إعـــــــلان

**الامورة ران** **الامورة ران** · 03-06-2011, 10:02 PM

طول عمرى بحبك

كلمات : انور عبدالله
الحان : كمال الطويل

طول عمري احبك و اشكي لك
و اشكي للعمة و للخاله
حرمت اقابلك و احكيلك
ده غرامك خلاني في حاله
لا لا لا لا لالا
اشمعنى انا قلبي بيسأل
على قلبك و لا تسألشي
اشمعنى كمان انت بتتقل
و انا احبك و لا اتقلش
زودت الغيره
خلتني في حيره
نسيتني وجودي
و بتنسى عهودي
و ابعتلك في الصبح رساله
و ابعتلك في العصر رساله
لا لا لا لا لالا
طول عمري احبك و اشكي لك
و اشكي للعمة و للخاله
حرمت اقابلك و احكيلك
ده غرامك خلاني في حاله
لا لا لا لا لالا
بتفوت الساعه ورا التانيه
و استنى تجيني و لا تجيش
علشانك حبيت الدنيا
و ازاي من غيرك انا اعيش
ليه دايما تنسى
ليه بس بتقسى
ده مش اسمه كلام
يا ناسيني حرام
في غرامك ياما قلت قواله
و دموعي م العين سياله
لا لا لا لا لالا
طول عمري احبك و اشكي لك
و اشكي للعمه و للخاله
حرمت اقابلك و احكيلك
ده غرامك خلاني في حاله
لا لا لا لا لالا
الكلمة الحلوه اشيهالك
علشان تقابلني و اقولها لك
ولا يوم خلتني اشغل بالك
و لا عاوز تحرمني خيالك
و انا اعمل ايه
بس اعمل ايه
في عنيه بصونك
مش هاين اخونك
و الناس في كلامهم عماله
و الشكوى في قلبي منشاله
لا لا لا لا لالا

طول عمرى بحبك - نجاة الصغيره mp3

[MEAUDIO]https://ia801502.us.archive.org/24/items/ward2u_02/015.tul_eumri_ahbak.mp3[/MEAUDIO]

يتبع

**الامورة ران** **الامورة ران** · 03-06-2011, 10:03 PM

حقك عليا و سامح

كلمات :
الحان : عز الدين حسنى

حقك علي و سامح و ارحمني م الندم
علشان عتاب امبارح ده بس من العشم
حقك عليا عليا عليا
ماكنتشي كلمة مني راح تبعد حبي عني
يا رتني ما قلتها
خلتني ابات افكر و الليل يطول و يكبر
و النار زودتها
اصل العتاب محبة بتطول بين الاحبه
بيقرب بين قلوبهم و يزيد الود حبه
و عتابي كان امبارح ده بس م العشم
حقك عليا عليا عليا
انا كان قصدي تصالحني اتاريك رحت مخاصمني
خليت الليل سنه
و ان مرة النوم غلبني القى الفؤاد عاتبني
من الخوف على حبنا
يفضل يلوم عليا و ينسي النوم عيني
شوف حتي قلبي خايف لا انساك في الليل شويه
و عتابي كان امبارح ده بس م العشم
حقك عليا عليا عليا
اشمعني انت تعاتبني و تملي بتحاسبني
و عتابي يزعلك
و انا بافرح من عتابك و احلم به في يوم غيابك
و اشتاق له و احن لك
و حياة حبك يا غالي لتجمعنا الليالي
ما قدرش استغني عنك ده انت لوحدك في بالي
و عتابي كان امبارح ده بس م العشم
حقك عليا عليا عليا

حقك عليا و سامح - نجاة الصغيره mp3

[MEAUDIO]https://ia801502.us.archive.org/24/items/ward2u_02/016.haqak_eulya_w_samih.mp3[/MEAUDIO]

**نااانو** **نااانو** · 03-06-2011, 11:46 PM

ما اجمله من صوت وما اجملها من أغانى
صوت رائع لفنانه جميلة
انا من هواة سماع أغانى الفنانه المطربه
نجاة الصغيره
موضوع جميل بنبذه عن حياتها
الحافله بأجمل الافلام واروع الاغنيات
فلكِ منى كل الشكر والتقدير
على هذا المجهود الرائع والموضوع القيم
أمورتى الحلوة
الغالية ران
شكرا لكِ

فكر يا حبيبي
كلمات :
الحان :

فكر يا حبيبي يا اكتر من حبيبي
ليه الخصام
دموعى وعذابي
و حيرة شبابي والله حرام
فكر قبل ما ابعد عنك
انا عمرى ما كنت اتصور في يومين
يعمل كده فيا خصامك فى يومين
ليه تزعل و لا تسأل
اصل انا ما عملتش حاجه
ليه كل ده ايه اصله ده
يرضيك كده مين قال كده
دموعى و عذابي و حيره شبابي
يا سلام على قسوه قلبك غدار
و ازاى اهرب من حبك للنار
مش ممكن هتجنن لو اعرف كده م الاول
كنت اقدر و لا افكر و ابعد عنك و اتحول
و حيرة شبابي و الله حرام
فكر قبل ما ابعد عنك

فكر يا حبيبي - نجاة الصغيره mp3

[MEAUDIO]https://ia801502.us.archive.org/24/items/ward2u_02/017.fakr_ya_hubaybi.mp3[/MEAUDIO]

**manino** **manino** · 03-07-2011, 07:07 AM

يا عيني امورة يا حلوة يسلم هالذوق
مشكورة حبيبتي الغالية
مشاركة مميزة و اختيارات تحفة
تقبلي كل الشكر و التقدير

قدرت تنام

كلمات :
الحان :

قدرت تنام قدرت و جالك نوم
ظالم قلبي و بتنام فاتت ايام
مش عارفه فات كام يوم
و لا عارفه لحالي كلام
و دمعى بيجرى وراك
و شوقي بيترجاك فى كلمه و نام
فكرت ليالي بحالها
فكرت في قلبي و فيك
مش ممكن ابدا ابدا
يا حبيبي اعيش غير بيك
اسهر لك يمكن تسأل
و ابعت لك و انت بتتقل
و اسأل يقولو لي دا نام
و قدرت تنام قدرت و جالك نوم
ظالم قلبي و بتنام
قولى ليه بحبك ليه
و انا شوفت معاك الويل
قولى فين نهاري فين
و النهار فى بعادك ليل
يا حبيبي حرام كل ساعه خصام
قولى كلمه و نام قولها يمكن انام انا
و قدرت تنام قدرت و جالك نوم
ظالم قلبي وبتنام
يا محيرني مع الاوهام
قدرت تنام طيب نام
يا مسهرني تلات ايام فاضل كام
نام يا حبيبي نام
يمكن اقابلك فى الاحلام
و قدرت تنام قدرت و جالك نوم
ظالم قلبي وبتنام

قدرت تنام - نجاة الصغيره mp3

[MEAUDIO]https://ia801502.us.archive.org/24/items/ward2u_02/018.qudirat_tunam.mp3[/MEAUDIO]

**منى سامى** **منى سامى** · 03-07-2011, 10:40 AM

روائع نجاة الصغيرة فى ألهندسة الصناعية
الله حبيبتى الامورة ران
تسلمى على اختيارك الجميل و المميز
كلمات رائعه لاروع الشعراء تغنت بها
ذات الصوت الحانى الدافئ
فأمتعت كل عاشق للفن
احيكى على اختيارك الراقى
و الشكر موصول لاستاذنا الغالى
فى رفع الاغانى
بارك الله فى مجهوداته
و اهدى موضوعك كلمات اغنية
شكل تانى
كلمات حسين السيد
الحان محمد عبد الوهاب
1966
شكل تاني حبك انت شكل تاني
حب غالي حب ناره مدوباني
حتى لما بتنسى مره
و تعاتبني بكلمة مرة
العتاب المر برضه له حلاوة
شكل تاني حبك انت
خوفوني من هواك
قبل ما احبك خوفوني
قالوا يا ويله اللي يسكن
جنب قلبك قالوا يا ويله
قلت هو ده اللي ناره مخوفاني
هو ده اللي قلبه يبقى شكل تاني
السنين فاتت و أنا مش داريه بيها
من حنانك و الهنا اللي بيجري فيها
و الساعات وياك بتجري في ثواني
كل ثانية ليها دقة شكل تاني

حتى لما بتنسى مره
و تعاتبني بكلمة مرة
العتاب المر برضه له حلاوة
شكل تاني حبك انت

مره واحده قاسيت و داريت
غصب عني من سكوتي
كنت حاسه انك سامعني
من جمالك من حنانك

يومها و انت بتصالحني
كنت عايزه اقول لك قوم خاصمني

مش بقول لك حبك انت شكل تاني
حتى لما بتنسى مره
و تعاتبني بكلمة مرة
العتاب المر برضه له حلاوة
شكل تاني حبك انت

شكل تانى - نجاة الصغيره mp3

[MEAUDIO]https://ia801502.us.archive.org/24/items/ward2u_02/019.shakal_tany.mp3[/MEAUDIO]

يتبع

**بنت تونس** **بنت تونس** · 03-07-2011, 09:15 PM

صوت حنون و اداء نابع من احساس
راقي ونعومة و لا اروع بابداع نجاة الصغيره
و اختيار رائع جدا من حبيبة قلبي
امورتي
خالص شكري و حبي غاليتي الرائعه

وحديه

كلمات : مأمون الشناوى
الحان : بليغ حمدى

وحديه وحديه
وحديه مع دمع عينيا
ايامي وهم و لياليا
و عذابي في شبابي
وحديه أقاسيه وحديه
و عهد الله ما حبيت غيره هو و بس
يمين الله ما قلبي في يوم بغيره حس
و لا عمري انشغلت بناس
و حسيت زي ده احساس
ايه ده ليه ده يهجر مره وحده
يقسى ينسى و فيه حب لسه
فين ده فين ده
وحديه وحديه
وحديه مع دمع عينيا
ايامي وهم و لياليا
سنين و ايام و انا في النار ما أقولش لحد
اقوم و انام و دمعي ما يفارق لي خد
يصحيني اشتياقي إليه
و اقول طيفه راجع لي ليه
ايه ده ليه ده يهجر مره وحده
يقسى ينسى و فيه حب لسه
فين ده فين ده
وحديه وحديه
وحديه مع دمع عينيا
ايامي وهم ولياليا
و عذابي فى شبابي
وحديه اقاسيه وحديه
وحديه وحديه

وحديه - نجاة الصغيره mp3

[MEAUDIO]https://ia801502.us.archive.org/24/items/ward2u_02/020.wahadiah.mp3[/MEAUDIO]

**هالة** **هالة** · 03-07-2011, 10:04 PM

نجاة الصغيرة الحالمة الرقيقة
التى كثيرا ما سافرنا مع صوتها
الى دنيا الحلم الجميل
سنوات من العمر مضت عرفنا
فيها الفن الراقي و نعمنا فيه
بكل الفن الجميل
كانت نجاة الصغيرة واحدة ممن
كبرنا و لها في قلوبنا ركنا دافئ
نختبئ فيه من احزاننا
تسلمي لي امورتي الحلوة ران
اسعدني مروري ببستانك العامر
بصوت نجاة الصغيرة
احب لها الكثير من الاغاني
و لكن اغنية ايه هو ده
لها معزة في قلبي و هي
من اغنيات فيلم الشموع السوداء
مع الراحل صالح سليم

اغنية إيه هو ده

الكلمات : مرسي جميل عزيز
اللحن : محمد الموجي
إيه هو ده اشمعنى ده
ارتحت له و فتحت له لما نادى
إيه هو ده اشمعنى ده سهرت له
و احترت له قوام قوام كده
اكون بحبه مش معقول
الحب ما يجيش كده على طول
امال ده ايه اللي مدوبني
و مخلي راحة بالي تسيبني
و سهرت و الاحلام ويايا
في كل خطوة امشيها معايا
هنا وقفنا هنا مشينا
هنا حودنا و سهينا و قلنا كتير
وعدنا كتير و قلنا كتير وعدنا كتير
و لا قلناش لبعضينا على الكلمة اللي تحيينا
انا عايزه احكي له و خايفة
خايفة من ايه مش عارفة
غلبت و احتار غلبي
ايه الحكاية يا قلبي
تكونش بتحب ايوه انت بتحب
بتحب ده و تدوب فى ده
و اشمعنى ده ارتحت له
و فتحت له لما نادى
إيه هو ده اشمعنى ده سهرت له
و احترت له قوام قوام كده
خذتني حنية قلبه
و اخذني صوته وكلامه
نسيت الآمي و انا جانبه
و عشت وياه فى الآمه
حسيت و فكرت و سهرت و احترت
و شربت يا قلبي م الشوق و كترت
حسيت شىء حلو جديد
شىء حلو و بس
شىء زي ليالي العيد
بالروح يتحس
انا عايزة احكي له و خايفة
خايفة من ايه مش عارفه
غلبت و احتار غلبي
ايه الحكاية ياقلبي تكونش بتحب
ايوه انت بتحب بتحب ده و تدوب فى ده
و اشمعنى ده ارتحت له و فتحت له لما نادى
إيه هو ده اشمعنى ده سهرت له
و احترت له قوام قوام

إيه هو ده - نجاة الصغيره mp3

[MEAUDIO]https://ia801502.us.archive.org/24/items/ward2u_02/021.iyh_hu_dh.mp3[/MEAUDIO]

**manino** **manino** · 03-09-2011, 04:22 PM

الله و الله كلمة شكر شوية
عليك استاذنا الغالي
محمد ورد
و الحلوة
امورتنا ران
فعلا روائع نجاة الرائعة

ما استغناش

كلمات :
الحان :

ما استغناش عنك بالدنيا ما استغناش
انا فى الحب يا احبك انت يا اما بلاش
ما استغناش عنك بالدنيا ما استغناش
انا فى الحب يا احبك انت يا اما بلاش
يا احبك انت يا اما بلاش ما استغناش عنك

بيشغلونى كتير حسادك بيشغلونى
و يحايلونى و كل مُناهم لو نسونى
انما ابدا
دا انت حياتى و ضى عيونى
بيشغلونى كتير حسادك بيشغلونى
و يحايلونى و كل مُناهم لو نسونى
انما ابدا دا انت حياتى و ضى عيونى
و مافيش حب بيلمس قلبى غيرك انت
و لا حد بيشغل عمرى بعد كانت
و مافيش حب بيلمس قلبى غيرك انت
و لا فى حد بيشغل عمرى بعدك انت
ما استغناش عنك بالدنيا ما استغناش
انا فى الحب يا احبك انت يا اما بلاش
يا احبك انت يا اما بلاش ما استغناش عنك

ما استغناش ما استغناش
ما استغناش عن حبك ليا و لا احساسك
و الحنية ما استغناش
و لا عن فرحه قلبك بيا ما استغناش
ما استغناش ابدا يا عنيا عن تفكيرك
دايما فيا
ما استغناس مستغناش
ابدا يا عنيا عن تفكيرك دايما فيا
و لا عن لهفه شوقك ليا
و لا فى حب بيلمس قلبى غيرك انت
و لا فى حد بيشغل عمرى بعدك انت
ما استغناش عنك بالدنيا ما استغناش
انا فى الحب يا احبك انت يا اما بلاش
ما استغناش عنك

ما استغناش - نجاة الصغيره mp3

[MEAUDIO]https://ia801502.us.archive.org/24/items/ward2u_02/022.ma_aistighnash_eank.mp3[/MEAUDIO]

**امل نيازى** **امل نيازى** · 03-09-2011, 08:48 PM

الله عليك امورتنا الجميلة
اختيار جميل للرائعة نجاة
يسلم ذوقك دمت بحب

عيون القلب

كلمات : عبد الرحمن الابنودى
الحان : محمد الموجى

عيون القلب سهرانه ما بتنامشى
لا أنا صاحية و لا نايمه ما بقدرشى
يبات الليل يبات سهران على رمشى
و انا رمشى ما داق النوم
و هوا عيونه تشبع نوم
روح يا نوم من عين حبيبى روح يا نوم
حبيبي حبيبي اه من حبيبي
عليه احلى ابتسامه
لما بتضحك عيونه بقول يالله السلامه
لما يسلم عليا و الا يقولي كلام
عايزه ورا كل كلمه اقوله يا سلام يا سلام
دا قالي في يوم يا حبيبتي خذي القمر
و رحت معاه و ما اداني إلا السهر
و انا رمشى ما داق النوم
و هوا عيونه تشبع نوم
روح يا نوم من عين حبيبى روح يا نوم
تقولي كلام و افرح بيه انا افرح بيه
اسيب النوم و افكر فيه انا افكر فيه
انت تقول و تمشى و انا اسهر ما انامشي
يا للي ما بتسهرشي ليله يا حبيبي
سهرني حبيبيى حبك يا حبيبي
بكتب ع الليالي اسمك يا حبيبي
دا قالي في يوم يا حبيبتي خذي القمر
و رحت معاه و ما اداني إلا السهر
و انا رمشى ما داق النوم
و هوا عيونه تشبع نوم
روح يا نوم من عين حبيبى روح يا نوم
حبيتك يا حبيبى من غير ما سأل سؤال
و حاسهر يا حبيبى مهما طال المطال
انا بس الى محيرنى و ما خلانيشى انام
ازاى انا بقدر اسهر و ازاى تقدر تنام
و أقوله حبيبي كل ما فيك حبيبي
و حلو صوتك حلو قلبك حلو
و حتى لما تتعبني و اسهر لك سهرك حلو
و انا رمشى ما داق النوم
و هوا عيونه تشبع نوم
روح يا نوم من عين حبيبى روح يا نوم

عيون القلب - نجاة الصغيره mp3

[MEAUDIO]https://ia801502.us.archive.org/24/items/ward2u_02/023.euyun_alqalb.mp3[/MEAUDIO]

يتبع

**تقى** **تقى** · 03-10-2011, 01:32 PM

ما تسألنيش

كلمات : محمود عفيفي
الحان : يوسف شوقى

ما تسألنيش على قلبي اللي كان في ايديك
و لا روحى اللى ياما رفرفت حواليك
ما تسالنيش على حكايه كانت لي معاك
و ورده ما فضل منها غير الاشواك
ما تسألنيش ده طول البعد بيقطع خيوط الود
و لما الميه بتغيب يوم بيبخل ع الغصون الورد
ما تسألنيش و لا تفكر و لا تدور على ذكرى
و روح في طريق و انا في طريق
و يمكن نلتقي بكره يمكن
و ايه راح يجرى ما اعرفش
ده برضه العشرة ما تهونش
يجوز الشوق يرجعنا لكن امتى
ما تسألش و ما تسألنيش و ماتسألنيش

ما تسألنيش - نجاة الصغيره mp3

[MEAUDIO]https://ia801502.us.archive.org/24/items/ward2u_02/024.ma_tsalnish.mp3[/MEAUDIO]

**السعدية** **السعدية** · 03-10-2011, 05:01 PM

فى يوم واحد

كلمات:
الحان:

بنتعاتب و نتخاصم
و نتعاتب و نتصالح
و نرجع تاني نتخاصم في يوم واحد
بقى ده حب يا قاسي
بقى ده قرب يا قاسي
بنتعاتب و نتصالح في يوم واحد
يا قلبك ده اللى بيطوعك تحيرنى
و تيجى بعد ما اتحير تصبرنى
تصبرنى عشان ترجع تحيرني
و اشوفك كل ساعه فى حال
حرام ده بس و الا حلال
بقى ده حب يا قاسي
بقى ده قرب يا قاسي
بنتخاصم و نتصالح في يوم واحد
فى يوم واحد اقاسي معاك عذاب ايام
و لا بترحمنى يوم واحد من الالام
و ظلم الحب و حياتك ده يبقى حرام
و اشوفك كل ساعه فى حال
حرام ده بس و الا حلال
بقى ده حب يا قاسي
بقى ده قرب يا قاسي
بنتخاصم و نتصالح في يوم واحد

فى يوم واحد - نجاة الصغيره mp3

[MEAUDIO]https://ia801502.us.archive.org/24/items/ward2u_02/025.fi_yawm_wahid.mp3[/MEAUDIO]

**المتمردة الجميلة** · 03-10-2011, 05:44 PM

و حياه ابنك

كلمات:
الحان:

و حياه ابنك و حياه ابنى
ما تفوتنيش فى النار و تسبنى
و حياه ابنك و حياه ابنى
ما تفوتنيش فى النار و تسبنى
ارجع تاني مش علشانى
ارجع تاني مش علشانى
علشان خاطر ابنك و ابنى
علشان خاطر ابنك و ابنى
ارجع شوف ابنك من تاني
ناقصه حنانك قبل حناني
ارجع شوف ابنك من تاني
ناقصه حنانك قبل حناني
زعلان منى طب اسأل عنه
ليه على ابنك تبقى الجانى
ابنى صغير ليه يتحير
كل ما يسأل بيدوبنى
ارجع تاني مش علشانى
ارجع تاني مش علشانى
علشان خاطر ابنك و ابنى
علشان خاطر ابنك و ابنى

و حياه ابنك - نجاة الصغيره mp3

[MEAUDIO]https://ia801502.us.archive.org/24/items/ward2u_02/026.w_hayat_iibnk.mp3[/MEAUDIO]

**الفنانه** **الفنانه** · 03-11-2011, 02:13 PM

اسهر و انشغل انا

كلمات : مأمون الشناوى
الحان : كمال الطويل

اسهر و انشغل انا
و انت و لا انت هنا
ظالمني معاك و مش بنساك
شوف كم سنة
فين ايام مع الاحلام قضيناها
يجرى لنا ايه لو عدناها
و نغني سوا في نعيم الهوى
ظالمني معاك و مش بنساك
شوف كم سنة
مين قساك على اللي هواك يا شاغلني
تنساني ليه يا هاجرني
و البعد ضنى و القرب هنا
ظالمني معاك و مش بنساك
شوف كم سنة

اسهر و انشغل انا - نجاة الصغيره mp3

[MEAUDIO]https://ia801502.us.archive.org/24/items/ward2u_02/027.ashar_w_ainshaghal_ana.mp3[/MEAUDIO]

يتبع

**نااانو** **نااانو** · 03-11-2011, 04:42 PM

الله على كم هذه الاغانى الرائعة
مجموعه من روائع الكلمات و الالحان
مع الصوت الدافئ الجميل نجاة الصغيرة
استمتعت كثيرا بهذه الروائع
و اهديكم كلمات اغنيه رائعة أيضا

غريبه منسيه

كلمات :
الحان :

قريبه منسيه
بعيدة منسيه
غريبه من يومى
فى وحدتى ديه
من يومى مظلومه
من يومى محرومه
من كل حنيه
منسيه منسيه
سنين يا عينى وراها سنين
و ادينى صابره مع الصابرين
عيون حزينه بال مشغول
و قلبى زى الدنيا حزين
و بين حبايبى و ظلم حبايبى
قاسيت كتير يا حبيبى يا قلبى
و ادينى منسيه
عايشة لوحديه
غريبه من يومى
فى وحدتى ديه
من يومى مظلومه
من يومى محرومه
من كل حنيه
منسيه منسيه
يا عينى بينى و بين الناس
بحرين دموع و هموم بحرين
و انا منين و اعز الناس
ماليين حياتى بدمع العين
و بين حبايبى وظلم حبايبى
قاسيت كتير ياحبيبى يا قلبى
و ادينى منسيه عايشه لوحديه
غريبة من يومى
فى وحدتى ديه
من يومى مظلومه
من يومى محرومه
من كل حنيه
منسيه منسيه
بقالى زمان حبايبى مشغولين عنى
بقالى زمان و ليلى نهارى فايتينى
بقالى زمان
بغنى لورده عطشانه
بكلم نجمه حيرانه
بدور ع اللى يسمعنى
اقوله شكوتى وهمى
و لما جرحى يوجعنى
يداوى جرحى و يسمى
لكن يا عينى هنشكى لمين
للمشغولين و الا الناسيين
خلينى منسيه
عايشه لوحديه
غريبة من يومى
فى وحدتى ديه
من يومى مظلومه
من يومى محرومه
من كل حنيه
منسيه منسيه

غريبه منسيه - نجاة الصغيره mp3

[MEAUDIO]https://ia801502.us.archive.org/24/items/ward2u_02/028.ghuribuh_mansih.mp3[/MEAUDIO]

**admin** **admin** · 03-11-2011, 05:19 PM

من كلمات الاغاني المحببه الى نفسي
كلمات اغنيه الطير المسافر
و هذه الاغنيه تحديدا كان لها ذكرى فى نفس كل بورسعيدى
اجبر على الهجره الداخليه بعد نكسه 1967
و كلما شدت نجاه بمقطعها المؤثر
حبايبنا فى الغربه عاملين ايه
تعبانين و الا مرتاحين
فرحانين و الا زعلانين
مشتاقين ليكم مشتاقين
كان معظم اهل بورسعيد يبكون
حنينا و اشتياقا لمدينتهم بورسعيد
لذا احببت المشاركه بهذه الاغنيه

الطير المسافر

كلمات :
الحان : بليغ حمدى

و بعتنا مع الطير المسافر جواب و عتاب
و تراب من أرض أجدادي
و زهرة من الوادي
يمكن يفتكر اللي هاجر
ان له فى بلاده أحباب
و بعتنا و قلنا يا نور عيونا
ليه بعدت عنا و حكايتك ايه
زهرة قلوبنا دبلت و دبنا
من غير حبيبنا يرويها ايه
حبايبنا عاملين ايه
في الغربة و أخباركم ايه
مرتاحين و الا تعبانين
فرحانين و الا زعلانين
مشتاقين ليكم مشتاقين
من عيونكم محرومين
و ابعتوا لنا مع الطير اللي راجع
قوام سلام و كلام
يمكن يريحنا و الا يفرحنا
و يقول للقلب انه فاكر
ان له فى بلاده أحباب

الطير المسافر - نجاة الصغيره mp3

[MEAUDIO]https://ia801502.us.archive.org/24/items/ward2u_02/029.altayr_almusafir.mp3[/MEAUDIO]

إعـــــــلان

تحميل جميع اغانى نجاة الصغيره mp3

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك