إعـــــــلان

**زهرة الكاميليا** · 01-23-2011, 02:04 PM

مش بس القعدة حلوة
وفيها أنغام وأغانى وأصوات جميلة
ومهنة إنقرضت
نفتكرها ونفتكر زمن مع الشعوذة فات
ولسة له فى زماننا مريدين للأسف وأتباع
يجروا ورا المشعوذ بالمشوار

لأ كمان زوج مهموم من قلة عقل الستات
ضحكت بجد وهو من المشتريات مذهول
مع ان مسألة العروض دى خصوصا
معناها ان المنتج مش ممتاز
بس فعلا كل الستات
تلف ودور وتلم فى حاجات
اللى بنص الثمن واللى عليه خصومات
ولا العلبة اللى عليها علبتين هدية
وطبعا الحاجات دى بتفرحها وتعيشها فى دنيا تانية

غاليتى منى
القهوة معاكى طعم تانى
وخلاص بقت إدمان
تسلم الأيادى
ونحن فى الإنتظار

**manino** **manino** · 01-23-2011, 04:16 PM

لمة جديدة ودعوة جميلة من الحلوة
منى سامي

الله الله الله الله
على قهوتك

خليك شوية .. قدّام عنيا
ملحقتش اشبع حب فيك

صرنا مثل ما قالت
الغالية هالة
ادمان عى قهوتك
ربي لا يحرملنا مجهودك الكبير
وذوقك العالي والكبير في اختياراتك
كل الشكر يا حلوة
على هذا التميز
وكل هالفقرات المتنوعة المميزة
تقبلي كل التقدير

**roaa** **roaa** · 01-23-2011, 05:53 PM

تسلمي ماما مني
للقهوة الجميله انا بكون سعيده جدا لما بكون موجوده في قهوة ألهندسة الصناعية
وابدي اعجابي بيوميات الزوج الغلبان ربنا يصبره
ههههههههههههه
و مشكورة جدا لكلمات اغنيه قد الحروف
للفنانة الجميلة اصاله
في انتظار المزيد من ليالي قهوة ألهندسة الصناعية
تقبلي مروري واجمل وارق التحيات

**منى سامى** **منى سامى** · 02-05-2011, 11:15 AM

حبيبتى حنين الفجر
أسعدنى ردك الجميل
وأسلوبك الرائع ومشاعرك الجميلة
تسلمى بنوتى الغالية
لا تحرمينى زياراتك لمقهى منتدانا

مراقب عام منتدانا الغالى
ملك
أسعدنى مرورك بموضوعى وأعجابك
الذى يحفزنى لبذل مجهود أكبر
دمت بخير وسعادة
تضئ مقهى منتدانا دائما

حبيبتى وصديقتى وأختى
هالة
دائما أسعد بكلماتك الجميلة
وروحك الرائعة
تسلمى لى حبيبتى وتسلم طلتك الحلوة

أسعدكم الله كما تسعدونى بكلماتك الجميلة

**منى سامى** **منى سامى** · 02-05-2011, 11:28 AM

سيدتى الرائعة
زهرة الكاميليا
مرورك يسعدنى وكلماتك الجميلة أنتظرها
لتقيم موضوعى
دمتى لى بخير وسعادة
ودامت طلتك الحلوة على مقهى منتدانا

حبيبتى منينو دايما تسعدينى
بمرورك وصورك الجميلة
التى تزين موضوعى
وتضفى عليه لبهجة والجمال
لا تحرمينى مرورك ياغالية

بنوتى روؤة الرقيقة الجميلة
بكون فى منتهى السعادة
لمجرد مرورك بالمقهى
وأعجابك بها
دمتى لى بخير ياغالية

أنتظرو ليلة جديدة من ليالى مقهانا
لكن قهوتنا الايام دى هتكون مواكبة للأحداث
قهوة كل العصور والاحداث
أنتظرونى بأذن الله

**نااانو** **نااانو** · 02-05-2011, 12:26 PM

ياسلام على قهوتك فى هذا اليوم
لمة وجمعة صحبة حلوة
بين ربابة وسعادة زوج
وغنوة حلوة وصنعة زايلة
وفنجان قهوة بنكهة حلوة
تسلمى منمونتى
على قهوتك المميزة
منتظراكِ بفارغ الصبر
ومواكبة الاحداث مع احلى فنجان

**منى سامى** **منى سامى** · 02-06-2011, 07:18 AM

حبيبتى ومراقبتنا الغالية
نااانو
سعيدة بمرورك بموضوعى
وكلماتك الرائعة
تسلمى لى ياقمر

ليلة جديدة من ليالى مقهى منتدانا
وزى ما احنا عارفين
قهوة منتدانا
قهوة كل العصور
قعد عليها ياما مثقفين وأدباء
وسياسين ووطنين وفنانين
وكانت اول شعلة لثورات الثائرين

القهوة جدرانها شايلة
حكاوى من الزمن الى فات
صوت دندنات السهرانين
بيت مضلل عالغريب ذى السحاب
القهوة عشرة وجيرة
ومشاريب عالحساب
وفضفضة قلب بين اتنين أصحاب
القهوة خلق بتحكى
فى ميت مليون حوار
صوت ضحكها يكسر الانتظار
القهوة مش يأس وطموح فاته الزمن
ولا هى وقت بينقضى من غير ثمن
فيها ناس أعدة تذوق طعم الوطن

قهوتنا ثورية بتواكب الاحداث
تجوب العالم وتنقاك الاحداث
وتقولك تسلم ثورتك يابنى
بس لازم تجتهد وتعلى وتبنى
وأوع فى يوم تغيب وتبتعد عنى

وبتحذرك من اللى بيستغلوك
واللى مش عوزين يفهموك
ان الوطن له حق عليك
تصونه وتشيله فى عنيك

قهوتنا وحشتنا ريحة أركانك
تنادينا تضمينا بقوة إيمانك
ومهما بعدنا بنرجع عشانك

ياقهوة شايلة الكل فى عيونك
يحميكى ربى من العدا ويصونك
ده أنت الوطن والبيت لينا
حبينك وشيلينك جوة فى عنينا
وإن غبنا عنك بتسكنى فينا

ونشوف الربابة هتقولنا ايه
مع صوت الشيخ امام

يا عرب .. يا عرب .. يا عرب في أي مصر
يا عرب .. يا عرب .. اسمعوا صوت شعب مصر
أحفظوا لمصر المكان .. و احنا عالعهد اللي كان
مصر أوفى من الزمان ..
و انتو عارفين شعب مصر
يا عرب يا عرب يا أهل مصر

اللي خانوا العهد بينا .. و استباحوا كل حاجة
و استهانوا بالعروبة .. و استكانوا للخواجة
مستحيل حيكونوا منا .. نحنا حاجة و هما حاجة
هما باعوا الجلابية .. و الوطن و البندقية
و ا حنا أصحاب القضية ..
احنا ما بنبيعش مصر
يا عرب يا عرب يا أهل مصر

يطلع الدجال بزيفو .. يملا وادي النيل ضباب
ينزل الجلاد بسيفو ... يزرع الموت و الخراب
يطول الليل زي كيفو .... الصباح له ألف باب
و احنا بوصلتنا بإيدينا .. ما تخافوش من الليل علينا
مهما غبتو عن عينينا ..
انتو جوا بقلب مصر
يا عرب يا عرب يا أهل مصر

سينا و لا .. يافا و لا .. حيفا ولا ... دير ياسين
اسألوا الشمس اللي هالة .. عللي صحيوا مبدرين
يزرعوها نور و غلة .. دول جدودنا و لا مين ؟
حقنا و حتما ً يُعاد .. بس لو بانت سعاد
و البيان ده لوه معاد ...
و المعاد حيكون في مصر
يا عرب يا عرب يا أهل مصر

**منى سامى** **منى سامى** · 02-06-2011, 07:23 AM

يوميات زوج سعيد

مراتى وأم عيالى عاملة عزومة
عزمة لى فيها كل العيلة
صلة الرحم دى حاجة جميلة
عمتها وخالتها وده غير ولدتها
عوزة تعمل وليمة توريهم فيها شطارتها
لحمة وفراخ أشكال واللوان
وده غير الحلو ع السفرة كمان
ولا الفاكهة مشكله من كل نوع
والبواقى ناكل فيها طول الاسبوع
ووقفتها فى المطبخ بالساعات
وأخر العزومة نرمى نص الحاجات
ما قدرش أتكلم كلام جميل
لأبقى فى نظرها بخيل
بس الكلام الجميل لازم يتقال
حتى لو هتزعل ام العيال
تبزير ومصاريف مهولة
وهى عايشة ولا مسؤلة
وبنفتح التلفزيون فجأة
وطلعت حتة مفاجأة
مظاهرات وأحتجاجات حاجة فظيعة
والشباب فى الشوارع حاجة مريعة
وفجأة وبدون أنزار أتفرضت حذر التجوال
شباب كتير بتحتج على رفع الاسعار
وشباب بتشتكى وعيشةفى نار
لا وظيفة مناسبة ولا شقة العقل أحتار
عوزين يكون فى حكومة بس بالاختيار
ويقضو على االفساد والناس الاشرار
والله كلام معقول وناس أبطال
غيرو فى ثانية كل الاشكال
اللى كانت رموز لللفساد والاستهبال
غيرو فكر العالم عن الشاب المصرى
اللى بيغير مصيره بأيده وبقى عصرى
وأخذت ولادى وجريت على الشارع
ادافع عن ممتلكاتى وجيرانى
لان فى ناس بلطجية محيرانى
بتستغل الظروف وتنهب وتسرق
وفضلت تدمر وتنهب وتحرق
لكن بالتكاتف والحب أتصدينا
وخلينا كل العالم يتفرج علينا
ويعرف مين هو المصرى الشجاع
اللى من نور الشمس أجمل شعاع
وبقيت فى مشكلة انا وضيوفى فى الحال

**منى سامى** **منى سامى** · 02-06-2011, 07:36 AM

مهنة انقرضت

السقا

تعتبر وظيفة السقا من الوظائف الهامة
في عصر الخلفاء والولاة المسلمين في مصر،
ووفق تعريف المؤرخين يعتبر (السقا)
هو الشخص المسئول عن نقل المياه من
الخزانات ونهر النيل إلي المساجد والمدارس
والمنازل، وأسبلة (جمع سبيل) الشرب
العامة، وذلك لعدم وصول المياه
إلى هذه الأماكن لخدمة الأهالي.

وفي ذلك الوقت، كان السقاءون
يحملون القرب المصنوعة من جلد
الماعز على ظهورهم، وهي مملوءة بالماء
العذب، وقد يكون معهم برميلا كبير
مملوء بالمياه ركبت فيه حنفيات
من الخلف، ويجره الدواب كالحصان والحمار.
طوائف السقايين
وقد تمركز السقاءون في حي يسمي
(حي باب البحر)، وهو يقع بجانب (باب زويلة)،
وقد سمي بهذا الاسم عندما قام السلطان
صلاح الدين الأيوبي بتشييد باب يطل على
النيل سنة 569هـ ،(1174 م) في نهاية
السور الشمالي الغربي للقاهرة، حيث
حرص السقاءون على التواجد
بالقرب من مصادر المياه.

وكان هناك 5 طوائف للساقيين
منها طائفتين في باب اللوق (الأولى) تقوم
بنقل الماء على ظهور الجمال، و4 طوائف
أخرى ينقلون الماء على ظهور الحمير، وهى
طائفة باب البحر، وطائفة باب اللوق
(الثانية)، وطائفة حارة الساقيين، وطائفة قناطر السباع.

وهناك طائفة سادسة تعرف
باسم (سقايين الكيزان) وكانوا يطوفون
الشوارع والأسواق حاملون قرب الماء
على ظهورهم، ومعهم مجموعة
من الكيزان لكي يقدوا المياه للأهالي.

عمل السقا وأجره

كان السقا يصل بالماء إلى الأسبلة
مرة كل عام، وهي مباني فكر في
إنشائها أهل الخير بغرض توفير المياه اللازمة
للشرب وتسبيلها للناس في الأحياء، وأشهر
هذه الأسبلة سبيل (الكُتاب)، وهو
الأكثر شيوعا، وكان السقا يتقاضى
ثمن خدمته في وقتها، أما المنازل
فيحصل على ثمن خدمته
عن طريق علامة أو شر
طة يضعها على باب المنزل، كلما
أتى ببرميل ثم يكرر وضع العلامات.

ولكن هذه الطريقة عُرضة للمسح، فلجأ
إلى طريقة أخرى بإعطاء صاحب
المنزل مجموعة من الخرز
(على سبيل المثال عشرون خرزة)، وكل
مرة يأتي بالماء يأخذ واحدة وعندما
ينتهي الخرز يكون بذلك قد أتى بعشرين
برميلا ووقتها يتقاضى أجرته كاملة من صاحب البيت.

كيف يتم اختيار السقا؟

كان هناك اختبار مبدئي يلزم للمتقدم
اجتيازه لكي يلتحق بإحدى طوائف
السقايين الخمسة، وهو أن المتقدم
لابد أن يستطيع حمل قربة وكيس
ملئ بالرمل يزن حوالي 67 رطلا
لمدة ثلاثة أيام وثلاثة ليالي دون أن
يسمح له بالاتكاء أو الجلوس أو النوم!

كما كان يلزم أن يتصف السقا ببعض
المواصفات، وهي أن يكون أمينا وحريصا
على عدم تلوث المياه أثناء نقلها من
النيل إلى المنازل وأسبلة الشرب
العامة، ولابد أن تكون القربة غير
مصبوغة لكي لا تتلوث المياه باللون، ولا
تكون بها أي ثقوب تنقص من كمية المياه.

السقا "عايش"!

أخذت مهنة السقا في الاحتضار عام
1865 م حينما أنشأت شركة المياه
وبدأت في إنشاء آلات الضخ وأنابيب
للمياه توزع المياه داخل مدينة القاهرة، ولكن
السقا لم ينته نهائيا، فهناك أكثر
من 68 منطقة عشوائية حول القاهرة
لا تصل إليها المياه النظيفة، وبذلك يكون
هناك ضرورة لوجود هذه المهنة
لكي ينقل المياه إلى هذه المناطق.

باختصار، مهنة السقا لا نستطيع أن
نحدد متى بدأت ومتى ستنتهي؛ وذلك
لأنها مهنة مرتبطة بعدد السكان الذين
لا يصل إليهم الماء، فإذا قل
عدد هؤلاء السكان قل وجود السقا والعكس

**منى سامى** **منى سامى** · 02-06-2011, 07:50 AM

فنان فى القلب له مكان

سيد درويش

كثيرا ما وصف سيد درويش
بالعبقرية ، ومن مظاهر عبقريته
أن عمره الفنى لم يتجاوز ست
سنوات وتوفى عن 31 عاما لكنه
أحدث ثورة هائلة فى الموسيقى الشرقية
مازالت أعماله تردد حتى اليوم
استطاع لأول مرة فى تاريخ الموسيقى
العربية التعبير باللحن عن الكلمات والمواقف الدرامية
أول فنان يجعل من الموسيقى
الشعبية فنا قوميا راقيـا

وضع أسس المسرح الغنائى
التعبيرى وألف أعظم الألحان المسرحية حتى الآن
ألف عشرة أدوار غنائية من مقامات مختلفة
هى كم صغير فى عالم الأدوار
لكنها أفضل عشرة على الإطلاق
وضع مقاما موسيقيا جديدا أسماه زنجران
جعل الغناء للجميع بعد
ما كان مقصورا على المطربين المحترفين
ظهرت آثاره الفنية فى
كل ما جاء بعده من موسيقى
واستحق سيد درويش لقب "أبو الموسيقى المصرية"
حيث كانت منزلته الفنية
بالشرق كمنزلة " بيتهوفن" بالنسبة للموسيقى الأوربية

**منى سامى** **منى سامى** · 02-06-2011, 07:59 AM

وفى موطنه الإسكندرية أنشئ
فريق كورال باسم سيد درويش
ظل يقدم ألحانه فى الحفلات العامة على
مدى 25 عاما منذ 1967 حتى 1992
بقيادة الموسيقار السكندرى محمد عفيفى
والذى يعد أهم مرجع فنى فى ألحان
سيد درويش ثم تولت فرقة الإسكندرية للفنون
الشعبية مهمة تقديم تلك الألحان
من عام 1992 حتى 1997 بقيادته أيضا ، وقد
احتفظ بمكتبته الخاصة بالنوت
الموسيقية كما كتبها سيد درويش ، كما
تحتفظ بعض المراكز الثقافية المصرية
كدار الأوبرا وأرشيف الإذاعة وبعض المكتبات
وقصور الثقافة بتسجيلات ونوت
وكتب ودراسات عن فن سيد درويش
كان سيد درويش عندما
يطلب منه غناء أحد
ألحانه فى الجلسات الخاصة مع الأصدقاء
والفنانين يغنى أحد أدواره ، أنا
عشقت ، أنا هويت ، أو غيرها ، فإذا طلب
الحاضرون أحد ألحانه المسرحية رد
قائلا: " هذه الألحان لى ، أما من يريد المسرح
فليذهب إلى المسرح " .. ما
معنى هذا الكلام؟ معناه ببساطة أنه لم
يكن يضع ألحانه المسرحية للتطريب
والمزاج الشخصى ، ولكنه يضعها فى
إطارها العام ، فى التعبير عن النص
والفكر المسرحى ، فى الشخصيات المتنوعة
فى الرواية ، فى المواقف المتباينة
، فى الحوار بين الأشخاص ، فى حركتهم ، وفى
التعبير عن الجماعات وعن صراع
الطبقات وعن سلوك البشر فى الحياة العامة فى
كل مداراتها .. هذا هو المسرح
، وهذا ما عناه سيد درويش ، وما كان ليقتطع
جزءا من نسيج متكامل ليتغنى به
فى جلسة خاصة ، فالرجل يعى
رسالته تماما وما كان ليعبث بها بنفسه

ومن اجمل اعماله
زورونى كل سنة مرة مقام عجم
لحن سيد درويش كلمات سيد درويش
زورونى كل ســـــــــنة مرة حرام تنســـــــونى بالمرة
أنا عمـــــلت إيه فيــــــــــكم تشــــــاكونى واشــــاكيكم
أنا اللى العمر اداديــــــــــكم حرام تنســــــــونى بالمرة
يا عينى ع اللى مالوش حــد طول عمره يقاسى الوجــد
وتجـــرى دمعتــــه ع الخــد مســــكين حــــــاله بالمرة
زورونى كل ســــــــنة مرة

لحن الشيالين - شــــد الحــزام مقام حجاز

كلمات بديع خيرى ألحان سيد درويش
شــــد الحــزام على وسطك
غيره ما يفيدك لابـــــد عن يــــوم
برضــه ويعـــدلها ســــــيدك
وان كان شيل الحمول على
ضهرك يكيدك أهــــــون عليــــك
يا حـــــر من مــدة إيـــــــدك
ما تيالله بيـــنا انت ويـــــــاه ونســــتعان ع الشـــــــــقا بالله
واهو اللى فيه الفسمة طلنـاه
واللى مافيهشى ان شالله ما جاه
ما دام بتلقى عيش وغمـوس
يهمـــك ايـــه تفضل موحــوس
ماتحـط راســـك بين الروس
لا تقوللى لا خيــار ولا فاقـوس
شــــد الحزام
ح اقـــولك ايه واعيـــد لك
ايه كله له آخــر دى وكســة
جامدة وجت على عينك ياتاجر
يا وكســتك دلـــوقت لا وارد
ولا صــــادر يحلـــــــها ألفيـــــن حـــلاّل ربـك قـــــــادر
قوللى فى عرض النبى يا حسين رايحين نلاقيها منين ومنيـن
والإش متجــــــوز اتنيــــــــــــن
يا دنيا روقى جتك البيـــــــن
عمــر البخيل يفضل منحـــــوس
لو علقوا على بابه فانــــوس
فلـــوس دى إيه سكتر يا جاموس
هى السعادة فى غنى النفوس
شــــد الحزام
يالله بنا يالله نلحق لاكسبريس
اهـو ع الرصيف وادى احنا يا
دوبك لسه ماعملناش بحق رغيف
كل المحطـات قبــــلى وبحـــرى
بقت لماليـــف يتـوب عليـنا من
دى العيشــة يا لطيف يا لطيف
ما قطعوا لنا التليفونــــات
وعطلوا التلغرافـــــــــــات
عمركش سمعت الدلنجات
بيسافروا لها بالباسبورتات
غلب حمار اللى له حما ر يحمــله لك ست انفــــــــار
واهو السفر فى الأيام دى
صار ع البهايم ليل ونهــار
قرب شيــّـلنى شيّـــل
لا تقوللى كتيـر وقليّــل
لا تقوللى كتير وقليل عمر الشـدة ما تطـــوّل
عمر الشدة ما تطـوّل بكرة نهيص زى الأول
هيلا هيلا هيلة هــيلة هيلا هيلا هيلة هـــــيلة

**منى سامى** **منى سامى** · 02-06-2011, 08:02 AM

لحن الصنايعية - الحلــــوة دى مقام حجاز
لحن سيد درويش كلمات بديع خيرى

الحلــــوة دى قامت تعجـــن فى البدريـــــة
والديك بيــدن كوكو كوكو فى الفجــــــرية
يالله بنــــــــا على بــــاب الله يا صـــنايعية
يجعل صباحك صباح الخير ياسطى عطية
طلــــع النهــــار فتــــاح يا عليــــم والجيــــب
مافيهــــشى ولا مليــــــم
مين فى اليومين دول شاف تلطيـ
ـم زى الصـــــــنايعية المظاليـــــــــــم
الصبر أمره طـــــــال وايش بعد وقف الحال
ياللى معاك المـــــــال برضه الفقيــر له رب كريم
أولاد أوربــــا ما بيناموش عن الصـــــــنايع ما يونوش
لافرنجى دايما حلق حوش والمصرى جنبه بيطلع بوش
ســبع صـنايع فى إيدينــــا والهـــــم جايــــــر عليــــــنا
يامـــا شــــكينا وبكــــــينا يا أغنيـــــا ليه ما تساعدوش
ما تشد حيلك يا بو صلاح إضربها صرمة تعيش مرتاح
خلى تكـــــالك ع الفتـــاح يالله بنا يالله الوقــت اهو راح
الشمس طلعــت والمــــــلك لله
ما تشيل قدومك والعـــدة ويالله
اجــرى لرزقك خليها على الله

طلعت يا محلا نورها مقام فا ماجير
لحن سيد درويش كلمات بديع خيرى

طلعت يا مـــــحلا نورها شــمس الشموســه
يالله بنـــا نمـــــلا ونحلب لبـــن الجاموســــه
قــاعد ع الســـاقية خللى اســــــمر وحليــوة
عـوج الطــــــاقية وقاللى غنى لى غنيــــــوة
قلت له يا محمد حبـــــك لخـــفن لى عــقلى
ميتى النـار تبرد واعرف راسى من رجــلى
طلعت يا مـــــحلا نورها
جاية من الترعة ســـمعوا رنـــة خلخـــــالى
لحقـــونى ســبع جدعــان طالبيـــن وصــالى
نظرونى يا خويا وراحوا واقعين فى جمـالى
قدمــــوا لأبويا مهــــرى ميتــين خيـــــــالى
طلعت يا مـــــحلا نورها

عشان ما نعلا ونعلا مقام رى ماجير
لحن سيد درويش كلمات بديع خيرى
عشان ما نعلا ونعلا ونعلا لازم نطاطى نطاطى نطاطى
بسلامته الوالي ابو زعيزع مهجص باشا دقن تعيتع
وغرامه تمللي قال ايه نترصص دايما حواليه
نروح واقفين زنهار زي القط والفار
تلقاه دايما منفوخ نفشرله طاخ طيخ طوخ
الرك على حبة بولوتيكه وذمة كاوتشوك خربانة
ما دام الأمير ذمته أنتيكه لازم الرعية تكون وحلانة
حذر فذر ياواد انت بعقلك بعد الحنشصة دي اللى انت عليها
ياهل ترى الدنيا دي حتروقلك وتشوف ماشاف قراقوش فيها
تعرفش المسألة ايه عرنوس متعفرت ليه
بالحق سلامات سلامات ايش حال الافوات
محاسيبك يا خى سيبك
اول شرط نطاطي البصلة لسيدنا الوالي ونستعبط له
مهما تسمعوا تهجيص اعملوا روحكم بلاليص
مهما نسمع تهجيص نعمل روحنا بلاليص
عشان ما نعلا ونعلا ونعلا لازم نطاطي نطاطى نطاطى

**منى سامى** **منى سامى** · 02-06-2011, 08:04 AM

ســالمة يا سلامة مقام بياتى
كلمات بديع خيرى ألحان سيد درويش
ســــالمة يا ســـلامة رحنا وجينا بالسلامة
صفر يا وابور واربط عندك نزلنــــى فى البــــــلد دى
بلا أمـــــيركا بلا أوربـــــــا مافى شئ أحسن من بلدى
دى المركب اللى بتجيــــــب احســن من اللى بتــــودى
يا اسطى بشندى
سـالمة يا سلامة
سـلطة ما سلطة كله مكسب حوشــــنا مــال وجيــــــنا
شفنا الحرب وشفتا الضرب وشــــفنا الديناميت بعنــينا
ربك واحـــد عمرك واحــد ادى احنا رحـــنا وجيــــنا
ايه خس عليــنا
سالمة يا سلامة
صلاة النيى ع الشخص منا فرصـــة ميه بلا قافيــــــة
اللى ف جـــيبه يفنجــــر به والبركة فى العين والعافية
ح تـــاخد ايه م الدنيــا غيـر الستر يا شيخ خليها ماشـية
دنيـــا فانيــــــة
سالمة يا سلامة
دى الغربـــــــة ياما بتــــــــــورى بتخــــــلى الصــــنايعى بيـــرطن
مطـــــرح ما يـــروح المصــــرى برضــه طـــول عمــره ذو تفنــن
وحيـــــــاة ربنـــــــــا المعبـــــــود وى آر فرى جود ياسطى محمود
قــدها وقــدود
سالمة ياسلامة

أنا المصرى مقام فا ماجير
كلمات بيرم التونسى ألحان سيد درويش

أنا المصــرى كريـــم العنصرين بنيــت المجـــد بيــن الإهراميـــــن
جدودى أنشــأوا العلـــم العجيــب ومجرى النيل فى الوادى الخصيب
لهــم فى الدنيـــا آلاف الســـــنين ويفــنى الكـــــون وهم موجـــودين
واقــولك ع اللى خلانى أفوت أهلى وأوطانى
حبيب أوهبت له روحى لغيره لا أميل تـــانى

النشيد الوطني

نشيد بلادى مقام فا ماجير
لحن سيد درويش كلمات سيد درويش
بــــــلادى بـــــــلادى لك حبــى وفـــــؤادى
مصـــر يا أم البــــلاد أنت غايتى والمــــراد
وعلى كل العبـــــــــاد كم لنيــلك من أيـــادى
مصر يا أرض النعيم ســدت بالمجــد القديـم
مقصدى دفـــع الغريم وعلى الله اعتمـــــادى
مصــر أولادك كــرام أوفيـا يرعوا الزمــــام
سـوف تحظى بالمرام باتحـــادهم واتحـــادى
مصـر أنت أغلى درة فوق جبين الدهر غرة
يا بـلادى عيشى حرة واسلمى رغم الأعادى

القلل القنــاوى مقام راست
لحن سيد درويش كلمات بديع خيرى

مليــــحة قوى القلل القنـــاوى
رخيـصة قوى القلل القنـــاوى
قــرب حــدانا وخد قلتــــــين
خســارة قرشك وحيـــــاة ولادك
ع اللى ماهواش من طيــن بـلادك
ده ابن بلــــــدك ما يبلفـــــــكشى
ما تعـــــدموشى ولا يعدمـــكشى
دمك من دمه ما يفرقكوا شى
الدنيـــــــا مالها يا زعبــــــلاوى
شـــقلبوا حـالها وين المـــــداوى
شوفوا البـلاوى ده البنـــك ناوى
يرفــع دعــاوى علشـــان يتـاوى
فى فلوسنا واحنا متقندليـــــن
مش بزيــــادانا بقيـــــــنا عـرة
وكل حــــــاجة من شــغل بــره
ده الفقــر طول قلــــع عينيــــنا
وخلا غيـــــرنا قلــس عليـــــنا
يادى الفضيحة يا ناس حرام
ولحــــــد ميـتى ما نفوقش واصل
والبيـه مقعمص قـــــــاعد يواصل
يشرب فى بيرة ويا منيــــــــــــرة
واحنا فى حيرة جـــــد وكبيـــــرة
انتعـــــنا بقى يا جـد الحسين

**منى سامى** **منى سامى** · 02-06-2011, 08:07 AM

والله تستاهل يا قلبى مقام عجم
لحن سيد درويش كلمات أمين صدقى

والله تســــــتاهل يا قلبى ليه تميــــــــل ما كنت خالى
انت أســــباب كل كربى وانت أســـــــباب ما جرالى
إيه بقى اللى ح يواسينى بعد ما انهــــــــدت آمــــالى
اذا كان حظى ناســــينى مين اروح له اشكى له حالى
ان شكيت قلبى وحواسى يعمــــلوا مؤامــــــــرة علىّ
وان بكيـت والحب قاسى تشــــــتكى منـــــــــى عينىّ
أعمل ايه واحنا ف غربة والأغـراب دول زى اليتامى
يا مين يواسيهم فى كربه يامــــا بيقاســـــــــوا ويامــا
يارب كل من له حبيــب طــــــال بعــــاده وللا قريب
ما تحـــــــــــرموش منه وهــــــــاته له بالســـــــلامة

لحن العمال - ما قلتلكش ان الكترة مقام صول ماجير
لحن سيد درويش كلمات بديع خيرى

ما قلتلكش ان الكترة لابد يوم تغلب الشجاعة
واديك رأيت كلام الأمرا طلع تمام ولا فيهشى لواعة
غيرشى اللى كان هالك ابداننا ومطلع النجيل على عيننا

ان فهمى يكره حنا وايش دخل دول يا نا بس ف ديننا
دخل بناتنا اللى موقعنا فى بعضنا وراح لك متصدر
فقسنا لعبته واتجمعنا لا يضيع شرفنا الله لا يقدر
عاديك على اللى ادت له الدنيا وش وبقى له تركة ومتاعة
تشوفنا احنا تقول حنفية وتشوفه هوه تقول بلاعة
عايشين فى وادى النيل نشرب من عدادات على مللى وسنتى
من جاز لملح ومن سكر وترموايات لخواجة تريانتى
ربنا ما يوريكشى دوختنا الجيب نضيف أما البيت أنضف
والهدمة دى اللى على جتتنا محجوز عليها دى عيشة تقرف
الحق كله على الأغنيا إحم يا فرحتنا بشطارتهم
ملهيين فى روزا وماريا والسف نازل على أمتهم
إمتى بقى نشوف قرش المصرى يفضل فى بلده ولا يطلعشى
انتوا بمالكم واحنا بإيدنا دى الإيد لوحدها ما تسقفشى

خفيــــف الـــــروح طقطــــوقة
تلحين سيد درويش مقام بياتى
خفيف الروح بيتعـاجب برمش العيــن والحاجب
خفيف الروح
غمـــز لى مرة بعيونـــه لقيت الحــب مضمـــونه
حرام ان كنت انا اخونه وعشقى له من الواجــب
خفيف الروح
تملى يحب يشــــــغلنى بســـهم اللحـــــظ والننى
أخاف اتقل يخاصــمنى ويهجـــرنى ويحـــرمنى
خفيف الروح
رأيت الأوفق ان جـانى حبيب القــلب نــــــادانى
أرد عليــه بأجفـــــــانى ولا أحسب حساب عازل
خفيف الروح

أتمنى تكون مقهانا
عجبتكم
وأنتظرونا دايما فى منتديات ألهندسة الصناعية
تجد كل جديد
اترككم فى حفظ الله

**هالة** **هالة** · 02-06-2011, 09:06 AM

لابد عن يوم
برضه ويعدلها سيدك

اوجز فأنجز
لابد من فرج بعد ضيق
ولكل ليل نهار
قهوتك المرة دي مزاج عالي
عزومة اخر تمام
وسيد درويش الهمام
والكلام احلى كلام

ماتتصوريش ياغالية انا
بحب قد ايه
والله تستاهل ياقلبي
كلمات ولحن وصوت شجي
تسلمي لنا
مون مونتي الحلوة
في انتظار قهوتك
ح اقعد استنى ع الدكة
وفي قلبي مليون ضحكة

إعـــــــلان

قهوه ألهندسة الصناعية ثقافه من كل لون

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك