إعـــــــلان

**هند** **هند** · 04-26-2015, 06:27 AM

هاله حبيبتى
هلا و غلا
لقيت كريم بيسأل ازاى الدى ان ايه شكله زى السلم
وازاى ملفوف
ففرحت لما لقيت الشكل التوضيحى البسيط ده
يارب حد يستفيد منه فعلا
نورتى يا قمر
شكرا لك

**هند** **هند** · 04-26-2015, 06:29 AM

نانو حبيبتى
ضيفتى الدائمه واحيانا مشجعتى الوحيده
هههههههههه
ربنا يخليكى ليا يا قمر
الف شكر

**هند** **هند** · 04-26-2015, 06:32 AM

منور يا هندزه
بينى وبينك مره لقيت تجربه لها علاقه بالرياضيات
بس قلت كفايه عليهم علوم احسن هيكرهونى بعد كده ههههههه
نورتينى يا امانى
شكرا لك

**هند** **هند** · 04-26-2015, 06:57 AM

تجربه رقم 65

تلوين البيض بالكرنب الاحمر

فى تجربه الكرنب الاحمر السابقه
(تجربه رقم 17 )
ذكرنا ان الكرنب الاحمر مثال لمواد تسمى الكواشف
وهى مواد يتأثر لونها بالتفاعل مع الاحماض والقلويات
وهذه التجربه تطبيق لهذا المفهوم
باستخدام بيض شم النسيم

الادوات و الخامات

بيض
كرنب احمر
ليمون
بكنج بودر
اناء لسلق البيض
فرشاه صغيرة او خلة اسنان

الخطوات

يوضع البيض مع ورق الكرنب والماء فى الاناء ويرفع على النار
حتى يسلق البيض

1

يترك البيض حتى يبرد فى ماء السلق عدة ساعات
ويستحسن ان يترك فيه لليوم التالى
ونخرجه من الماء
نجد انه تلون بهذا الشكل

نتركه يجف

ثم نوزع عليه بالفرشاه او خلة الاسنان
قطرات من الليمون فى اماكن مختلفه
ونشاهد تحوله الى اللون الاحمر

او نوزع قطرات من محلول البكنج بودر
فيتحول اللون الى الازرق المخضر

فنحصل على بيض ملون بطريقه طبيعيه وعلميه جميله

الى اللقاء فى تجربه جديده

**SaMaR_ BakR** **SaMaR_ BakR** · 04-26-2015, 01:21 PM

فى شم النسيم لونت البيض
بقشر البصل والبنجر وورق الخس
عمل لون حلو بس خفيف شوية
واضح أنى كان لازم اعرف انى ابيته فى الميا الملونه طبيعيا
السنة الجاية ان شاءلله

تسلمى يا هنودة
عجبنى اوى تشكيل ال دى ان ايه
فكرته حلوة وتعتبر وسيلة تعليميه موضحه رائعة
شكرا لك

**aya edress** **aya edress** · 05-03-2015, 09:07 PM

تجربه جميله جدا

**هالة** **هالة** · 05-04-2015, 07:34 AM

طبعا بيض شم النسيم وتلوينه
ده طقس خاص جدا
ومن المهم ان الالوان تكون صحية
لان اللون بيتسرب من خلال القشرة
للبيضة نفسها
تسلمي هنودة الحلوة
ربنا يجازيكي كل خير
حبيبة قلبي
لبحثك الدائم عن كل مفيد
دمتِ بكل خير

**هند** **هند** · 05-05-2015, 09:47 PM

كل شم نسيم وانت طيبه يا سموره
سبقتينى بتجربة قشر البصل
هى التجربه الجايه ان شاء الله
نورتينى يا قمر
شكرا لك

**هند** **هند** · 05-05-2015, 09:49 PM

اهلا بك ايه
نورتى المنتدى
ونورت موضوع التجارب
شكرا لك

**هند** **هند** · 05-05-2015, 09:52 PM

اهلا بك هاله حبيبتى
اكيد طبعا مهم جدا تكون الالوان طبيعيه
عشان تكون صحيه
كل شم نسيم وانتى طيبه يا قمر

**هند** **هند** · 05-05-2015, 09:57 PM

التجربه رقم 66

تلوين قشر البيض بألوان طبيعيه

تجربه مكمله للتجربه السابقه

نسلق البيض مع قشور البصل ونتركه فى ماء السلق
عدة ساعات

و نجرب ايضا بنفس الطريقه
القهوه او الشاى او الحلبه
الكركم او مسحوق الفلفل الاحمر او ورق الخس

عندما نقشر البيض
قد نجد ان البياض تلون بنفس اللون
ولانها الوان طبيعيه فيمكن ان نأكل البيضه بأمان

يمكن عمل بعض الرسومات بالوان الشمع على البيضه
وعند غمرها فى الماء الملون
تتلون كل القشره ما عدا الاجزاء المحميه بطبقة الالوان الشمع
فنحصل على لوحات فنيه مختلفه على البيض

نتعلم من هذه التجربه
ان قشرة البيض مساميه
وكلمة مساميه تعنى ان بها ثقوب صغيره جدا
لا نراها بالعين ولكنها سمحت بنفاذ اللون
من خارج البيضه الى داخلها

و استخدام الوان الشمع على القشره تسد هذه المسام
وتمنع تلون قشرة البيض اسفلها باللون المطلوب

وان بعض النباتات تحتوى على اصباغ ملونه
يمكن استخراجها منها
واستخدامها فى تلوين مواد غذائيه اخرى
وان مواد التلوين الطبيعيه امنه وصحيه

الى اللقاء فى تجربه جديده

**أم البنين** **أم البنين** · 05-20-2015, 06:29 PM

ما شاء الله كل تجربه اجمل من اختها
بدأت العطله الصيفيه وسأبدأ بالتطبيق
شكرا لك هنود

**Amany Ezzat** **Amany Ezzat** · 05-21-2015, 08:51 PM

ألوان طبيعية و صحية
لكن الاولاد فعلا بيحبوا
يرسموا بنفسهم على البيض
ان شاء الله نجرب الوان الشمع
شكرا عل المعلومات القيمة

**هند** **هند** · 08-24-2015, 07:46 PM

اهلا بك ام البنين
نورتى الموضوع
ارجو ان تستمتعى بالتجارب مع اولادك ان شاء الله
شكرا لك

**هند** **هند** · 08-24-2015, 07:48 PM

اهلا وسهلا امانى
نورتى الموضوع
شكرا لك

إعـــــــلان

تجارب علمية منزلية اطفال الجزء الرابع

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك