
الكدب ما يجيبش همه
إحنا مش أطفال
وكنا فاكرينا أبطالك
أيادي السيف
سيوفنا من قش
ودي..
ماهيش إيدين أبطال
ضيعنا ع القهوة
نص العمر
نتاوب
نتمنوا من ربنا..
تتحسن الأحوال !!
***

يا قدس
لمي جناحك وارجعي تاني.
ولا تصدقي قولي..
ولا تتمني
أحضاني
نامي في حضن العدو
هوه العدو الأول
يا قدس..
خافي قوي..
من العدو الثاني.
الخنجر المختفي
وانتي فاكراه
ضلع
الأفعى ورا
ضحكتي..
والموت في أسناني.
وصفحتي في النضال
بيضا بياض التلج !!
***

لمي الجناح يا قدس
لمي الجناح..
"البناني" ف قلبي مسكونة
بيمام .. غريب الوطن.
يوم ما التهم خضرتك
فدان ورا فدان.
يوم ما طرد أسرتك
إنسان ورا إنسان.
يوم ما هدم مادنتك
وكسَّر الصلبان
***

يا قدس..
قولي لحيطانك
اثبتي بقوة
حيخلصك ابنك
اللي أنا .. مانيش هوه
لا تبحثي عن حلول
الحل من جوه
الحل من جوه
الحل من جوه

**Amany Ezzat** **Amany Ezzat** · 07-12-2014, 04:46 AM

قمر يافا

لسه ما شبعتش طوافة
ياللي بتطوف من سنين
لسه ما كرهت الليالي ؟
لسه ما شبعتش مشاهدة.. ؟
يا قمر .. حالك .. كحالي..
ضيعونا .. بالمعاهدة !!
***
يا قمر .. هدوا قبورنا
واستباحوا اللي ف صدورنا
دمروا قلوبنا ودورنا
حقنا أصبح خرافة
وضعت يا بلدي الأمين
يا قمر .. تصعد في "يافا"
تترمي في "دير ياسين" !!!
***
ع الزاتون والبرتقالة
ارمي ضياتك أمانة
احنا يكرهنا اللي خاين
واحنا .. تكرهنا الخيانة
يا قمر..
وغيوم بتحجب
دمنا .. لما يسرسب
دنيا .. تحترم اللي يغلب
حتى لو شيطان لعين.
يا قمر
بشَّر في "يافا" واتصلب في "دير ياسين".
***
يا صبور .. الصبر واعر
للدماغ.. وللمشاعر
قلبي ندل وحزنه داعر
ليتني ما كنت شاعر
كنت أفلت م الكمين
صرختي بتموت في همسي
ليتني ما غادرت أمسي
ليتني ما صاحبت نفسي
ليتني ضميت خوامسي
يوم ما أقسمت اليمين
يا قمر عاشني في "يافا"
واتقتلنا في "دير ياسين"
يا قمر..
خدته ليافا..
خدني هوه.. لدير ياسين !!

**Amany Ezzat** **Amany Ezzat** · 07-12-2014, 04:51 AM

يا عنكبوته

ياعنكبوتة كملي عشك
لاحد حيزيحك ولا يهشك
لمي مهاجرينك
وثبتي دينك
اتمطعي وخدينا في وشك
بلاد بلا عزه
ممكن تجيبي أجلها من هزة
بلا ضفه بلا غزه
بلا مصر بلا أردن
بالدم رشي اللي بماء رشك
وكملي عشك
لمي مهاجرينك ولو ملايين
يا عنكبوتة احنا مش فاضيين
مدي الخيوط خيط خيط
واكسي كل الحيط
نامي ف أمان واتمطعي ف فرشك
من وشنا
ما بنسمعوش وشك
لمي مهاجرينك وتعاليلي
لا تهم تباريري وتعاليلي
أنا في الخلا بانفخ شعاليلي
انظم قوافيا وتفاعيلي
وما تلقينيش ساعة يعوزني الفعل
أغش نفسي وعمري ما اغشك
واحش روس أهلي ولا احشك
حتعيشي أبد الدهر
حتوحديها انتي نهر ونهر
نشي اللي ما قدروش علي نشك
أنا زى ما بعت السنين الخرس
ورضيت بربع الربع وخمس الخمس
مجاني حاوهب لك عيون القدس
مين اللي سألك تتركي عرشك
طب ده احنا خدامك
في النوم بنوحي لك بأحلامك
واحنا اللي بنحققها قدامك
آسف سكوتي ربما داوشك
فاتربصي بينا ولا يهمك
دمانا فدا دمك
وتبعترينا واحنا بنلمك
ولو تحاصرك الأمم
ويكتفوكي بالتهم
احنا سبيلك للخلاص في الكون
لما يضيق الحال
دايما بيطلع مننا مجنون
يهتف يعيش صهيون
ونغش بعضينا ولا نغشك
بالعكس بندلع وبنهشك
ناكل في بعض فيتملي كرشك
وقرشنا ف ثانية يصير قرشك
يا عنكبوتة انسي أصواتنا
وزعيقنا وصواتنا
ودم أحياءنا وأمواتنا
هدي عشوشنا وكملي عشك
لاحد حيزيحك ولا يهشك

البت جمالات

لسه ما شبعتش طوافة
ياللي بتطوف من سنين
لسه ما كرهت الليالي ؟
لسه ما شبعتش مشاهدة.. ؟
يا قمر .. حالك .. كحالي..
ضيعونا .. بالمعاهدة !!

يا قمر .. هدوا قبورنا
واستباحوا اللي ف صدورنا
دمروا قلوبنا ودورنا
حقنا أصبح خرافة
وضعت يا بلدي الأمين
يا قمر .. تصعد في "يافا"
تترمي في "ير ياسين" !!!

ع الزاتون والبرتقالة
ارمي ضياتك أمانة
احنا يكرهنا اللي خاين
واحنا .. تكرهنا الخيانة
يا قمر..
وغيوم بتحجب
دمنا .. لما يسرسب
دنيا .. تحترم اللي يغلب
حتى لو شيطان لعين.
يا قمر
بشَّر في "يافا" واتصلب في "دير ياسين".

يا صبور .. الصبر واعر
للدماغ.. وللمشاعر
قلبي ندل وحزنه داعر
ليتني ما كنت شاعر
كنت أفلت م الكمين
صرختي بتموت في همسي
ليتني ما غادرت أمسي
ليتني ما صاحبت نفسي
ليتني ضميت خوامسي
يوم ما أقسمت اليمين
يا قمر عاشني في "يافا"
واتقتلنا في "دير ياسين"
يا قمر..
خدته ليافا..
خدني هوه.. لدير ياسين

بياع الوشنة
اللي العصرية بيزمر ويفوت
م اليوم مش هيفوت
ولا هينادي علي المنجة والتوت
زي ما كل الناس بتموت
بياع الوشنة يا جمالات مات
عدي الموسم
وشجرة النبق اتخضت
والتكعيبة عرف سكٌتها الموت
التعابين كترت في الهيش
كيف بس يا خالي تقول حاجي
ولا تجيش؟
طب مش تيجي تسأل عل جمالات
لسة بتعيش؟
لسة عايشة يا جمالات؟!
عايشة وزي العفاريت
والديناميت..؟!
الديناميت والنار دايرين
وانا في الفدان ماسكة المنجل
وبجيب للفرسة حشيش
الكلب الٌلسود؟
الكلب الٌلسود تعيش انت
وديكة خدته الدانة
مش ناوي يا خال تقعد لك جمعة معانا
خواف

أمه..
خالي عبد الرحمن خواف
بقي زي الافنديات اللي من مصر
إستني اما اروي لك حاجة تفطس م الضحك
مش مرة كان الضرب شديد
الإسرائلين بعتوا صواريخ
الواحد كد الزير
الواحد منهم ييجي حايم كدة
وكأنه جاي في البي
جدتي إيه ..؟ شافت في الجو صاروخ
وتقول جاي مخصوص
ما قدرناش لا نفر ورا الشجرة
ولا نرقد في البوص
جدتي دي رقدت على ضهرها
وترفصله برجليها

إبعد يا فطيس
إبعد يا نجس يابن الملاعين
واحنا هنموت من الخوف والضحك
إتفجر ورا بيت عيد
صح ده كان يوم ربنا ما يوريك
والا الديك
اتفرفت في الديناميت فرفيت
جدي براهيم يومها
لما لاقيني بكيت
قاللي وهوه بيضحك
أوه ..بكرة يا جمالات
الأرض هتطرح مليون ديك
وحيغني خالك عبد الرحمن
دي الدانة فرشته ع الفدان
إيه قاعد تتلفت حواليك ليه
خايف م الدانة ؟
خواف

أمه خالي عبد الرحمن خواف
وأنا أقوله قال
اقعدلك جمعة معانا
سيبك من الديك دلوقت يا جمالات
خلينا في حكاية الكلب الٌلسود
ماله
من بين بهايمنا وطيرنا
هو اللي انصاب
انصاب نوبتين
المرة الأولانية خد شظو ف رجليه
والمرة التانية صاروخ
كأنه ركبله أجنحة زي الطير
اتبعزق زي التبن ما يخده الريح
من ع المدرة
هوه كان كلب ولا كلبه يا جمالات
كلبه أصيلة واصله ما يخفش ع السامعين
إن كلاب الدنيا
دي زي البني آدمين
فيها الزين والشين
فيها المجرم والمسكين
اللي أصيل واللي عويل
واللي خاين واللي أمين
إنما دي كانت كلبة مش كلب
كلبة إنما واللهي يا خالي
تقول لها قلب
نتاية يا خالي بس أصيلة صح
ونبيهة صح
وهوه دلوقت كلابنا يا خالي
بقي فيها كلاب..؟

يتبع

**Amany Ezzat** **Amany Ezzat** · 07-12-2014, 04:58 AM

هموم مواطن مصرى

دار الزمان دورته .. غيـّر نفوس الناس ...
ساوى الكتير فى النطاعة و قلة الإحساس ..
نسيوا اللباقة فى الحديث و الذوق ..
أما المعاملة : فدا قفل , و البعيد ترباس .

خرجت مرة اتفسح أنا و أولادى ..
صرخ الصبى م الألم : الحقنى يا دادى ..
تروللى آدمى دهسه و جابو الأرض ..
و مضى ف طريقه بلا آسف –
دا شئ عادى .

نفسى الحمار كان يعتذر
ينهق , يقول باردون ..
لكنه حمار فى سلوكه
و فى طبعه و اصله دون ..
فين من زمان كان الكلام فيه بلسم ...
آسف , و حقك علىّ و سامحنى , و أنا ممنون ؟.

خدت الولد و جريت على المستشفى ..
لفيت على الأقسام تقولشى مليون لفة !!
حكومى و الإهمال يجيب لك الأمراض ...
تركتهم من بعد ما تفيت عليهم تفـة .

رحت أم أجر , ياه ع النضافة يا هووه !!
مبلغ دفعته مقدم زى ما طلبوه ..
على سرير له عجل أخدوا الولد , حطوه ..
دهنوا له مرهم و قطنة و شاش و باسبرتوه .

خد يا جميل ولدك و روح ادفع ...
كع اللى معاك , و ياريته كان ينفع ..
أخدوا الولد كرهينة لحد ما أسدد ...
جريت أستلف من دا , و دا يتنطع .

خدت الصبى و ركبنا سوا الأتوبيس ..
سواقه اسمه على و الكمسارى عتريس ..
ناقص شوية زيت و لمون و نتحول إلى سردين ..
نشال نشل محفظة , و دا شاب أصله خسيس .

سلمتش منه فتاه , و لا حد م الستات ..
يا بنى حرام ليه كده هو ا نت ملكش اخوات ؟

خليك فى حالك يا بويا واحترم نفسك ..
لخلّى وشك شوارع و املأه طرقات .

أخذتنى نوبة شهامة خرشمت له وشه ...
و كام بونية فى صدره و زيها فى كرشه ..
طلع لى مطوة وقال لى اتشاهد على روحك ..
وسّـع كل الرجال , لولا امرأة حمشـة .

أخدونا للقسم اللى عمل محضر ..
ظابط صغـّير قعد يشخط و قام ينطر ...
يا حضرة الظابط دا عاكس بنات الناس ..
مالك انت ؟ .. واعظ كبير حضرتك و الا من العسكر ؟!!

بـّيتنا فى التخشيبة : أنا و ابنى و الفتى المنحوس ..
ليلة و لا كل الليالى .. كإنها كابوس ..
الواد يقوللى سامحنى يا عمى و نتصالح ..
لنروح فى داهية و هات راسك أبوسها بوس .

رحنا النيابة و قلنالها بنتصالح ...
قال الوكيل للفتى تبقى ولد فالح ...
و انت يابويا كتر ربنا مثلك ..
ينصلح حالنا و يبقى المجتمع صالح .

روّحت بيتنا قلت أنام و أرتاح ...
هيّـه دقيقة , و معركة و صياح ...
بين الجيران قامت معركة كبيرة ..
ينعل أبوكى يا سنية , ينيلك يا صباح .

قالت لى أم العيال ما فيه فى بيتنا عيش ..
و لا لقمة يابو العيال و الصنف منه مفيش ...
المخبز اللى جنبنا زحمة عليه بالضرب ..
قاومت و وصلت للشباك : عشرة يا عم عليش .

أخدتهم و مشيت كأنى نابليون ..
مزهو كإنى قد لقيت بليون ...
و قلت يكفى ا لنهارده بهدله يا ناس ..
كفاية اللى شفته من فاضل و من ملعون .

و دخلت أريّح م اللى لقيته يا هوه ..
تليفون ضرب , دى أبلة ا لـ (كى جى تو( ..
ابنك ضعيف فى اللعب و المراجيح ...
درسين خصوصى يا عمنا يقوه .

قلت أخرج و أطفش , و لاّ أ صير مجنون ..
قابلتنى ع الباب فاتورة ا لتليفون ...
نهاركم اسود !!! كل دى فاتورة ؟!!
ادفع يا سيد ما عليك ... دى ديون .

و ان ما دفعتش راح تعملولى إيه ؟
قطع الحرارة يا محترم , انت فاكرها إيه !!!
قلت أنا ما دفعشى و ينعل أبوكو كمان .
عملولى محضر و رحت ع الكراكون.

انت يا عمى ياللى انتحرت امبارح ..
طعمه إيه الانتحار ؟ قول يا صديقى و صارح ..
زهقت انا من عيشتى اللى ما ليها طعم ...
يا رب هـّون علـّى يا إلهى و سامح

إعـــــــلان

الابنودى فارس العاميه المصريه

الابنودى فارس العاميه المصريه

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك