إعـــــــلان

**امل نيازى** **امل نيازى** · 01-23-2013, 05:44 PM

س6- اذكرى لنا موضوع من موضوعاتك المفضل لديك؟

كل الموضوعات محل اهتمام ومتابعه اكيد
وبالذات اى من موضوعات الاشغال اليدويه
يعلمنى فكره جديده اتابعه مرات واحاول
تنفيذ الفكره حسب وقتى
اما موضوعات منتدى الفنانين فلها
اهتمام خاص وباخصص لها وقت يوميا لمتابعتها
لانى كنت اتمنى ادرس فنون جميله
اقولك على سر انا بحب موضوعات الانيمى
والرسوم المتحركه توم وجيرى جداااااا
ورسمت شخصيات كارتونيه اكثرها ميكى

س7- هل هناك موضوع تمنيتى ان تقدميه ثم تفاجأتى
ان قدمه غيرك واعجبك تقديمه له؟

كلنا هنا واحد كل ما حد فينا يفكر فى موضوع
يستشيرالتانى وممكن يفضله على نفسه
انه هو اللى يقدمه
علشان الهدف واضح لنا كلنا
بنشتغل الكل فى واحد للكل

س8- ما هى الموضوعات التى تتمنى ان تكون مثبته
وتستحق التثبيت وفى اى المنتديات هذه الموضوعات؟

اى موضوع له صدى نفعى جمالى يبحث عنه
المتلقى بنهم يستحق التثبيت
واخص بالذات المنتديات المتخصصه

س9- اختارى لنا وصفة تحبى تعديها دائما لاسرتك

الحواوشى الاسكندرانى

واغنية تستمتعى بسماعها وقت صفاء الذهن

مين صفاء الذهن ده هههههههههههه
لما احب اهرب من لحظات توتر
بلاقى دايما اغنيه
محمد فوزى على بالى (مال القمر )
ولون تشبهى نفسك به

الابيض والبنفسجى احب الالوان الى نفسى

س10- لو كان بيدك ومن صلاحياتك
اعطاء الاشراف لاحد الاعضاءفما صفاته
التى تجعلك تفكرين فيه لاعطائه الاشراف ؟

اولا الحكم على الغير بالصلاحيه مسئوليه
لازم اكون اهل لها
لكن اذا سُئِلت عن راى
فى اختيار احد الاعضاء للاشراف
من خلال تعلُمى كل جميل فى منتدانا
اقولك ضرورى جدا
الامانه والولاء والتفاعل بموضوعات حصريه
يتميز بها منتدانا عن غيره
والحرص على تنسيق الموضوعات فى اجمل صوره
واكيد طبعا اتباع قوانين المنتدى
بعدم وضع روابط لمواقع اخرى

**امل نيازى** **امل نيازى** · 01-23-2013, 07:07 PM

س11- تحبى تقولى ايه لكل من
1-صاحب حرفة يبخل فى تعليمها للناس

لاتبخل بما اعطاك الله من نعم
خيركم من تعلم العلم وعلمه

2-عضو يصر على وضع روابط لمواقع اخرى
فى منتدانارغم التنبيه وموافقته على شروط التسجيل

نسى وغلط مره واتنين ماشى بس بعد كده
شكرا لذوقك وسعداء جدا بعدم تواجدك

3- صاحب منتديات ألهندسة الصناعية

شكرا استاذنا على كل فكره جميله
ومجهود رائع للرقى بمنتدانا
شكراعلى ثقتك الغاليه وكل جميل اتعلمته منك
ويارب دايما منتدانا فى تقدم وتطور مستمر
بفضل الله وادارتك الحكيمه والديمقراطيه

وتاكيد وعد ببذل الجهد والوقت
للمحافظه على اجمل منتدى
اجمل الدعوات لك بالخير والصحه ودايما منور منتدانا

4- زهرة الكاميليا
بحبك جدا ياام قلبى الجميله
يارب يطمن قلبك بكل الخير
وتنورينا دايما برقى فكرك وذوقك

س12- لو اتيحت لك الفرصة فى منتدى اجنبى
يعرض منتجاتك وتنتشر عالميا بمقابل مادى رمزى
بشرط ترك الاشراف فى ألهندسة الصناعية هل توافقين ؟

ههههههههه انا ماحدش يملى شروطه على
الا اللى باحبهم بس
اطلاقا مافكرت للحظه فى اى عرض
جوابى دائما لا

س13- اعرفك صريحة واضحة فلا مجال
هنا للمجاملة ضعى كلماتك مكان النقط

اعشق الاشغال الفنية لانها
ملاذى الوحيد من التوتر واتعلمتها بنفسى
بس بدايتى كانت بتشجيع من احدى صديقاتى
جزاها الله كل خير

اشتركت فى ألهندسة الصناعية للاسباب الاتيه

اولا ذوق استاذنا فى دعوتى للاشتراك فى ألهندسة الصناعية
وصبره على لانى فى اول انضمامى للمنتدى
كنت عضو غير نشيط
ما انا على كرسى الاعتراف
لازم اعترف بسبب التقصيرفى الاول كانت امكانيه
تواجدى على النت فترات قصيره لاسباب حياتيه متواليه
تمسكت جدا بالاستمرار بالمنتدى برغم ظروف يعلمها الله
ولازلت
والسبب الاهم فكر المنتدى الراقى
مختلف عن اى منتدى تابعته
منتدى منظم يخاطب كل الاذواق من كل الفنون
وعن طيب خاطر يقدم الافاده بتعليم كافه الفنون
والاشغال اليدويه الجميله
فى تطور مستمر لا يكل محبيه والقائمين عليه
باى مجهود او فكر للرقى به
يرحب بكل من يطرق بابه
للسؤال والمشاركه بكل جميل ومفيد
ومايستجد من كل جميل
سبب فى الانضمام والاستمرار فى منتدانا

مطبخ ألهندسة الصناعية ينقصه
بصراحه يامنى كل اللى فى نفسنا
ويخطر على بالنا نلاقيه فى مطبخك العامر
بس ممكن نطمع
فى بعض الاكلات الصحيه جدا
على نظام (الميكروبايوتيك )

الكروشيه فن جميل لانه

مجال الابداع فيه كبير وافكار كثيره ممكن تتنفذ
بالكروشيه (بس الوقت )

اهم اسباب نجاح ادارة ألهندسة الصناعية
الاجتماع على هدف والايمان به
وسعى الكل بقلب واحد على تحقيقه
بالود الخالص وانكار الذات والعطاء لوجه الله

اداره حكيمه واعيه ومتابعه لكل جديد
لتطوير المنتدى الى الارقى عالميا وعربيا
متمثله فى قائد مسيره الفن الجميل والعطاء
استاذنا الغالى محمد ورد

س14- هل فكرتى فى كتابة خواطرك
اعرف انك تحبين الشعر وتجيدين الكتابة؟

كتبت بعض من خواطرى المتواضعه
واى جديد باقوله شفوى وانساه
لانى احبطت جدا من راى شخصيه عزيزه على
وقليل جدا حسب الوقت اقرا بعض الاشعار

س15- مرت على ألهندسة الصناعية لحظات عصيبة
ولحظات مفرحة
ما هى اسعد لحظات ألهندسة الصناعية وما هى اصعبها؟

اصعب لحظه كانت محاوله للسيطره على المنتدى
من قبل لصوص النت وبفضل الله وجهود استاذنا
سيطر ببراعه على الموقف
ورجع لنا منتدانا ينور حياتنا

اما اسعد لحظات
فى اى تقدم لمنتدانا سواء محليا او عالميا
واى تقدير يحظى به منتدانا برسائل
الشكر والتقديرعلى رقى الفكر
وجمال التقديم لكل نافع ومفيد
كلمه شكرا لكم ولجهودكم من اى عضو
انتفع بمعلومه اوتعلم حرفه

س16- عرفينا بشخصية مبدعه بالاجابه بنعم او لا :

هل انتى خجولة اى نعم

هل تستخدمين الكذب الابيض
ضرورى للتوفيق بين وجهات النظر
لجبهات الرفض اللى عندى فى البيت

هل لديك القدرة على مصارحة من يخطئ فى حقك لا
هل ندمتى يوما على فعل الخير ابدا
هل تمنيتى ان يعود بيك الزمن لتغيرى مسار حياتك

ايوه يامنى ياريت يعود الزمن
كنت غيرت مجرى التاريخ خااالص
هههههههههه الحمد لله على كل حال

تصيبك لحظات اكتئاب وانطواء
ام انك اجتماعية انطوائك داخلك

اجتماعيه وانطوائى داخلى

معلشى امولتى طولت عليك
ابدا يامنى
الكرسى مريح جدا
بس انتى عارفة بحبك والله ومش عاوزة اللقاء ينتهى
وانا باحبك جدا والله اعلم
حوارك ممتع يا منى
اسعدتينى حبيبتى باستضافتك الجميله
واسعدنى لقائكم اهلى واحبابى فى وردنا الغالى
اتمنى ان يحظى وجودى بينكم دائما بالقبول
دمتم جميعا بكل الخير والسعاده

**هالة** **هالة** · 01-23-2013, 11:33 PM

هي دي الحبيبة
مبدعة
اليد الحانية التي تربت على قلب غيرها
مبدعتي جارتي وحبيبتي
وصاحبة العمر الجميلة
ده جزء من من مبدعة
لكن فيه كثير وكثير
مستخبي بين حروفها الجميلة
عرفتوها حروف ويمكن صوت
لكن انا عرفتها قلب ابيض
بلون الحليب مع حب كبير
تسلموا حبيباتي
مبدعتي
اسعدني مروري بنبض حروفك
والجميلة الحبوبة
منى
سعدتم برضا الله

**safynaz** **safynaz** · 01-24-2013, 01:41 PM

مبدعة
عندما رايت انه تم استدعاءك اول امس سعدت جدا
خصوصا انى كنت من اول المرشحين لاستدعاءك
عندها امسكت بورقة وقلم فى لحظتها وكتبت لك مشاركة
دون ان تجلسى على الكرسى وقد حاولت ان اسجلها
وانا بقولك :
مبدعة مش مستنيه اسمع اعترافاتك هذه مشاركتى لك
وكتبت لك سؤال ترى كم فى المائه اصابت صافى فى
معرفتك
ولكن المرة الاولى فصل منى الجهاز والثانية ترددت
فمسحتها خوفا من اؤثر عليك فى الاجابه فى ناحية ان
اشغلك
عن النواحى التى اردتى ان تتحدثى عنها
ولكن الان سوف اضعها كما هى لانها لم يتغير فيها
حرف واحد
الجديد الذى طرا عليها فقط سوف اغير
لون الكلام فيه ماشى

مبدعة
**انت انسانه تحترمين نفسك مهما كلفك ذلك الاستغناء
عن اشياء
**انت تعيشين فى عالم الالام وحدك لاتشركى فيه احد
ومع ابساماتك لاتبالغى فيها حتى لاتلاحظى عند الامك
من قبل الاخرين
**لديك احلام كلها مؤجله لكنك تملكين ادوات تحقيقها كلها
**الادب والرقى منهجك وقد اصبح جزء اساسى من شخصيتك
**سالت منى الاعضاء ماذا لايعجبهم فى المنتدى والمراقيبن
ماذا يتمنوا فى تقديمة للمنتدى
اما انت فصافى اعفتك من الاجابه على السؤالين
لااعرف لماذا......... حقيقة لا اعرف حتى فى
اجاباتك عنهم
لم اقف عندهم كثيراولم اعيد قراءتهم ولم ارجع للكلمات
التى فاتتنى نظرا للقراءة السريعة لهم
لعله الاهتمام بشخصيتك اكثر او لعلنى
فهمتك وحبيتك اوى او لعلنى اردت ان ابعدك
عن منطقة الالغام
لااعرف لعله السبب الاخير الاقرب الى نفسى
هذا ماكتبته لك قبل كتابة اعترافاتك ولم
اعد محتاجة الى معرفة النسبة المئوية فى اصابتى
بمعرفة شخصك فانتى ترين انها وافقتك كثيرا
والان اتى الى الجديد فى مشاركتك الذى طرأ
على بعد القراءة:-

**safynaz** **safynaz** · 01-24-2013, 02:14 PM

كل ده غزل يامنى

ايوه صحيح كل ده غزل يامنى المفروض يبقى
كل ده وده وده وده وده

امولة حبيبتىياترى لو بعتتلك منتديات وردللفنون
تذكرة سفر تحبى تروحى فين رحلة لمدة شهر استجمام
كلمينا عن الرحلة ومنتصطحبى معك ؟

مبدعة لو قلت لك ان بعد تنازلك عن التذكرة تقدمت انا بطلب
للحصول عليها
هاتقولى عليا ايه من التلاته غير مسموح برد رابع
1- كده برضه ياصافى ماكانش العشم
2- حقك حبيبتى انت تعبتى الفترة اللى فاتت ومن حقك تستريحى
3-اذكرينى

ورسمت شخصيات كارتونيه اكثرها ميكى
لو قلت لك امنيتى اشوف واحدة منهم ترضى ؟؟؟؟؟؟؟

مين صفاء الذهن دههههههههههههه
انا عارفة منى بجيب الكلمات ده منين صحيح
سكر يامبدعة
لانى احبطت جدا من راى شخصيه عزيزه على
بعد مااحبطتك الشخصية لازلتى تقولين عنها عزيزة
ولماذا التوقف واين اراء الباقين الا يهمك راى الاخرين
ادينا فرصة يمكن نصلح الاحباط او نؤكد على راى
الشخصية العزيزة هذه ويخف الجرح .....
لاتحرمينا ..........
ايوه يامنى ياريت يعودالزمن
على فكرة مش مهم يعود الزمن خذى قرار دلوقتى حالا وغيرى
ماتحبى تغييره ممكن مافيش مستحيل قرات مرة عن شخص
كان يعمل مدرس ولما بلغ بضع وخمسون دخل على تلاميذه
الفصل ونظر للشباك وسرح ثم اغلق كشكول المحاضرة
وتركهم مسرعا لبدئ طريق عمل ماكان يحب عمله من البدايه
ابحث عنه وان وجدته ابعته لك
وبعدها اصبح فنان مشهور جدا فى مجال مااحب فى فترة بسيطة
اجتماعيه وانطوائى داخلى
هذا مالمسته فيكى
شكرا مبدعة اسعدنى كثيرا حبك لمحمد فوزى فهو مطربى
المفضل وكذا اسعدنى حبك للون البنفسجى فهو لونى ومحور حياتى
احببتك ولا زلت وساظل
لااصدق حتى الان اننى اقتربت منك اكثر واكثر
كنتى تعانقين ركنك المفضل فلا تعودى له وانطلقى
انطلاقتك
لها رونق وقيمة وحلاوة نتذوقها و..............
.وتخلق ارتباط بالمكان اكثر ومتجدد

السلام عليك اينما كنتى وتكونى ايمى

**نااانو** **نااانو** · 01-24-2013, 04:05 PM

حبيباتى الغاليات
مراقبات عموم ألهندسة الصناعية
رائع هو كلامكن
واضح وصريح جميل ومريح للنفس
مع لولو ومع امولة
طبعا لولو رايتها كثيرا وعرفتها عن قرب
ضحوكة حبوبة مرحة
لكن امولة لم اراها ولكنى عرفتها كما هى
انسانة خلوقة حبوبة طيوبة لاقصى درجة
وهذا مالمسته فيك من ردودك كما عرفتكِ من كلامنا
لا اختلاف
ردودك رائعة بروعه قلبك الطيب
واضحة بوضوحك تعاملاتك
اسعدنى الغوص داخلك
لاتأكد اننى عرفتك كما انتى
من صوتك العذب الهادئ المريح
والشكر كل الشكر لاعظم واحب محاورة
لاخراج مابداخل الضيف بهذه الاسئلة المركز
لنتعرف عن قرب
من هى هالة
ومن هى امل
شكرا شكرا شكرا

**امل نيازى** **امل نيازى** · 01-24-2013, 05:32 PM

هاله
لكن انا عرفتها قلب ابيض
بلون الحليب مع حب كبير

تسلمى لى ياحبيبتى
ويسلم لى قلبك الجميل
ربنا من علىَّ بكِ اخت
نعم الاخت الحبيبه والصديقه
يارب يسعد قلبك بكل الخير ويفرحك باحبابك

**امل نيازى** **امل نيازى** · 01-24-2013, 06:03 PM

صافى
مبدعة لو قلت لك ان بعد تنازلك عن التذكرة تقدمت انا بطلب
للحصول عليها
هاتقولى عليا ايه من التلاته

صافى
هاقولك حقك حبيبتى انت تعبتى ودايما بتتعبى معانا
ويسعدنا دايما نكون بصحبتك
اما لو انك عايزه تستجمى لوحدك.... مش هازعل

ورسمت شخصيات كارتونيه اكثرها ميكى
لو قلت لك امنيتى اشوف واحدة منهم ترضى ؟؟؟؟؟؟؟
من عيونى حبيبتى البى لك امنيتك
بس الاقى اى رسمه منهم
لانى للاسف وللظروف فقدت منهم الكثير

اسعدتينى ياصافى بتشجيعك على الكتابه
وتحفيزك لى باتخدا القرار للتغيير
احاول ان شاء الله

احببتك ولا زلت وساظل
احببتك ولازلت وساظل
احبَكِ الذى احببتنى فيه تسلمى حبيبتى دايما بكل خير
اسعدنى تواصلك الجميل واتمنى على الله ان اسعد بلقائك
شكرا لذوقك حبيبتى

**امل نيازى** **امل نيازى** · 01-24-2013, 06:34 PM

نااانو
طبعا لولو رايتها كثيرا وعرفتها عن قرب
ضحوكة حبوبة مرحة
تمام زى ماوصفتِ واخت وصديقه جميله
قلبا وقالبا
تعايشت معها مواقف كثيره
هى فعلا هاله حب وخير و نور
لقلب اللى يعرفها كل الهنا والسرور

لكن امولة لم اراها ولكنى عرفتها كما هى
انسانة خلوقة حبوبة طيوبة لاقصى درجة
وانتى حبيبتى رغم اننا لم نتقابل
فقد اسعدنى زمانى باخت رائعه مثلك
كل الشكر لكم جميعا اهل واحباب ورد
وشكرى وتقديرى لمحورتنا الجميله منى سامى
شفاها الله وردها الينا بالسلامه
دمتم جميعا بكل خير

**منى سامى** **منى سامى** · 02-11-2013, 04:47 PM

اقول انا ايه بقى فى معزوفه الحب الراقية دى
اقول بموت فيكم يا اجمل صحبة ورد
يا معطرين حياتى واجمل هدية من العاطى
ربنا يسعد قلوبكم دايما ويسعدنى بلقاكم

فعلا اجمل معزوفة حب فى الله
عوزة اسألكم سؤال محيرنى
احنا ليه مش بنغير من بعض زى كل الستات؟؟
ايه الفرق اللى مابينا ولا الميزة اللى بتميزنا
اكيد الحب فى الله هو اللى مالى قلوبنا
ربنا يخليكو لى ويسعدنى دايما بوجودكم
معلشى اتاخرت عليكم شوية
بس رجعت وجيبة لكم اجمل هدية

هسيبها مفاجأة لبكرة منتظراكم يا اجمل الاحباب

اما انتى يا امولة مش عارفة اقولك ايه حبيبتى
يا اطيب وارق قلب ربنا يخليكى لى
ودايما منورة بستانا الغالى باجمل صباح كله امل
انتظرونى غدا باذن الله

**نااانو** **نااانو** · 02-11-2013, 08:12 PM

عوزة اسألكم سؤال محيرنى
احنا ليه مش بنغير من بعض زى كل الستات؟؟
ايه الفرق اللى مابينا ولا الميزة اللى بتميزنا
اكيد الحب فى الله هو اللى مالى قلوبنا

اكيد حبيبتى الحب فى الله اعظم حب
وحاجة كمان مهمة جدا
اننا كلنا ( الكل فى واحد )
ازاى حد يغير من نفسه ؟

تسلمى لنا يا اجمل واحلى مضيفة فى ألهندسة الصناعية

**منى سامى** **منى سامى** · 02-12-2013, 11:47 AM

احبابى كل احباب ألهندسة الصناعية
نلتقى اليوم مع شخصية جميلة
غالية علينا كلنا
دخلت منتدانا بقلب محب للفن وللذوق والجمال
عرفناها انسانه خلوقة تمتلك قلب ناصع البياض
تملك فى كلامها من البلاغة ما تجعلك تعشقه وتنتظره فى كل رد
طيبة القلب ورقيقة المشاعر
حبيبتى المقربة لقلبى
زينب او زوزو او ام سعد او السعدية
ايهما تختار تكون هى

اهلا بيك حبيبتى الجميلة على كرسى الاعتراف
احب اذكرك ان كرسى الاعتراف ليس كأى الكراسى
فهو بمثابة البوم صور نحتفظ فيه باجمل ناس مروا علينا
نرسم ملامحهم بأجاباتهم على اسئلة مكتوبة خصيصا لكل شخصية
لكى تبلورها وتكشفها بكل ما تمتلك من جمال

خذى نفس عميق حبيبتى ورددى القسم

س1 عرفينا ببطاقتك الشخصية
الاسم
السن
الحالة الاجتماعية
مقر الاقامه

س2- ثلاث كلمات لمن تقوليها---اشتاق اليك----سوف انساك---شكرا ؟

س3- اليأس والندم مشاعر مؤلمه تصيبنا احيانا فمتى شعرتى بها؟

س4- كلمات اغنية تحبى تهديها لاغلى الناس عندك؟

س5- اربع رسائل لكل من الاشخاص التاليه فماذا تقولى لهم

فنان لا يحترم فنه ويسيئ للفنانين
حاكم يضع اصابع فى اذنه لكى لايسمع انين شعبه
انسان يلقى القمامه من شباك سيارته
عضو يدخل ألهندسة الصناعية لينتقد اهلها فقط

س6- لو ارسلت لك تذكرة سفر فالى اى البلاد تذهبين؟

س7- هل لديك حب الانتقام ممن يسيئ اليك ام انك تفوضى امرك لله؟

س8 اقر واعترف احب ألهندسة الصناعية للاسباب الاتيه؟

س9- اقر واعترف لا يعجبنىفى ألهندسة الصناعية الاتى؟

س10- الاجابه بنعم او لا فقط
هل انت مغرورة
هل تحبى اللون البنى
هل تحبى الحيوانات
هل انتى من هواة القراءة
هل انتى سريعه الغضب

س11- لمن تهدى باقة زهور بيضاء وماذا تكتبى فى الكارت المصاحب للزهور؟

س12- امنية تتمنيها لعام 2013 وما هى اسؤ الاحداث التى مرت عليك عام 2012 وما هى اسعد اللحظات؟

س13 - لو كنتى مدير عام ألهندسة الصناعية ما هى اول قراراتك عند توليك المنصب
وما هى خطتك لنشر ألهندسة الصناعية ليصبح اكبر جامعه على النت تعلم الفن؟

س14- لو اعطيتك قلم وطلبت منك تدونى كلمه فى مجلة حائط ألهندسة الصناعية ماذا تقولى؟

س15- بكل صراحة ووضوح ولا مجال للمجاملة
ما هو اجمل موضوع فى منتدانا
ما هو الموضوع الذى تتمنى حذفه
ما هو الموضوع الذى كنتى تتمنى عمله
ما هو الموضوع الذى تتمنى ان يكون فى ألهندسة الصناعية (فكرة مختصرة)

شكرا حبيبتى اتمنى انى اكون ما تعبتكيش
ردى على مهلك خالص مش مستعجلين

**السعدية** **السعدية** · 02-12-2013, 03:02 PM

احبابى كل احباب ألهندسة الصناعية
نلتقى اليوم مع شخصية جميلة
غالية علينا كلنا
دخلت منتدانا بقلب محب للفن وللذوق والجمال
عرفناها انسانه خلوقة تمتلك قلب ناصع البياض
تملك فى كلامها من البلاغة
ما تجعلك تعشقه وتنتظره فى كل رد
طيبة القلب ورقيقة المشاعر
حبيبتى المقربة لقلبى
زينب او زوزو او ام سعد او السعدية
ايهما تختار تكون هى

مرحبا بك ست الكل والذوق الرفيع خجلتني والله
كلامك الطيب يبعث السعادة والفرحة للقلب مباشرة
الف شكر على الكلام الطيب
اولا وقبل كل شيئ اهنئ نفسي اني مع اجمل نخبة واجمل لمة
واشكر الاستاذ محمد ورد على كرمه وعطائه لنا بفتح هذا الصرخ
والذي جمعنا فيه بقلوب نقية بيضاء
الف شكر سيدي وجزائك كبير وعظيم من المولى

اهلا بيك حبيبتى الجميلة على كرسى الاعتراف
احب اذكرك ان كرسى الاعتراف ليس كأى الكراسى
فهو بمثابة البوم صور نحتفظ فيه باجمل ناس مروا علينا
نرسم ملامحهم بأجاباتهم على اسئلة مكتوبة خصيصا لكل شخصية
لكى تبلورها وتكشفها بكل ما تمتلك من جمال

خذى نفس عميق حبيبتى ورددى القسم

س1 عرفينا ببطاقتك الشخصية
الاسم زينب
السن 45
الحالة الاجتماعية
كله بيمشي
مقر الاقامه
طنجة المغرب

س2- ثلاث كلمات لمن تقوليها
---اشتاق اليك لامي
----سوف انساك لأوقات حرجة
---شكرا ؟ لكل من خذلني

س3- اليأس والندم مشاعر مؤلمه تصيبنا احيانا فمتى شعرتى بها؟
بالياس حين تغلق الابواب في وجهي
والندم حين اعطيت كل ثقتي فيمن لا يستحقها

س4- كلمات اغنية تحبى تهديها لاغلى الناس عندك؟

كلمات ح أسيبك للزمن

ح اسيبك للزمن لا عتاب ولا شجن
تقاسي م الندم وتعرف الألم
تشكي مش ح اسأل عليك تبكى مش ح ارحم عنيك
ياللى ما رحمتش عنيه لما كان قلبى فى ايديك
دارت الأيام عليك
الزمن ح يدوقك فى البعد نارى الزمن هو اللي ح يخلص لى تاري
كل غدر وكل ليل سهرتهولى كل هجر وكل جرح تركتهولي
كله ح ترده الليالي
الليالى عليك بدالى والزمن
يوم من الأيام ح تحتاج عطف قلبي يوم من الأيام حتتلهف لقربي
وانت مش ح تلاقى ابدا زى حبي
والندم بعدي حيفضل جوه قلبك يألمك أكتر ما عيش العمر اعاتبك
بكره تتماني أحاسبك
أو ألومك أو اعاتبك
مش ح حاسبك مش ح أعاتبك
لأ دنا كفاية إنى سيبتك للزمن
رايحه اسيبك للي ما بيرحم ولا تقدر عليه
مش ح اقولك انت عارف الزمن راح يعمل ايه
الزمن دايما حالات ياما بيغير حاجات
كل ما بيدور بيبدل مطرح الضحك الآهات
إشكى مش ح اسأل عليك إبكى مش ح ارحم عنيك
ياللي ما رحمتش عنيه لما كان قلبى فى ايديك
دارت الأيام عليك

س5- اربع رسائل لكل من الاشخاص التاليه فماذا تقولى لهم

فنان لا يحترم فنه ويسيئ للفنانين
يترك الفن لانه لن يجتمع الفن مع عديمي الاحساس
حاكم يضع اصابع فى اذنه لكى لايسمع انين شعبه
كل راع مسؤل عن رعيته فليتقي الله
انسان يلقى القمامه من شباك سيارته
النظافة من الايمان

عضو يدخل ألهندسة الصناعية لينتقد اهلها فقط
عضوماعنده نظر ولا احساس

س6- لو ارسلت لك تذكرة سفر فالى اى البلاد تذهبين؟
لهولندا اشوف امي واقبل يدها وارجع

س7- هل لديك حب الانتقام ممن يسيئ اليك ام انك تفوضى امرك لله؟
عليه توكلت واليه اعود بشكوايا وهو خير منتقم

س8 اقر واعترف احب ألهندسة الصناعية للاسباب الاتيه؟
احب ألهندسة الصناعية للمة الرائعة لاهله وادارته وفنونه
وجمالية الطرح والمواضيع ودوما عندي احساس اني بمدرسة
عالية المقام لذلك حبي لورد الفنون حب اعمى

س9- اقر واعترف لا يعجبنى فى ألهندسة الصناعية الاتى؟
لا تعليق هنا ولا يصح التعليق وليست مجاملة
انما هو حبي وانتمائي لورد الفنون

س10- الاجابه بنعم او لا فقط
هل انت مغرورة لا
هل تحبى اللون البنى نعم
هل تحبى الحيوانات نعم
هل انتى من هواة القراءة نعم
هل انتى سريعه الغضب نعم
س11- لمن تهدى باقة زهور بيضاء
وماذا تكتبى فى الكارت المصاحب للزهور؟
اهديكم اهل ورد باقات ورودي البيضاء
بكل نصاعها اخلاصا وروائحها عطرا وجمالها حبا فيكم
محبة بيضاء صافية من اخت احبتكم في الله

س12- امنية تتمنيها لعام 2013
وما هى اسؤ الاحداث التى مرت عليك عام 2012
دوما هى اسعد اللحظات؟

أمنيتي ل_2013 أن يمن الله علي بالصحة والستر
وأسوئ لحضات تلك التي كنت فيها أسمع ولا أتكلم
في داخلي اتحرك ولا اقوم
كان شعورا محبطا لكن الله اكرم الاكرمين احمده واشكره
واجمل لحضاتي حين اكون مع الواحد الاحد
س13 - لو كنتى مدير عام ألهندسة الصناعية
ما هى اول قراراتك عند توليك المنصب
مممممممم اول قرار افتح مدونة للاعضاء
وما هى خطتك لنشر ألهندسة الصناعية ليصبح اكبر جامعه على النت تعلم الفن؟
لا اعتقد ان ألهندسة الصناعية ينقصه شيئ انما اتمنى ان تكون
هناك مجموعة فنية كاقسام مثلا ان تجمع كل اعمال الطرز لوحدها
والكروشي لوحدها وفي الاشغال يكون قسم خاص لجمع كل الاشغال
بترتيب كل قسم لوحده كالنحت لوحده واشغال السيراميك لوحدها
وهكذا ربما سيكون اسهل على الباحث في النت التوجه سريعا على مقصده
اي نعم هو مجهود للادارة لكنه في اعتقادي
البسيط سيكون على شكل معاجم في المنتدى وبذلك ستكون االمكتبة سهلة

س14- لو اعطيتك قلم
وطلبت منك تدونى كلمه فى مجلة حائط ألهندسة الصناعية
دماذا تقولى؟
جزاكم الله خيرا اهل ألهندسة الصناعية
لكل من علم وخط بقلمه حرفا استفدنا منه

س15- بكل صراحة ووضوح ولا مجال للمجاملة
ما هو اجمل موضوع فى منتدانا
لا الاختيار هنا صعب فلا يوجد لي خيار
مواضيع المنتدى لا يعلى عليها
الكل ماشاء الله يضع مواضيعه بترتيب
وحتى ان حدث خطا فريق المراقبة والادارة
تكمل الموضوع على احسن وجه
من ترتيبه وعنوانه وطريقة تنزيله
وهذا مجهود جبار
اغتنمها فرصة واشكر كل المراقبين والادارة
على حسن تتبعهم
ما هو الموضوع الذى تتمنى حذفه
لا اعتقد اني مررت يوما بموضوع يستحق الحذف
حتى وان كان ينقصه شيء فهو بدون شك يستحق القراءة والمرور
تكريما لمجهود صاحبه
ما هو الموضوع الذى كنتى تتمنى عمله
ياه وانا غيورة يامنموني بصراحة اتمنيت كل المواضيع
لكنني على قناعة اننا كلنا واحد كما قالت الغالية نااانو
نعم لا فرق عندي بين الاسم وصاحب الموضوع وانا
المهم ان الافادة تعود على الكل
ما هو الموضوع الذى تتمنى ان يكون فى ألهندسة الصناعية (فكرة مختصرة)
ماشاء الله ألهندسة الصناعية مواضيعه شاملة
منتدى في قمة الرقي

شكرا حبيبتى اتمنى انى اكون ما تعبتكيش
ردى على مهلك خالص مش مستعجلين

لا حبيبتي مافي تعب الحوار كان ممتع معك غاليتي
اتمنى للكل اجمل الاوقات واطيب الامنيات ومن هنا ارفع
تعازي للكل في فقيدنا ملك والذي صدمت البارحة بخبر وفاته
وكل موضوع امر به الا ونزل الدمع من عيني افتقادنا فيه كبير
لكنه امر الله وكلنا راجعون اليه
والله يرحمه ويحسن اليه ويجعل مثواه الجنة
دمتي حبيبة قلبي منى سامي بحما الباري
وانعم الله عليك بالصحة والستر

**نااانو** **نااانو** · 02-12-2013, 04:58 PM

حبيبتى الغالية على قلبى وقلوبنا كلنا
كنا مفتقدينك جدا وقلقنا عليكِ جدا
ولكن نحمدالله انك عدتى بيننا بين اخواتك احبوكى فى الله
والف سلامة عليكِ حبيبتى
وان شاء الله دعوتك تستجاب ودعواتنا معكِ
بالصحة والعافية ونورتى الكرسى بكلماتك الحلوة
بحبك فى الله

**هالة** **هالة** · 02-12-2013, 07:24 PM

عندما تصبح الاحرف نغمات
تسمعها بقلبك قبل عيناك
فهو كل الحب
ممن نظم الحروف وممن انتظرها وقتا
وهو على يقين انه سيقرأها
سرت بين احرف الحبيبة الى القلب
الجميلة القالب والقلب
وكأننا كنا ننتظر غيثا
وقد حان وقته ليثمر الحب بالقلوب
حبيبات قلبي الجميلات
زينوبتي السعدية
اسعد الله اوقاتك ايتها المجاهدة في الحياة
ولا حرمنا صحبتك الهنية
ومنى الجميلة
بارك الله فيكِ
حبيبة قلبي
ولا حرمنا موضوعاتك الراقية الرائعة
دمتن حبيباتي بكل خير
مودتي وحبي

إعـــــــلان

كرسى الاعتراف يستضيف عشاق ألهندسة الصناعية

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك