تويت
مسحراتي يامصراوية
ف مصر تسري روحي.. بروية
مسحراتي يامصراوية
يدق قلبي تسمعني هية
أبويا مدي البشر هدية
وجدي مدي الحنان هوية
وفوق سطوحي للحب غية
يطير ويرجع يلاقيني طاير
وحبيبتي واقفة ف المشربية
مسحراتي طيب وراضي
نور الملايكة ملو الأراضي
ملايكة حاضرة
وطايـرة بيــــنا
صلوا معانا علي نبينا
يارب وانت علام غيوب
أنا نفسي اتوب
ونويت أصوم لك
صيام مُطهّر من الذنوب
مسحراتي..
مسلم.. مسيحي
هاقول يادنيا هاتستريحي
لو تقري إيه اللي جه فـ « صحيحي»
تلقي التراحم بين النفوس
رمضان بلدنا
فانوس بمادنة
وعندي صاحب اسمه فانوس
جاري وشقيقي.. إنسان حقيقي
زاح عن طريقي.. حِمل الكابوس
وديني قاللي.. ماهوش تخلي
انك تخلي.. الجميع يصلي
لاتقول دا بوذي.. أو م المجوس
خليك ف دينك
الله يعينك
علي الفتاوي.. وعلي اللصوص
مش كل عِمة.. علي راس أئمة
ولا أي ذمة.. تدي الدروس
مسحراتي..
باحب مريم.. واحب حنا
وعم بطرس.. صاحبي ف جنة
ربك خالقها..
ويبل ريقها
بنيل نجاشي
ف الأرض ماشي
مسحراتي..
رمضان ناداني
والقلب لبّي
تعالي واشرب
من المحبة
والبركة تملا جامع ودير
وكل ثانية واحنا بخير
بدايته رؤية ونهايته رؤية
يادنيا.. صحرا..
رمضاني.. ساقية..
تروينا جمعا بشروطير
وكل ثانية واحنا بخير
ف مصر تسري روحي.. بروية
مسحراتي يامصراوية
يدق قلبي تسمعني هية
أبويا مدي البشر هدية
وجدي مدي الحنان هوية
وفوق سطوحي للحب غية
يطير ويرجع يلاقيني طاير
وحبيبتي واقفة ف المشربية
مسحراتي طيب وراضي
نور الملايكة ملو الأراضي
ملايكة حاضرة
وطايـرة بيــــنا
صلوا معانا علي نبينا
يارب وانت علام غيوب
أنا نفسي اتوب
ونويت أصوم لك
صيام مُطهّر من الذنوب
مسحراتي..
مسلم.. مسيحي
هاقول يادنيا هاتستريحي
لو تقري إيه اللي جه فـ « صحيحي»
تلقي التراحم بين النفوس
رمضان بلدنا
فانوس بمادنة
وعندي صاحب اسمه فانوس
جاري وشقيقي.. إنسان حقيقي
زاح عن طريقي.. حِمل الكابوس
وديني قاللي.. ماهوش تخلي
انك تخلي.. الجميع يصلي
لاتقول دا بوذي.. أو م المجوس
خليك ف دينك
الله يعينك
علي الفتاوي.. وعلي اللصوص
مش كل عِمة.. علي راس أئمة
ولا أي ذمة.. تدي الدروس
مسحراتي..
باحب مريم.. واحب حنا
وعم بطرس.. صاحبي ف جنة
ربك خالقها..
ويبل ريقها
بنيل نجاشي
ف الأرض ماشي
مسحراتي..
رمضان ناداني
والقلب لبّي
تعالي واشرب
من المحبة
والبركة تملا جامع ودير
وكل ثانية واحنا بخير
بدايته رؤية ونهايته رؤية
يادنيا.. صحرا..
رمضاني.. ساقية..
تروينا جمعا بشروطير
وكل ثانية واحنا بخير
تعليق