إعـــــــلان

**شوق الامل** **شوق الامل** · 03-12-2011, 09:18 PM

بان عليا حبه

كلمات : صلاح جاهين
الحان : كمال الطويل

بان علي حبة من اول ما بان
ياما كنت بحلم و الله بحبه من زمان
كان الحب حبه بيبان طرحت محبه
و عيون الحليوة يا عينى بحر من الحنان
من اول ما شفت عيونه
انا قلت الليالى يهونوا
تحميه السما و تصونه
انا شفت اللى مستنينى
و عرفت اللى هايهنينى
من اول ما بان
و عيون الحليوة يا عينى
بحر من الحنان
من خوفى عليه ما بنامشى
و افرش له طريقه برمشى
هنانى و هواه ما رحمشى
ليه لما نده لبيته
ليه بين الضلوع خبيته
من اول ما بان
و عيون الحليوه يا عينى
بحر من الحنان
شباك الامل و فتحته
و الدنيا جناين تحته
يا دموعى خلاص ارتحتوا
من امتى يا قلبى فرحنا
و الدنيا بقت تفرحنا
من اول ما بان
و عيون الحليوة يا عينى
بحر من الحنان

بان عليا حبه - نجاة الصغيره mp3

[MEAUDIO]https://ia801502.us.archive.org/24/items/ward2u_02/030.ban_ealayh_hubh.mp3[/MEAUDIO]

**Bulla** **Bulla** · 03-13-2011, 04:05 PM

كلمنى عن بكره

كلمات : مأمون الشناوى
الحان : كمال الطويل

كلمنى عن بكره و ابعد عن امبارح
باخاف من الذكرى و سهمها الجارح
كلمنى عن بكره عن بكره كلمنى
لو ذكرى حلوه اندم عليها تانى
لو فيها قسوه قلبى يقاسيها تانى
ليه ذكريات الندم و ذكريات الالم
لا تقول و لا اسمع هو اللى فات يرجع
كلمنى عن بكره و ابعد عن امبارح
باخاف من الذكرى و سهمها الجارح
كلمنى عن بكره عن بكرة كلمنى
كلمنى عن ايام بالفرحه تتمخطر
و احكيلى عن احلام لسه هاتتفسر
املا طريق الهوى بالورد للعاشقين
الورد نجنيه سوا و شوكه للحاسدين
لا تقول و لا اسمع هو اللى فات يرجع
كلمنى عن بكره و ابعد عن امبارح
باخاف من الذكرى و سهمها الجارح
كلمنى عن بكره عن بكره كلمنى
الجديد فى الفرح احلى م اللى فات
و الجديد فى الجرح اهون م القديم
الهنا نبكيه اذا كان ذكريات
و ان فرحنا بيه ربيع من غير نسيم
لا تقول و لا اسمع هو اللى فات يرجع
كلمنى عن بكره و ابعد عن امبارح
باخاف من الذكرى و سهمها الجارح
كلمنى عن بكرة عن بكرة كلمنى

كلمنى عن بكره - نجاة الصغيره mp3

[MEAUDIO]https://ia801502.us.archive.org/24/items/ward2u_02/031.kalimuni_ean_bokurh.mp3[/MEAUDIO]

يتبع

**هالة** **هالة** · 03-13-2011, 07:01 PM

عودة مرة اخرى لموضوعك الجميل
امورتي الحلوة ران
اهديكي و احبتنا اغنية

فاكره
كلمات : عبد الوهاب محمد
الحان : حلمي بكر

فاكرة
انا ناسية و فاكره
حبه بقى ماضي و ذكرى
يعني عندي يا دوب فكرة
لكن خلينا في بكرة
خلينا خلينا في بكرة

آه على اللي بتمناه
ياه ياه على اللي بتمناه
آه على اللي بستناه
ياه ياه على اللي بتمناه
ده كده أهو
دانا عمري هيبتدي وياه
انا عاوزة أطير مع حب كبير
أكبر بكتير من كل غرام
عرفوه الناس
و أعيش و اعيش
و أنا غيره ماليش
و في قلبي مافيش أكتر
م الحب و م الاحساس
أنسى روحي معاه
و ألقاه لحياتي حياه

أيوه ادي كل امالي
حلوه و أجمل في خيالي
يعني لأ دي حكاية تانية
هو أحلى ما في الدنيا

أهلاً بالحب يا أهلاً بيه
و بهنا لياليه
و بفرحه و بجرحه
و بكل ما فيه
ماهو لولا الحب نعيش على إيه
و لا نعيش ليه
و اليوم في الايد
و لا عمر بعيد
ما هو اصل الحب
مالوش مواعيد
و مافيش يا سلام
يا سلام زي الأحلام
و مافيش يا سلام
يا سلام زي الأيام
ساعة ما نخاف
إزاي بغرام
أنسى روحي معاه معاه
و ألقاه لحياتي حياه

فاكره - نجاة الصغيره mp3

[MEAUDIO]https://ia801502.us.archive.org/24/items/ward2u_02/032.fakirah.mp3[/MEAUDIO]

**السويدي** **السويدي** · 03-14-2011, 04:22 AM

الامورة ران مشاركة اكثر من رائعة
فنانه راقية الحس صوت رخيم
عشقنا صوتها صغارا و بكينا فى طفولتنا لبكاء الكبار
شكرا محمد ورد لتقديم اغنية
الطير المسافر
و عشقنا صوتها شبابا و كانت ترفرف قلوبنا فرحا
يا اجمل ليلة فى عمرى حبيبي جه
شكرا لك الامورة ران
شكرا محمد ورد ننتظر سماع اغنيه
لم اسمعها من زمان
تسلم الايادى

إستنانى

كلمات : مأمون الشناوى
الحان : كمال الطويل

يا قلبي طير في الهوا
و اهدي حبيبي سلام
اللي حرمنا وداعه
و فاتنا للاوهام
و قل له هو اللي بينا
حب و الا كلام
و حلفه بكل غالي
يروح و يرجع قوام
ناديت عليه لا رد صوت و لا صدى
ناديت ناديت و غلبت من طول الندا
استناني استناني
هي دقيقه كتيره علشاني
استنيتك عمر بحاله
مش قادر تستني ثواني
ده انت حبيبي إستنانى
كنت هاقول لك
ماتسيبنيش للشوق و الحيرة
و خوفي عليك
و ابقي ابعت لي كلمه تهدي
الشوق و تطمن قلبي عليك
كنت هاتسمع دمع عينيه
بيقولك ماتغيبشي علي
كان هايقول لك لمس ايديه
فكر فيا فكر فيا
ناديت ناديت
ماسمعت غير صوتي انا
يا ريت ما جيت
و لا قلبي كان جابني هنا
دنيا غريبه عليا
و انت بعيد عن عينيه
و آه لو عرفت اللي بيا
تبكي معايا عليا
إستنانى إستنانى
هي دقيقة كتيرة علشاني
استنيتك عمر بحاله
مش قادر تستني ثواني
ده انت حبيبي استناني
إستنانى إستنانى
يا واخد الدنيا الحلوة معاك
يا خوفي تنسي الدنيا هناك
طب فين اروح وحدي
و دمعي على خدي
لا كلمة حلوة في ودني
و لا وداعك في حضني
دنيا غريبة عليا
و انت بعيد عن عيني
و آه لو عرفت اللي بيا
تبكي معايا عليا
إستنانى إستنانى
هي دقيقة كتيره علشاني
استنيتك عمر بحاله
مش قادر تستني ثواني
ده انت حبيبي إستنانى
إستنانى إستنانى

إستنانى - نجاة الصغيره mp3

[MEAUDIO]https://ia801502.us.archive.org/24/items/ward2u_02/033.iistnani.mp3[/MEAUDIO]

**looly85** **looly85** · 03-15-2011, 01:10 PM

القريب منك بعيد

كلمات: حسين السيد
الحان: محمد عبد الوهاب

القريب منك بعيد
و البعيد عنك قريب
كل ده و قلبي اللي حبك
لسه بيسميك حبيب
حبيب عينيه حبيب أحلامي
حبيب دموعي و هنى ايامى
أهون عليك أسهر بألامي
و توه نجوم الليل فى ضلامى
يا رايح للي فايت لي عيوني
سهرانه و لا داري
أمانة اوصف له دمع عيوني
طول ليلي و نهاري
آه منك آه منك
كل ده و قلبي اللي حبك
لسه بيسميك حبيب
فاكر و الا ناسي ياما كنت بقاسي
حتى مع الايام الحلوه
وقت ما كنت باقابلك فيها
كانت الفرحة معاك توحشني
قبل ما يجي ميعاد لياليها
كنت لسه في الحب لسه بتعلم جديد
ما كنتش اعرف ان القريب منك بعيد
يا رايح للي فايت لي عيوني
سهرانة و لا داري
أمانه اوصف له دمع عيوني
طول ليلي و نهاري
آه منك آه منك
كل ده و قلبي اللي حبك
لسه بيسميك حبيب
يا للي آمر من بعدك لقاك
يا للي أمر من هجرك رضاك
يا غربتي و انت بعيد عني
يا غربتي و انت قريب مني
يا حب اقول له ايه
يا حب اسامحه ليه
دا العذاب هو اللي يسامحه
و السهر هو اللي يسامحه
و الدموع هي اللي تسامحه
يا رايح للي فايت لي عيوني
سهرانه و لا داري
أمانه اوصف له دمع عيوني
طول ليلي و نهاري
آه منك آه منك
كل ده و قلبي اللي حبك
لسه بيسميك حبيب

القريب منك بعيد - نجاة الصغيره mp3

[MEAUDIO]https://ia801502.us.archive.org/24/items/ward2u_02/034.alqarib_mink_baeid.mp3[/MEAUDIO]

**برتقاله** **برتقاله** · 03-15-2011, 09:32 PM

عيش معايا

كلمات: صلاح جاهين
الحان: كمال الطويل

يا حياة عمري بقالي عمر
يوم ما جمعني بيك
عمر غالي يغلا اكتر
يوم ما يقدر يفتديك
عيش عيش معايا
يا حبيبي عيش معايا
انت و الحب و هنايا
مهما عشنا يا حبيبي يا حبيبي
عمر واحد مش كفايه
مش كفايه حبيبي ليك مش كفايه
يا حبيبي مين انا
انا مين و الا انت مين
و لا احنا مين يا حبيبي
احنا روح بتحب روح
للحب يا روح الروح
للشوق للحنين
عيش معايا عيش
معايا بعيد عن الدنيا
عيش معايا بعيد عن كل عين
دا الهوى و الحب و الاشواق
علشانا مخلوقين يا حبيبي
عايزه اعيش وياك سنين
في الحب موصوله و طويله
عايزه اكون فرحه تلاقيها
في دنيا افراحها قليله
انسى زيي كل شئ
الا الهوى و ناره الجميله
عيش عيش معايا يا حبيبي
عيش معايا انت و الحب و هنايا
مهما عشنا يا حبيبي يا حبيبي
عمر واحد مش كفايه
مش كفايه حبيبي ليك مش كفايه
يا ابتسامة عمر
عاش العمر
يحلم بابتسامه
ياما صور لي الامل
في هواك نعيش
في الحب ياما ياما ياما
الحب سرقني يا روح قلبي
و ياك من تاني
الحب معاك بجناح وردي
على السما مشاني
روحي تعالى تعالى تعالى
مفيش اماني محاله تعالى
دا كل يوم له فرحه
و كل يوم له حاله
تعالى تعالى تعالى
عطشان لعينيك يا حبيب قلبي
عطشان لعينيك
اشرب و لا اشبع
من ليلهم و لا من لياليك
عيش عيش معايا يا حبيبي
عيش معايا انت و الحب و هنايا
مهما عشنا يا حبيبي يا حبيبي
عمر واحد مش كفايه
مش كفايه حبيبي ليك مش كفايه

عيش معايا - نجاة الصغيره mp3

[MEAUDIO]https://ia801502.us.archive.org/24/items/ward2u_02/035.eish_maeaya.mp3[/MEAUDIO]

يتبع

**الورقة الخضراء** · 03-17-2011, 06:24 AM

مهما الايام تعمل فينا

كلمات : عبد الوهاب محمد
الحان : حلمى بكر

مهما الايام تعمل فينا
ما بنستغناش عن بعضينا
ما بنستغناش ابداً ابداً
ما بنستغناش عن بعضينا
قد ما نتخاصم ياعوازل
اهو حبة بحبة بنتنازل
ارجوكوا سيبونا هاتلقونا
بنصالح بعض لوحدينا
و لا نستغناش عن بعضينا
ياما اتخاصمنا سوا
لكن بنبقى احباب ياما
و بيحلى بنا الهوى
حتى و هو عذاب ياما
و يعود الود يجمعنا
و الشوق بالفرح يدمعنا
و زعلنا يروح وياه ملامكو
و بنضحك على كتر كلامكو
و نعيش صافيين رايقين راضيين
راضيين
ارجوكو سيبونا هاتلقونا
بنصالح بعض لوحدينا
و لا نستغناش عن بعضينا
ياما كتير قبلكوا
قالوا و عادوا كلام ياما
مافتش بنا اثر
غير انه زدنا غرام ياما
حتى المرة دي انا هاروح له
اراضيه من قلبي المفتوح له
و نعيش صافيين رايقيين راضيين
راضيين
ارجوكوا سيبونا هاتلقونا
بنصالح بعض لوحدينا
و لا نستغناش عن بعضينا

مهما الايام تعمل فينا - نجاة الصغيره mp3

[MEAUDIO]https://ia801502.us.archive.org/24/items/ward2u_02/036.mahma_alayam_taemal_fina.mp3[/MEAUDIO]

**شريرة** **شريرة** · 03-18-2011, 10:26 AM

تفرق كتير

كلمات : صلاح جاهين
الحان : سيد مكاوى

تفرق كتير كتير كتير
احبك الحب الكبير
بشكل لسه
مالوش نظير
احبك الحب الكبير
و تحبني كدة حب عادي
زى حالة ناس كتير
تفرق كتير يا حبيبى
لا يا حبيبى لا تفرق كتير
تفرق كتير عواطفنا لبعض
فرق السما فى بعدها م الارض
الحب فوق كل ده يتحس
ما بينا احنا الاتنين بس
و النيه و الاحساس الاتنين
مش راح اشوفهم أنا بالعين
لكني هلمسهم بالروح
و احس بيهم امتي و فين
ما تحبنيش كده حب عادى
زى حاله ناس كتير
تفرق كتير يا حبيبى
لا يا حبيبى لا تفرق كتير
ما أقدرش أقولك عايزه ايه
و يرضينى ايه
الحب ما يجيش بالكلام
و لا بالسكوت و ازاى و ليه
ما أقدرش أقولك
حتي و أنا معاك و الايد فى الايد
ايه معنى لقاك و شعورنا بعيد
لا ما تحبنيش كده حب عادى
زى حالة ناس كتير
تفرق كتير يا حبيبى
لا يا حبيبى لا تفرق كتير

تفرق كتير - نجاة الصغيره mp3

[MEAUDIO]https://ia801502.us.archive.org/24/items/ward2u_02/037.tafaraq_katir.mp3[/MEAUDIO]

**radwa youssry** **radwa youssry** · 03-19-2011, 03:55 AM

العوازل ياما قالوا

كلمات : انور عبدالله
الحان : محمد عبد الوهاب

العوازل يا ما قالوا ليه تحبه ليه
رد قلبي قال و ماله لما أحبه ايه
آه بحبه آه بحبه آه بحبه
قالوا ده غدار و قاسي و قلبه فاضي
من زمان هاجرك و ناسي قلت لهم راضي
مهما قلتم مهما عدتم
هو روحي اللي بحبه
آه بحبه آه بحبه
قالوا قلبك رح يدوب دقه دقه
و انت مش عايز تتوب قلت لأ
مهما قلتم مهما عدتم
هو روحي اللي بحبه
آه بحبه آه بحبه
قالوا مين بكّى عينيك قلت هو
قالوا يا عيني عليك شوق و قسوه
مهما قلتم مهما عدتم
هو روحي اللي بحبه
آه بحبه آه بحبه
آه بحبه

العوازل ياما قالوا - نجاة الصغيره mp3

[MEAUDIO]https://ia801502.us.archive.org/24/items/ward2u_02/038.aleawazil_yama_qalu.mp3[/MEAUDIO]

**عبد الوهاب** **عبد الوهاب** · 05-15-2011, 06:10 PM

رائع دلك الزمن الجميل مشكورين اخوان
على المجهودات بارك الله فيكم

الشوق و الحب

كلمات :
الحان :

الشوق و الحب الشوق و الحب حلى
دلوقتى بس حلى
عايز تعيد اللى فات
الحب و الذكريات ليه
حلى دلوقتى بس حلى
علشان ترجعنى لزمان
علشان تورينى الهوان لا لا لا
شوف يا قلبى اللى بكانى و هد كيانى
جاى دلوقتى يقول سامحينى
شوف يا قلبى قسوة قلبة مرة رمانى
و راجع تانى عشان يرمينى
الشموع اللى طفتها يا قلبى شمعه شمعه
مستحيل مستحيل تولع له تانى لا لا لا
الدموع اللى اشترتها بعمرى دمعه دمعه
مستحيل مستحيل هايشوفها تانى لا لا لا
كنت اقولك خاف خاف على قلبى و داديه داديه
و اشترينى من عذابى و اشتريه
حس بيا خاف عليا خش قلبى و ارحمه
احسن فى يوم مش هاتلاقيه مش هاتلاقيه
شوف يا قلبى اللى بكانى و هد كيانى
جاى دلوقتى يقول سامحينى
شوف يا قلبى قسوة قلبه مره رمانى
و راجع تانى عشان يرمينى
الشموع اللى طفتها شمعه شمعه يا قلبى
مستحيل مستحيل تولع له تانى لا لا لا
الدموع اللى اشترتها بعمرى دمعه دمعه
مستحيل مستحيل هايشوفها تانى لا لا لا
قولى جاى ليه راجع تانى ليه
بعد الحب ما راح بعد الشوق ما ارتاح
راجع تانى ليه هاتقول ايه بعد ايه
لا كفايه مش هاقاسى مش هاقاسى مرتين
لو رجعنا يمكن اندم و ابقى زيك و اخدعك
و النار معاك تصبح نارين
شوف يا قلبى اللى بكانى و هد كيانى
جاى دلوقتى يقول سامحينى
شوف يا قلبى قسوة قلبه مره رمانى
و راجع تانى عشان يرمينى
الشموع اللى طفتها يا قلبى شمعه شمعه
مستحيل مستحيل تولع له تانى لا لا لا
الدموع اللى اشترتها بعمرى دمعه دمعه
مستحيل مستحيل هايشوفها تانى لا لا لا
الشوق و الحب

الشوق و الحب - نجاة الصغيره mp3

[MEAUDIO]https://ia801502.us.archive.org/24/items/ward2u_02/039.alshuwq_w_alhob.mp3[/MEAUDIO]

يتبع

**الامورة ران** **الامورة ران** · 05-21-2011, 05:46 PM

أهلا بكل الحاضرين بين طيات هذا المتصفح
وقد زادوا بحضورهم جمالا و رونقا فوق بتلاته
التي زهوت بردودكم العطِرة ..
و لكم قوافل مليئة بالشكر و الامتنان لعبوركم هنا
و مع حبي لصوت نجاة الصغيرة
احبه اكثر بمشاركتكم سماعي إياه
فالصوت مع اللحن يزدهر
و مع حضوركم يزداد ازدهارا و جمالا
أحبتي ليس جحدا انني لم أخص كلا منكم برد مستقل
و لكنكم عندي بنفس المقام السامي
و الراقي و معزتكم عندي سواء ..
و كل ردودكم مع كلامي و شكري و امتناني
أقدمها شكرا لصاحب العطاء و الحس الراقي
و النبيل بكل معاني السمو الروحاني
الاستاذ الفاضل محمد ورد و اقدر جهوده
و سخاء كرمه اللامنتهي ..

و قد نحتاج الى كم هائل من هذه الخطوط الملونة
لتصف لنا ما نريد ايصاله و ما يعترينا
و لكن الكلمات تهرب منا احيانا عندما نحتاجها
او ان حروف الابجدية تأبى بأن توصل ما في قلوبنا
داخل اطار الكلام ..

اكرر شكري لكم جميعا .. و لكم وفائي دائما

هجرت الحب

كلمات : مام الصفطاوي
الحان : كمال الطويل

هجرت الحب من وجدي و كتر قساك
و ودعتك و كان عندي امل انساك
و فارقتك و انا راضي
اراضي الشوق و احايل فيه
و عشت بعيد عن الماضي
عشان انسي جمال لياليه
هجرت الحب
لاقيت رسمك بيضحكلي و شفت عنيك
ناديت اسمك و لا وصلشي ندايا اليك
و طال ندايا و طال جفاك
و طال قسايا و انا معاك
هجرت الحب
صعب على القلب حاله
و قالي امرك عجيب
مسكين بتعشق خياله
يا ريته كان الحبيب
خلاني فتحت عيوني
ما لاقيتش غير وحدة و اشجان
ما اقدرتش اكتم في حنيني
و الشوق ناداني لعهد زمان
و انا محتار في جنه و نار
م الماضي و م الافكار
و فارقتك و انا راضي
اراضي الشوق و احايل فيه
و عشت بعيد عن الماضي
عشان انسى جمال لياليه
هجرت الحب
و مرت لحظه من عمري
نسيت افراحي و جروحي
و سلمت الهوي امري
و قلت انا فيك لاقيت روحي
رجعت لحبي من حبي عشان القاك
و جتلك تاني و في قلبي امل فى رضاك

هجرت الحب - نجاة الصغيره mp3

[MEAUDIO]https://ia801502.us.archive.org/24/items/ward2u_02/040.hujirat_alhab.mp3[/MEAUDIO]

**hammoudagourai** **hammoudagourai** · 05-26-2011, 05:41 AM

نجاة الكبيرة بفنها و بصوتها الفاتن و دلعها المثير
شكرا لك دائما و ابدا على كل ما قدمته لنا
من متعة طيلة سنين عديدة

الا فراق الاحباب

كلمات : محمود عفيفي
الحان : يوسف شوقى

و لا يصعب على قلبي و عيني الا فراق الاحباب
و لا شوق الدنيا يكفيني لو نور لياليكم غاب
مهما بعدنا و تغربنا
و الدنيا يا ناس دارت بينا
ما يريحنا غير حبايبنا
و لا ليله تهون من ليالينا

نتحمل لوم و عتاب نتحمل لوم و عتاب
الا فراق الاحباب

لو كنتوا قدرتوا على بعدنا
و الله ما حنش قادرين
و لا كل الدنيا تعوضنا عنكو يا اغلى الغاليين

طول ما انتوا بعيد بعيد بعيد مش حوالينا
وعد علينا و مكتوب
لا قمر بينور ليالينا بينور ليالينا
و لا شمس تدفي قلوب
صعبه الايام كدا من غيركم هنا ولا هناك
هنا و لا هناك لنا مين غيركم صعبه الايام
يا للي اتعودنا على هواكم اتعودنا
ليه الايام ليه واخذاكم ليه و بعدنا
الا فراق الاحباب

سهرانه قوبنا بتستنى و تعبنا من الاشواق
سهرانه العين و بتتمنى ما يطولش ما بينا فراق
و لا طعم الدنيا بيحلالنا و لا فيها جديد
ومنين ح نجيب راحت بالنا طول ما انتوا بعيد
يا للي اتعودنا على هواكم اتعودنا
ليه الايام ليه واخذاكم ليه و بعدنا
الا فراق الاحباب

الا فراق الاحباب - نجاة الصغيره mp3

[MEAUDIO]https://ia801502.us.archive.org/24/items/ward2u_02/041.iila_firaq_alhabab.mp3[/MEAUDIO]

**safynaz** **safynaz** · 12-03-2012, 10:25 PM

شكرا لك الاخت ران على اغانى احب مطربة لى

كل فين و فين

كلمات :
الحان :

باليوم و اليومين باندهلك باليوم و اليومين
و لكل الحبايب دنيا و احنا في دنيتين
بتسافر ليالي و ترجع
كل فين و فين
و ان حتى افتكرت بتسأل
كل فين و فين
إيه طول غيابك
ليه باسمع جوابك كل فين و فين

يا مخلي السنين تعاتبني
ع السهر اللي بيدوبني
و القمر اللي ليلة يجيني
و بقية الليالي سايبني
من يوم ما الحنين ودعنا
ما بقتش القلوب تسمعنا
و كأني ابتديت اتعود
على إن الصدف تجمعنا
إيه طول غيابك ليه بسمع جوابك
كل فين و فين

على قد اللي ضاع من عمري
ما خاصمتش زمانك عمري
و لا طول الفراق بينسي
و لا سهر الليالي بأمري
لا انا قد الزمان و لا حيرته
و لا قد الفراق و لا سيرته
و بعاتبك و لهفة قلبي
محتاجه لوجودك جانبي
إيه طول غيابك
ليه بسمع جوابك
كل فين و فين

كل فين و فين - نجاة الصغيره mp3

[MEAUDIO]https://ia801502.us.archive.org/24/items/ward2u_02/042.kl_fyn_w_fyn.mp3[/MEAUDIO]

**علا الاسلام** **علا الاسلام** · 01-12-2017, 09:25 PM

طاير يا حمام

كلمات :
الحان :

طاير يا حمام مرسال الغرام
تهدي الشوق لخلّي
و تجيب لي السلام
طاير يا حمام يا حمام طاير
طاير يا حمام

يا طير ياللي جانى
جاني الليله حبي
و طبول البشاير دقّت
دقت له في قلبي
طول ما الحلو جانبي عالدنيا السلام
طاير يا حمام يا حمام طاير
طاير يا حمام

لاوقد له شموعي شموعى
بالشوق من ضلوعي
و اسقي ورد خده خده
من الفرحة بدموعي
يا ناس ما عليَّ في حبه ملام
طاير يا حمام يا حمام طاير
طاير يا حمام

هلّ الفرح بدري لمّا هل بدري
لاشرح له غرامي غرامي
و اوفي له ب ندري
و اغني الليله دي و لا داقش منام
طاير يا حمام يا حمام طاير
طاير يا حمام

طاير يا حمام - نجاة الصغيره mp3

[MEAUDIO]https://ia801502.us.archive.org/24/items/ward2u_02/043.tayir_ya_hamam.mp3[/MEAUDIO]

يتبع

**شوشو2016** **شوشو2016** · 01-12-2017, 10:26 PM

ماذا أقول له

كلمات :
الحان :

ماذا أقول له لو جاء يسألني
إن كنت أكرهه أو كنت أهواه
ماذا أقول إذا راحت أصابعه
تلملم الليل عن شعري و ترعاه
و كيف أسمح أن يدنو بمقعده
و أن تنام على خصري ذراعاه

غدا إذا جاء أعطيه رسائله
و نطعم النار أحلى ما كتبناه
حبيبتي هل أنا حقا حبيبته
و هل أصدق بعد الهجر دعواه
أما انتهت من سنين قصتي معه
ألم تمت كخيوط الشمس ذكراه

أما كسرنا كؤوس الحب من زمن
فكيف نبكي على كأس كسرناه
رباه أشياؤه الصغرى تعذبني
فكيف أنجو من الأشياء رباه
هنا جريدته في الركن مهملة
هنا كتاب معا كنا قرأناه

على المقاعد بعض من سجائره
و في الزوايا بقايا من بقاياه
ما لي أحدق في المرآة أسألها
بأي ثوب من الأثواب ألقاه
أأدعي أنني أصبحت أكرهه
و كيف أكره من في الجفن سكناه

و كيف أهرب منه إنه قدري
هل يملك النهر تغييرا لمجراه
أحبه لست أدري ما أحب به
حتى خطاياه ما عادت خطاياه

الحب في الأرض بعض من تخلينا
لو لم نجده عليها لاخترعناه
ماذا أقول له لو جاء يسألني
إن كنت أهواه إني ألف أهواه

ماذا أقول له - نجاة الصغيره mp3

[MEAUDIO]https://ia801502.us.archive.org/24/items/ward2u_02/044.maza_aqul_lah.mp3[/MEAUDIO]

إعـــــــلان

تحميل جميع اغانى نجاة الصغيره mp3

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك