إعـــــــلان

**safynaz** **safynaz** · 12-09-2012, 10:46 PM

منى
انا طبعا هايجيلى جاهز مش انتى قلتى ده علشانى
اهى ناانو بعتت تجيب الحاجة انا بقة هاعمل ايه حتى المضرب ماعنديش وبعدين كمان هايتعمل على يومين ؟؟؟؟
لالالالالالا منى ابعتيه جاهز عشان خاطرى

**almonalyza** **almonalyza** · 12-10-2012, 03:42 AM

شيف منتدانا القمر
منى سامي
اولا انتي مش محتاجة اني اضيف كلمة
اعجاب او شكر فيكفي ان تكون الوصفة
مزيلة بتوقيع منى سامي حتى الواحدة
مننا تجرب وتذوق كمان وهي مغمضة
حقيقي يا منى عجبتني قوي فكرة
الكريمة بالكراميل وزي ما قلت لك انا باعملها
كتير والاولاد بيحبوها لكن انا باعملها
في الفرن وازينها بالفراولة
تعرفي اني كنت ناوية اعملها امبارح وافاجئ
الكل باني اول واحدة تنفذها لكن والله غصب عني
لاني نزلت اشتريت طلبات للبيت امس
ورجعت وقفت في المطبخ علشان الغذاء
فمقدرش اقف مرتين في اليوم لكن على وعد مني انفذها
وربنا يسهل اليوم ساحاول
دمتي حبيبة قلبي ودام مطبخك عامر
بالذ واشهى الوصفات
وقلبك عامر بالايمان وبذكر الرحمن

**SaMaR_ BakR** **SaMaR_ BakR** · 12-10-2012, 09:43 AM

أنا بقه مستنياها
هههههههههههههه
ومضطره أعملها لسببين
أولا: أن عيد ميلاد زوجى بعد بكرة
لدرجة أنى قلت انا هادخل النهاردة لو قليت منمن نزلت الوصفه
هاعملها
لو مانزلتهاش هاعمل تورتها الجميلة وشيكولاته مروار اللى علمتهالى

لكن الحمدلله ,, ربنا يباركلنا فيكي لحقيتي
وبعدين فكرة القالب القلب دى ماجتش على بالى مع ان عندى قالب قلب
هاتبقى مناسبة
هههههههههه
السبب التانى بقه : أنى مستنياها عشان أعملها وأكلها لأنى بموت فيها
وبعد ما اكلها أعمل ريجيم ،،، مستنيه آكلها الأول ,, قال يعنى..
ههههههههههههههه

أنا هاعملها بعد بكرة وأوريكي التطبيق وربنا يستر
ههههههههههه
أدعيلي ,, أنا مش مطمنة

**منى سامى** **منى سامى** · 12-11-2012, 03:09 PM

سمو الروح و هالة و نااانو
و هند و صافى و سمر و الموناليزا
حبيباتى اسعدنى ردكن الراائع
و اسعدنى جدا اعجابكن بوصفاتى
التى اصنعها بحب لخاطر عيونكم
و كما وعدتكم الان اقدم لكم عجينه الفوندان و الايسينج
من مطبخى وهطبق عليهم كمان تورته جميلة
المقادير والطريقة فى الرابط ده اضغط هنا

1

**almonalyza** **almonalyza** · 12-12-2012, 07:06 AM

منمن حبيبتي طبعا انا مش حاقول
حلو و رائع و تحفة و يجنن
انا حأقول انا نفذت انا اصلي كنت باهرب
من المطبخ علشان انا ضعيفة من ناحية الحلو
و الوزن بقى الله ينور خربان على طول
شوفي حبيبتي انا نفذت التشيزكيك بس
بالمكونات اللي عندي يعني استخدمت
كريمة سايلة مش اكياس و كمان استخدمت جيلي
الفراولة مش الاناناس مش فزلكة و الله و الا حاجة
لكن هي دي المستلزمات اللي كانت موجودة عندي
اقول لك بقى ايه الغلط اللي عملته قبل ما تشوفي الصورة
نسيت انك قلتي توضع في الثلاجة لتاني يوم و انا رحت
شايلة الاطار اللي كانت فيه قبل ما تجمد تماما فسالت على الجوانب
اصل الاولاد كمان اول ما يعرفوا اني عاملة تشيزكيك ما يصبروا
تاني حاجة قاعدة البسكويت طلعت سميكة شوية و انا
في العادي باعملها اقل من كدا بس الطعم طلع حكاية

تسلم ايدك يا احلى و اجمل شيف عرفته
عارفة ليه انا حطيت خط تحت شيف عرفته ؟
لان زوجي هو الشيف التاني اللي اعرفه
فهو له في المطبخ لأ و ذواق درجة اولى
احيانا يدخل المطبخ لما يكون له مزاج

اليك دليل تنفيذ قنبلة الموسم و ان شاء الله مرة تانية
اعملها بطريقتي وا نزل لكم الصور

1

**منى سامى** **منى سامى** · 12-12-2012, 07:19 AM

ايه الروعة دى كلها ياست منمن
وبتقولى ساحت ومش عارفة ايه
شكلها حلو حبيبتى قوى
واكيد طعمها هيكون جميل
على فكرة على مع انك تبتكرى فى المطبخ
لان الابتكار يولد افكار كتير وخبرة مرة تصيب ومرة تخيب
انا عملتها بالكراميل ممكن تعمليها انتى بالفراولة او الاناناس
والاولاد بيحبو اللون الاحمر اكتر
تسلم ايدك حبيبتى وربنا مايحرم اولادك من عمل ايدك
ويباركلك فى شيفك الاول عشان مايزعلشى
وانا خلينى الشيف التانى هههههه
نورتى مطبخى باجمل وصفة
سعيدة جدا باهتمامه ياقمر
شكرا ياقلبى

**نااانو** **نااانو** · 12-12-2012, 10:40 AM

الله الله
ايه الجمال ده
حَمااار وحلاوة ( بفتح الحاء )
ههههههههههههههه
تسلم ايدك موناليزا الجميلة
وبالف هنا لك وللاولاد
والله يامنمن واصبح لك منافسين
هههههههههههههه
لكن مكانتك مازالت محفوظة
تسلمى لنا يا احلى واجمل شيف

**REHAM SAAD** **REHAM SAAD** · 12-13-2012, 04:07 PM

مفاجأة ليلة رأس السنه (الكريسماس)

مونمون الجميله بمناسبة إن الكريسماس قرب
فحابين انك تفاجئينا بأحلى مفاجأه على ذوقك
بما إننا بنثق ثقه كامله في ذوقك الراقي وتكون مصدر سعاده لكل بيت وأسره
reham

**SaMaR_ BakR** **SaMaR_ BakR** · 12-13-2012, 07:45 PM

منمن حبيبتى
وعدتك انى هاطبق و أشارك بالصورة
انا طبقت على التورتايه الجميلة
و عملت الشيكولاته المروار
لأنى ما بعد ما بدأت اعمل قاعدة التشيز كيك
أكتشفت ان القالب اللى عندى له قاعدة
ههههههههههههه
و ماعنديش قالب بينفصل عن القاعدة
عشان كده طبقت على التورتاية الجميلة
ضفت 3 ملاعق كاكو عشان اعملها بالشيكولاته
و أدى شكل التطبيق

2

تسلميلنا و يسلم تعليمك لينا

**الفراشة الحزينة** · 12-13-2012, 08:12 PM

حبيبتى و غاليتى منى سامى
اولاً وحشتينى جداً انتِ و كل المنتدى
ثانياً كما عاهدتك دوماً فأنت رمز للعطاء
و عنوان للتميز و التألق
سلمت يداكِ حبيبتى

**منى سامى** **منى سامى** · 12-15-2012, 08:40 AM

حبيبتى الجميلة سمر
ما شاء الله ياقمر
التورته طالعة تجنن
تسلم ايدك وعينك حبيبتى
اكيد يوسف فرح بيها جدا لانها من ايد ماما الحلوة
ربنا يسعدك زى ما بتسعدينى بتنفيذك للحلويات
والله بيسعدنى جدا انى قدرت اوصل معلومه ولو صغيرة لاحد

وانتظرينى باذن الله هعملك مفاجأة فى الكريسماس
هتفرح يوسف وتسعد كل الاطفال بناء على رغبة ريهام الجميلة

تسلم ايدك مرة تانية وربنا يسعدك حبيبتى ويتم شفاك على خير
مليون بوسة ياقمر

**SaMaR_ BakR** **SaMaR_ BakR** · 12-16-2012, 10:29 AM

منى سامي
ما شاء الله ياقمر
التورته طالعة تجنن
تسلم ايدك وعينك حبيبتى

ربنا يخليكي لينا يا أستاذة ,, ده بفضل توجيهاتك

اكيد يوسف فرح بيها جدا لانها من ايد ماما الحلوة

بصي عاوزة تضحكي
ههههههههه
تعالى أضحك على يوسف
يوفي القمر ده ما بيكولش ,, فعلا بيكرة الأكل
المهم أنا متبعة معاه سياسة
لو كلت هاتخرج
لو كلت هاتروح النادي ,, وبتنجح
المهم يوم عيد الميلاد شاف التورتايه
كنت محضراها قبل الغدا ,,
قالى أكل تورته
قلتله بعد الأكل
آكل تورته
طب بعد السلطة
آكل تورته ,,,,,,,,,,, وفضلنا كده لغايه لما خلصتله أكله
وفي النهاية ,, ماقدرش ياكل التورته
هههه
بس أكل منها تانى يوم ,, وعجبه أنها شيوكلاته

وانتظرينى باذن الله هعملك مفاجأة فى الكريسماس
هتفرح يوسف وتسعد كل الاطفال بناء على رغبة ريهام الجميلة

منتظرة طبعا ...انا اقدر ماانتظرش
هههههههههههههههههه
تسلميلنا ,, ربنا يخليكي

**نااانو** **نااانو** · 12-16-2012, 12:08 PM

تسلم ايدك سمورة
ماشاء الله التورتة شكلها جميل
واكيد طعمها طبعا
طالما يوسف مقدرش ياكل منها
هههههههههههههههه
تسلم ايدك حبيبتى
والله يخلى لك يوسف القمر
وياكل من التورتاية الحلوة

**almonalyza** **almonalyza** · 12-16-2012, 04:00 PM

حبيبتي منى

ايه الروعة دى كلها ياست منمن

الاروع هي عيونك وقلبك الحنون

على فكرة على مع انك تبتكرى فى المطبخ

على فكرة انا لا احبت التغيير في الوصفة
لما اكون اجربها لاول مرة انفذها بنفس
المكونات لكن هي دي المسلتزمات
اللي كانت موجودة عندي

انا عملتها بالكراميل ممكن تعمليها انتى بالفراولة او الاناناس

انا ايضا عملتها بالكراميل هو الاختلاف في الجيلي بس

تسلم ايدك حبيبتى وربنا مايحرم اولادك من عمل ايدك

ولا يحرمنا منك ولا من حنان قلبك

ويباركلك فى شيفك الاول عشان مايزعلشى

ويبارك لي فيكي حبيبتي وبعدين هو مش حيزعل
لانه ملهوش في الحلويات احنا بتوع الحلويات
هههههههههههههههه

نورتى مطبخى باجمل وصفة

مطبخك منور بيكي وبوصفاتك حبيبتي

شكرا ياقلبى

الشكر كل الشكر ليكي على
تشجيعك و كلماتك الحلوة

**almonalyza** **almonalyza** · 12-16-2012, 04:07 PM

جبيبتي نانو

الله الله
ايه الجمال ده
حَمااار وحلاوة ( بفتح الحاء )
ههههههههههههههه

ههههههههههههههههههه
حلوة بفتح الحاء دي

تسلم ايدك موناليزا الجميلة

يسلمك من كل شر يا قلبي

وبالف هنا لك وللاولاد

يهنيكي ويسعدك باولادك

والله يامنمن واصبح لك منافسين

والله يا نانو كلكم ليس لكم منافس في اي مكان

على فكرة يا نانو انا باحضرك مفاجأة
بس ادعي لي انها تخلص علشان انزلها
وتشوفوها وان شاء الله تعجبكم وخاصة انتي

إعـــــــلان

حلويات شرقية وغربية فى دورة تعليمية بالصور

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك