إعـــــــلان

**هند** **هند** · 06-15-2014, 08:44 PM

هههههههه
دعاء الرحمه خايفه على البيبسي والبيض
لو تابعتى باقى التجارب
هتلاقى حاجات مش محتاجه تضحيه غير بشويه ميه ههههههه
هتضحى بيها ولا هتخافى عليها هى كمان هههههه

**هند** **هند** · 06-15-2014, 08:53 PM

التجربه رقم 38

مكعبات بيكربونات الصودا الثلجيه

تجارب الخل مع بيكربونات الصوديوم متعدده
تحمل نفس الفكره ولكن بطرق تنفيذ مختلفه
اخترت منها اليوم
مكعبات بيكربونات الصوديوم

الادوات

كميه من بيكربونات الصوديوم
كميه من الخل
الوان طعام (وهى اختياريه يمكن الاستغناء عنها)
ماء
قوالب مكعبات الثلج
طبق كبير

الخطوات

نخلط كميه كبيره من البيكربونات مع الماء
ونقسمهم فى قوالب الثلج
نضيف نقطه من الوان الطعام لكل قالب
ان رغبنا فى استعمال الالوان

نترك المكعبات فى الفريز عدة ساعات حتى تتجمد

نخرج المكعبات من القوالب ونتركها تذوب قليلا

نضع كميه من الخل فى الطبق
ونضع فوقها مكعبات البيكربونات الثلجيه
ونستمتع برؤيه التفاعل و سماع صوت الفوران

القاعده العلميه

بيكربونات الصوديوم ماده قلويه
الخل ماده حمضيه
عند تفاعلهم معا تنتج ماده ليست حمضيه ولا قلويه
تسمى ماده متعادله
وينتج عن التفاعل تصاعد غاز ثانى اكسيد الكربون
و هو ما يسبب حدوث الفوران
وتجميد مكعبات البيكربونات يؤخر بدأ التفاعل قليلا
ولكنه يجعل التفاعل مسلى ويستحق المشاهده

الى اللقاء فى تجربه جديده

**هالة** **هالة** · 06-16-2014, 07:17 AM

عود حميد لمعمل التجارب المنزلية
تجربة ظريفة تجلب السعادة للاطفال
وتثبت عندهم الحقيقة العلمية
ان حمض + قلوي يعطي
غاز + ملح الحمض
تسلمي هنودة الحلوة
جزاكِ الله كل خير
حبيبة قلبي

**هند** **هند** · 06-16-2014, 07:30 PM

عود حميد لمعمل التجارب المنزلية

مين عبدالحميد ده حد معانا فى المنتدى
ههههههههه
هاله حبيبتى
شكرا لترحيبك
وفى انتظار اضافاتك الجميله للموضوع

**هند** **هند** · 06-16-2014, 07:40 PM

التجربه رقم 39

قوة ضغط الهواء

يمكن للطفل مفاجأة اصدقاؤه بهذه التجربه
على انها خدعه سحريه
الادوات

زجاجه بلاستيك صغيره
عمله معدنيه
منديل ورقى

الخطوات

نضع الزجاجه الفارغه فى الفريزر لمدة ساعه

نقطع من المنديل الورقى قطعه مربعه
ونضعها فوق العمله

ثم نبلل المنديل بالماء

بدون ان نخرج الزجاجه من الفريزر
نضع فوقها المنديل والعمله بحيث يكون
المنديل اسفل العمله ويغلق فتحة الزجاجه تماما

نتركها فى الفريزر لمدة نصف ساعه اخرى

نخرجا من الفريزر ونمسك الزجاجه بكلتا يدينا
وننتظر فتره بسيطه

ونشاهد المفاجأه
وهى اندفاع العمله فجأه بعيدا عن فوهة الزجاجه

السبب العلمى

الزجاجه التى تبدو فارغه هى فى الحقيقه مليئه بالهواء
والهواء عباره عن خليط من غازات الاكسجين
والنيتروجين وثانى اكسيد الكربون
والغازات تنكمش ويقل حجمها بالتبريد
وعند وضع الزجاجه فى الفريزر انكمش الهواء داخلها
ولاننا اغلقنا فتحة الزجاجه بالمنديل والعمله
لم يستطع الهواء ان يدخل ويملأ
الفراغ الذى حدث بسبب انكماش الهواء فى الزجاجه
فأصبح الضغط فى الزجاجه منخفض
وعندما نمسك الزجاجه بأيدينا تكتسب منها حراره
تجعل الهواء يتمدد مره اخرى
فيزيد الضغط داخل الزجاجه
وتدفع قوة الضغط العمله بعيدا عن سطح الفوهه

الى اللقاء فى تجربه جديده

**جيداء** **جيداء** · 06-17-2014, 06:57 AM

مجهود رائع وافاده جميله
شكرا لك هند
بارك الله فيكِ

**هند** **هند** · 06-30-2014, 03:38 PM

شكرا لك جيداء
على المرور الجميل

**هند** **هند** · 06-30-2014, 03:46 PM

التجربه رقم 40

العمله النحاسيه اللامعه

الادوات

عملات معدنيه نحاسيه
خل
ملح

الخطوات

ضع قليلا من الملح فى طبق
صب عليه بعض الخل وحركهم حتى يذوب الملح
احضر عمله معدنيه قديمه واغمس نصفها فى المحلول لمده ثوانى
اخرج العمله وقارن بين النصفين

تجد ان النصف الذى نزل فى الخل اصبح اكثر لمعانا
اترك العمله كلها فى الخل عدة دقائق

ثم اخرجها وقارن بينها وبين العملات القديمه
تجدها نظيفه لامعه براقه
بينما العملات القديمه مغطاه بطبقه داكنه غير لامعه

واذا تركنا عملتنا اللامعه عدة ايام تعود لشكلها الداكن القديم

السبب العلمى

عند تعرض النحاس للهواء يتفاعل مع الاكسجين
ويكون ماده داكنه هى اكسيد النحاس
تغطى السطح المعرض للهواء من العمله
يتفاعل الخل مع الملح مكونا حمض قوى
عندما تتعرض له العمله
يتفاعل مع اكسيد النحاس ويزيله
وتعود طبقه النحاس الجميله اللامعه
واذا تعرضت العمله للهواء
بعد فتره يعود اكسد النحاس للتكون مره اخرى

الى اللقاء فى تجربه جديده

**احمد شريف** **احمد شريف** · 07-08-2014, 10:32 PM

موضوعك اكتر من رائع
في تجارب رائعه
موضوعك للكبار قبل الصغار
انا بحيكي علي جهدك الرائع المبذول
في الموضوع من اوله لاخره
معلش بقي بقالي شهور معاكم
في المنتدى واول مره ادخل موضوعك المميز ده
سامحني بقي وانا جبت لحضرتك
بوكيه ورد
مش معقول اول دخول ليا
وتبقي ايدي فاضيه
شكرا لك ولموضوعاتك

**هند** **هند** · 07-09-2014, 06:02 AM

اهلا بك احمد
نورت موضوعى بزيارتك الجميله
و الف شكر على باقه الورد الجميله
كلك ذوق

**هند** **هند** · 07-09-2014, 06:19 AM

التجربه رقم 41

فقاعات قوس قزح

الادوات

زجاجه بلاستيك شفافه
صابون سائل
ماء

الطريقه

نملأ اكثر من منتصف الزجاجه بالماء

نضع عليه كميه من الصابون السائل

نرج قليلا ثم نفرغ الزجاجه من الماء

نجد ان الزجاجه امتلأت بالفقاعات
نقترب بالزجاجه من اى شباك فى وجود ضوء الشمس

نجد ان الفقاعات تتلون بألوان الطيف

وانك حصلت على فقاعات بألوان قوس قزح
محبوسه داخل الزجاجه

القاعده العلميه

الضوء الابيض يتكون من عده الوان
نستطيع ان نراها اذا تحلل الضوء
ففاعات الصابون تعمل على تشتيت الضوء وتحليله وانعكاسه
فتظهر مكوناته على جدار الفقاعه وهى
اللون الأحمر من الخارج ويتدرج إلى البرتقالي فالأصفر
فالأخضر فالأزرق فأزرق غامق (نيلي) فبنفسجي من الداخل

وهو ما يحدث عند تكون قوس قزح فى السماء بعد المطر
حيث تعمل قطرات الماء الصغيره
المعلقه فى الجو على تحليل ضوء الشمس لعناصره الاساسيه
فيظهر قوس قزح فى السماء

الى اللقاء فى تجربه جديده

**نااانو** **نااانو** · 07-09-2014, 01:48 PM

ربنا يبارك لكِ فى علمك
و مجهودك الرائع
الذى تمدينا به هذه التجارب
و المعلومات العلمية شكرا لكِ

**هالة** **هالة** · 07-11-2014, 10:14 AM

تسلم الايادي يا جميلة
ربنا يبارك في علمك و عملك
هنودة الحلوة جزاكِ الله كل خير

**هند** **هند** · 07-16-2014, 03:27 PM

نانو حبيبتى نورتينى
اشكرك على الدعم و التشجيع

**هند** **هند** · 07-16-2014, 03:29 PM

هاله حبيبتى تسلمى على الزياره الجميله
و منتظره ما هو اكثر من الزياره هههههه

إعـــــــلان

تجارب علمية منزلية اطفال الجزء الثانى

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك